Ən yeni
Press reliz
15 aprel 2024
BMT-nin İnkişaf Proqramı Azərbaycanda İqlim Təhsili Təşəbbüsü üzrə Yaşıl İqlim Fondu və Ekologiya və Təbii Sərvətlər Nazirliyi ilə əməkdaşlıq edir
Daha ətraflı
Press reliz
08 aprel 2024
Çərçivə Sənədinin icrası üzrə İstiqamətləndirici Komitənin iclası keçirilib
Daha ətraflı
Press reliz
15 mart 2024
BMT-nin İnkişaf Proqramının Administratoru Axim Ştayner Azərbaycana rəsmi səfər edib
Daha ətraflı
Ən yeni
Azərbaycanda Dayanıqlı İnkişaf Məqsədləri
Son beş il ərzində Azərbaycan 2030 Gündəliyinə nail olmaq istiqamətinə sadiqliyini nümayiş etdirib. 2016-cı ildə Azərbaycan Respublikasının Prezidenti, BMT-nin Azərbaycan hökumətinə göstərdiyi dəstəyin əlaqələndirilməsi üçün əsas tərəfdaş kimi fəaliyyət göstərən Dayanıqlı İnkişaf üzrə Milli Əlaqələndirmə Şurasının yaradılmasına dair fərman imzalayıb.
Eyni zamanda Azərbaycan, DİM-ləri milli səviyyədə sürətləndirmək üçün atıla biləcək konkret siyasət və proqramlaşdırma addımlarını əks etdirən MAPS (2030 Gündəliyi naminə aktuallaşdırma, sürətləndirmə və siyasətə dəstək) missiyasını həyata keçirən ilk ölkələrdən biri olub və ölkə təcrübəsini 2018-ci ildə keçirilən Dayanıqlı İnkişaf üzrə Bakı Forumunda təqdim edib. Digər məsələlərlə bərabər regional forum DİM-lərin inteqrasiyası və onların icrasını sürətləndirmək məqsədilə fəaliyyətləri müəyyən edən Bakı Prinsiplərinin qəbul edilməsi ilə yekunlaşdırıb.
BMT-nin dəstəyi ilə interaktiv tablo, məlumatları vahid şəkildə toplayan, DİM-lərə doğru inkişafı real vaxt rejimində izləyən DİM-lər üzrə Milli Məlumat Portalı istifadəyə verilib. BMT, heç kimin kənarda qalmamasına diqqət ayırmaqla keyfiyyətli statistika toplamaq üçün ölkənin statistika məlumatları sahəsində potensialını gücləndirmək üçün davamlı dəstək göstərməkdədir.
BMT həmçinin DİM-ləri təşviq etmək istiqamətinə özəl sektor, media, parlament üzvləri və ictimaiyyət də daxil olmaqla müxtəlif qrupların cəlb edilməsi üçün xüsusi səylər göstərməkdədir.
Nəşr
16 may 2023
BMT-nin Ölkə üzrə İllik Hesabatı - Azərbaycan 2022
Böyük məmnuniyyətlə 2022-ci il üçün BMT-nin Ölkə üzrə İllik Hesabatı sizə təqdim edirik.
Hesabatda ötən il hökumət, vətəndaş cəmiyyəti, özəl sektor, gənclər təşkilatları, akademik dairələr və digər tərəfdaşlarla birgə əməkdaşlıq, eləcə də Qlobal Məqsədlərə nail olmaq üçün əldə etdiyimiz nəticələr öz əksini tapıb.
1 / 5
Press reliz
18 iyun 2021
Ümumdünya Qaçqınlar Günündə BMT QAK Azərbaycanın qaçqın və sığınacaq axtaran şəxslərə dəstəyini alqışlayır
Myanmada Rohinya kimi bir çox qaçqın böhranlarının təəssüf ki, uzun sürən şəkil alması ilə yanaşı, Efiopiya daxilində və Sudan sərhədi boyunca yüz minlərlə insanı didərgin salan Efiopiyada Tiqray böhranı kimi yeni münaqişə ocaqları da meydana gəlməkdə davam edir.
Covid-19 pandemiyası və onun nəticələrinə qarşı mübarizə göstərdi ki, biz yalnız birlikdə hərəkət etdikdə uğur əldə edə bilərik və bu ilin Ümumdünya Qaçqınlar Günü kampaniyası qəbul edən icmalarda qaçqınların “Biz birlikdə şəfa tapırıq, öyrənirik və parlayırıq” şüarı altında səhiyyə, təhsil və idman sahələrində daha geniş daxil edilməsinə çağırır.
Azərbaycanda əsasən Əfqanıstandan və Orta Asiyanın, Yaxın Şərqin və Şərqi Avropanın digər ölkələrindən olan 1616 qaçqın var. BMT QAK-ın Azərbaycandakı Nümayəndəliyi Ümumdünya Qaçqınlar Günündə Azərbaycan hakimiyyətini və xalqını ölkədə yaşayan qaçqın və sığınacaq axtaran şəxslər üçün səhiyyə xidməti və qanuni əmək bazarına çıxışa icazə verildiyinə görə alqışlayır. Qaçqınların inteqrasiyası və daxil edilməsi üçün çalışmağa və əməkdaşlığa davam etdikcə, biz qaçqınların məşğulluğu və tibbi sığortaya çıxışları ilə bağlı qanunvericilikdə edilən uğurlu dəyişikliyə görə Azərbaycan Hökumətinə təşəkkürümüzü bildiririk.
Bütün dünyada zorla didərgin salınmanın artdığı bir zamanda qaçqınlar üçün həmrəylik, qayğıkeşlik və dəstək həmişəkindən daha vacibdir. Onlar himayədən və özlərini, ailələrini saxlamaq və onları qəbul edən icmanın bir hissəsi olmaq üçün layiqli yaşayış qurmaq imkanından artıq heç nə istəmirlər. Bu baxımdan, BMT QAK Azərbaycanda yaşayan qaçqın və sığınacaq axtaran şəxslər üçün hüquqi statusun təmin olunması, eləcə də, məcburi köçkünlər üçün təhlükəsiz və ləyaqətli qayıdış şəklində davamlı həll yoluna nail olmaq məqsədi ilə təşviqat işlərini davam etdirir.
“Qaçqınların bəziləri Azərbaycanda doğulub, yaxud bu ölkəyə körpə olarkən gəliblər və inteqrasiya üçün şərait yaradılsa davamlı həll təmin edilməklə yanaşı, onlar Azərbaycan cəmiyyətinin inkişafına töhfə vermək potensialına sahibdirlər”ş Bu sözləri BMT QAK-ın Azərbaycandakı Nümayəndəsi Guido Ambroso deyib. “İrəliləyiş əldə olunmasına baxmayaraq, hüquqi statusun təmin olunması üçün daha çox iş görülməsinə ehtiyac var. Mən həmçinin bu fürsətdən istifadə edərək, yüz minlərlə məcburi köçkünün üç onillikdən sonra nəhayət ki öz torpaqlarına qayıtmaqla davamlı həllə nail olmaq imkanına sahib olmaları münasibəti ilə Azərbaycan xalqını təbrik etmək istərdim” deyə o, əlavə edib.
Ümumdünya Qaçqınlar Günü qaçqınların icmalara töhfəsinin, onların bənzərsiz təcrübəsinin, müharibə və münaqişələrin gətirdiyi ən ağır çətinliklərə tab gətirmək üçün dəyanət və cəsarətinin qeyd olunduğu gündür.
1 / 5
Press reliz
18 mart 2021
ANAMA və BMTİP Azərbaycandakı mina təmizləmə əməliyyatlarını dəstəkləmək üçün qüvvələrini birləşdirir
BMT-nin İnkişaf Proqramının böhran vəziyyətlər üçün nəzərdə tutulan büdcəsindən və BMT-nin Fövqəladə hallara qarşı tədbirlər üzrə Mərkəzi Fondundan toplam, bir milyon ABŞ dolları məbləğində vəsait ayrılıb. Bu vəsaitlə BMTİP, ANAMA-ya münaqişənin təsirlərinə məruz qalan ərazilərdə yaşayan yerli icmalar üçün ciddi risklər yaradan minaları və partlamamış hərbi sursatları təmizləmək üçün təcili müdaxilə qruplarını təlimləndirmək, təchiz etmək və yerləşdirmək üçün dəstək verəcək.
Cənab Süleymanov bu layihənin vacibliyini vurğulayaraq gələcək əməkdaşlığa ümidli olduğunu bildirib.
Cənab Frakassetti, BMTİP-nin ANAMA-nı texniki təcrübə, avadanlıq, potensialın inkişafı və maliyyə vəsaiti ilə təmin edərək, Azərbaycanda minatəmizləmə əməliyyatlarına dair dəstəyini genişləndirəcəyini bildirib. Rezident nümayəndə nəticədə bu fəaliyyətin, icmaların su mənbələrinə təhlükəsiz şəkildə çıxışının olmasına, evlər, məktəblər və sağlamlıq klinikaları tikməsinə kömək edəcəyini qeyd edib.
BMTİP, ANAMA-nı minatəmizləmə əməliyyatları ehtiyaclarının qiymətləndirilməsində dəstəkləyir, beynəlxalq təcrübəni paylaşır, fərdi qoruyucu vasitələr və mina təmizlənməsi avadanlıqlarının alınmasında Milli Agentliyə yardım edir.
Əlavə dəstək çərçivəsində minatəmizləmə sahələrinin prioritetləşdirilməsi, mina aşkarlanması üçün “istilik” xəritələrinin hazırlanması, eləcə də minatəmizləmə əməliyyat avadanlıqları və minaaxtaran itlərin alınması nəzərdə tutulur.
ANAMA 1999-cu ildə BMTİP-nin dəstəyi ilə təsis edilib. Son 20 il ərzində ANAMA və BMTİP Azərbaycanda 806.000-dən çox mina və digər partlayıcı silahların təmizlənməsinə kömək edərək 160.500-dən çox köçkün şəxsin evlərinə təhlükəsiz şəkildə qayıtmasına dəstək olub.
1 / 5
Hekayə
02 fevral 2021
BMT, Azərbaycanın münaqişədən zərər çəkmiş bölgələrindəki təcili humanitar fəaliyyəti dəstəkləmək məqsədilə 2 milyon ABŞ dolları ayırıb
Birləşmiş Millətlər Təşkilatı (BMT) Azərbaycanın münaqişədən zərər çəkmiş bölgələrində təşkilatın davam edən humanitar fəaliyyətini dəstəkləmək üçün Vahid Təcili Yardım Fondundan (CERF) 2 milyon ABŞ dolları ayırıb.
Noyabrın 9-da imzalanmış üçtərəfli sazişdən sonra BMT-nin Azərbaycanda fəaliyyət göstərən agentlikləri qida, sığınacaq, gigiyena, qışa hazırlıq, mina riskinə dair məlumatlandırma, səhiyyə, psixoloji və sosial dəstək, eləcə də təhsil sahələrində ilkin yardım göstərib.
BMT-nin Azərbaycandakı rezident əlaqələndiricisi Qulam İshaqzai bildirib ki, "ayrılan vəsait münaqişədən əziyyət çəkən insanların normal həyata dönməsi üçün BMT agentliklərinin hazırda həyata keçirdiyi fəaliyyətlərin miqyasını artıracaq.” Biz, əhalinin ən həssas qruplarının, xüsusilə də qadın və uşaqların təcili ehtiyaclarını qarşılamaq üçün Azərbaycan Hökuməti, vətəndaş cəmiyyəti və digər maraqlı tərəflərlə sıx əməkdaşlığmızı davam etdirəcəyik."
Bu vəsait BMT-nin Ölkə üzrə İdarə Heyətinin Azərbaycan Hökumətinin dəstəyi ilə münaqişədən zərər çəkmiş ərazilərdə apardığı çevik agentliklərarası qiymətləndirmə missiyasının nəticələrinə əsasında ayrılıb. Vəsait münaqişənin təsirinə məruz qalan əhalinin sığınacaq və qeyri-ərzaq məhsulları ilə təmin olunmasını, minalardan təmizləmə fəaliyyətinin əlaqələndirilməsini, zəruri dərman və tibbi avadanlıqlarının çatdırılmasını, habelə mental sağlamlıq və psixoloji-sosial xidmətlərin göstərilməsini dəstəkləyəcək.
Bu günə kimi, BMT-nin Azərbaycandakı Ölkə üzrə İdarə Heyəti dövlət qurumları ilə birgə münaqişədən zərər çəkmiş bölgələrdə bir neçə ilkin ehtiyacların qiymətləndirməsi missiyasını həyata keçirib və aşağıdakı sahələrdə dəstək göstərib:
Səhiyyə: Ümumdünya Səhiyyə Təşkilatı (ÜST) və BMT-nin Əhali Fondu, münaqişədən zərər çəkmiş bölgələrdə yaşayan ailələrə fərdi qoruyucu vasitələr və təcili yardım dəstləri çatdırıb, həmçinin COVID-19 və münaqişəyə görə 60 tibb müəssisəsindəki gərgin iş yükünə baxmayaraq, ilkin səhiyyə xidmətlərinin davam etdirilməsini dəstəkləyib.
Sığınacaq və əsas dəstək ləvazimatı: BMT-nin Qaçqınlar üzrə Ali Komissarlığı, çadırlar və yorğan-döşək dəstləri daxil olmaqla qeyri-ərzaq mallarını almaq üçün 1,5 milyon ABŞ dolları ayırıb və hazırda nağd ianələr üçün 400 min ABŞ dolları toplayır.
Psixoloji-sosial dəstək: Müvəqqəti köçkün olan 40,000 insanın əksəriyyəti, xüsusilə uşaqlar, hədsiz stress və narahatlıq keçirib. Tibb işçilərinin ciddi çatışmazlığı və münaqişə bölgələrində psixoloqların olmamasını nəzərə alaraq, ÜST və UNİCEF xəstəxana və məktəblərdə mental sağlamlıq xidmətlərini dəstəkləmək üçün müvafiq təlimlər keçirir.
Ərazilərin minalardan təmizlənməsi: Münaqişədən zərər çəkmiş bəzi rayonlarda minalanmış və partlamamış hərbi sursatların olduğu ərazilərin miqyasını öyrənmək üçün BMT-nin İnkişaf Proqramı (BMTİP) və təşkilatın Mina Əməliyyat Xidməti (UNMAS) ANAMA ilə birgə qiymətləndirmə missiyası həyata keçirib. Hazırda BMTİP, UNMAS və UNICEF mina riski barədə məlumatlılığı artırmaq, minalardan təmizlənmə strategiyasını dəstəkləmək və ANAMA-nın fəaliyyətini gücləndirmək istiqamətində Hökumətlə birgə fəaliyyət göstərirlər.
BMT-nin Baş katibi adından Təcili yardım üzrə əlaqələndiricinin idarə etdiyi CERF böhranlardan əziyyət çəkən insanlara kömək ütmək üçün ən çevik və effektiv yollardan biridir. Yarandığı gündən bəri bu Fond 104 ölkə və ərazidə yüz milyonlarla insana 6,5 milyard ABŞ dollarından çox yardım edib.
1 / 5
Hekayə
19 noyabr 2020
BMT-nin agentlikləri Azərbaycanın münaqişədən əziyyət çəkən rayonlarında ehtiyacların dəyərləndirilməsi missiyasını başa vurub
BMT agentliklərinin mütəxəssislərindən ibarət əlaqələndirilmiş qiymətləndirmə missiyasının Azərbaycanın münaqişədən əziyyət çəkən rayonlarına dördgünlük səfəri başa çatıb. Missiya BMT-nin Rezident Əlaqələndiricisinin Ofisi, Ərzaq və Kənd Təsərrüfatı Təşkilatı, Beynəlxalq Miqrasiya Təşkilatı, BMT-nin Humanitar Məsələlərin Əlaqələndirilməsi Ofisi, BMT-nin İnkişaf Proqramı, BMT-nin Əhali Fondu, UNİCEF, BMT-nin Qaçqınlar üzrə Ali Komissarlığı və Ümumdünya Səhiyyə Təşkilatının nümayəndələrindən ibarət olub.
Missiya üzvləri Bərdə, Ağdam və Ağcabədi rayonlarında icra hakimiyyətlərinin başçıları ilə görüşüblər, eləcə də müvəqqəti məcburi köçkünlər və münaqişədən əziyyət çəkən icmaların yaşadığı yerlərə baş çəkiblər. Onlar həmçinin mülki evlər və infrastruktura dəyən ziyanı qiymətləndirmək üçün münaqişə zonasının yaxınlığında yerləşən kənd və qəsəbələrə səfər ediblər. Əsas ehtiyacları anlamağa imkan verən və hökumətin fəaliyyətlərini dəstəkləmək üçün müxtəlif sektorlarda müvafiq humanitar cavab mexanizmlərini planlaşdırmaq məqsədilə missiyanın nəticələrinə dair hesabat hazırlanacaq.
1 / 5
Hekayə
12 mart 2024
Qadın minatəmizləyənlər danışır...
Səmayə Əhmədli: Atam qərarımı dəstəklədi, mənə dayaq olduSəmayə əslən Ağdamdandır. O, altı il coğrafiya müəlliməsi kimi fəaliyyət göstərib, həmişə hərb sahəsinə marağı olub, qardaşı da hərbçidir, müharibə iştirakçısıdır.Səmayə 2023-cü ilin noyabrında Bakıda ANAMA, Avropa İttifaqı (Aİ), BMTİP və digər qurumlarınyüksək səviyyəli rəsmilərinin iştirakı ilə keçirilmişmərasimdə sertifikat alan 18 yeni təlim keçmiş minatəmizləyən qadından biridir. Mina Məsləhət Qrupunun (MAG) beynəlxalq ekspertləri tərəfindən keçirilmiş nəzəri və praktiki təlimlər sayəsində qadın minatəmizləyənlərdən ibarət ilk qrup minaların və partlamamış hərbi sursatların tanınması, aşkarlanması və işarələnməsi üçün əsas bilik, bacarıq və tələb olunan davranış, habelə ilk yardımın göstərilməsi qaydalarına yiyələnib.“İşə çox böyük həvəslə başladım, sanki mükafatlandırılacaqdım. Bu işdə soyuqqanlı olmalısan, qorxu hissim yoxdur.”Səmayə danışarkən çox fərəhlənir, müəllimə işlədiyi məktəbdəki yoldaşlarının onun minatəmizləyən olmasını gözləmədiklərini, indi fəaliyyətini maraqla izlədiklərini deyir.“Ailəm əvvəlcə razı deyildi, ancaq atam qərarımı dəstəklədi, mənə dayaq oldu. Anam məni xüsusi geyimdə görməyə alışmamışdı, indi bunu rahat qəbul edir. O, hələ də bir qədər narahatdır, mənimlə mütəmadi əlaqə saxlayır”.Səmayə əvvəlcə çətinlik çəkib, əsasən isti havalarda günəşin altında çalışmaq ona çətin gəlib, daha sonra isə buna alışıb: “Həmişə dərim ağ və həssas olub, günəşdən qaçırdım, amma burada qaraldım”, - deyə zarafat edir.Səmayə Azərbaycanda ilk olan bu təşəbbüsün bir parçası olmaqdan qürur duyur."İstəyirəm ki, Böyük Qayıdışda mənim də payım olsun. Biz öz torpaqlarımızda çalışırıq".24 nəfərdən ibarət 2 minalardan təmizləmə qrupu, o cümlədən 18 qadın minatəmizləyən, 2 səhiyyə işçisi, 2 qrup rəhbəri və 2 qrup rəhbəri müavini Aİ-nin maliyyələşdirdiyi və BMTİP-nin Beynəlxalq Avrasiya Mətbuat Fondu (IEPF) və Mina Məsləhət Qrupu ilə tərəfdaşlıq çərçivəsində həyata keçirdiyi “ANAMA-nın potensialının artırılması ilə məcburi köçkünlərin təhlükəsiz geri qayıtmasının dəstəklənməsi" layihəsi çərçivəsində akkreditasiyadan keçib. Ceyhun Ələkbərov, BMTİP Azərbaycan
1 / 5
Hekayə
06 mart 2024
Aytən BMTİP layihəsi çərçivəsində Azərbaycanın ilk piyada əleyhinə mina aşkar etmiş qadın minatəmizləyənlərindəndir
“Mənim adım Aytəndir və mən Azərbaycanda ilk minatəmizləyən qadınlardan biriyəm”. Ölkənin şimal-qərbində yerləşən Qazax rayonundan olan gənc Aytən İsmayılova öz təəssüratlarını bölüşür. Aytən 2023-cü ilin noyabrında Bakıda ANAMA, Avropa İttifaqı (Aİ), BMTİP və digər qurumların yüksək səviyyəli rəsmilərinin iştirakı ilə keçirilmiş mərasimdə sertifikat alan 18 yeni təlim keçmiş minatəmizləyən qadından biridir. Mina Məsləhət Qrupunun (MAG) beynəlxalq ekspertləri tərəfindən keçirilmiş nəzəri və praktiki təlimlər sayəsində qadın minatəmizləyənlərdən ibarət ilk qrup minaların və partlamamış hərbi sursatların tanınması, aşkarlanması və işarələnməsi üçün əsas bilik, bacarıq və tələb olunan davranış, habelə ilk yardımın göstərilməsi qaydalarına yiyələnib.“Səhərlər hamı özü ilə məşğul olarkən mən çəkmələrimi təmizləyirəm. Heç vaxt peşman olmamışam, inadkar biriyəm və sonadək getməyi sevirəm. İşimi sevirəm deyə hər çətinliyin öhdəsindən gəlirəm.” Aytən danışarkən gördüyü işdən və ölkəsinə verdiyi töhfədən qürur duyduğu gözə çarpır.“Ailəm həmişə hərbidə olub. Mən onların, atamın və qardaşımın, babamın və nənəmin yolunu davam etdirmək istəyirdim. Əmimi müharibədə itirmişəm, əmim oğlu Laçında mina partlayışı nəticəsində xəsarət alıb. ANAMA-nın qadın minatəmizləyənləri işə götürdüyünü ilk eşidəndə ailəmə müraciət etmək istədiyimi bildirdim. Bu qərarımda atam məni dəstəklədi, digərləri buna razı olmadı, anam əmim oğlu ilə baş verən hadisəyə görə bunu istəmirdi. Düşünürdülər ki, mən bu işdən əl çəkəcəyəm. Sertifikat alarkən anam şəklimi paylaşaraq mənimlə fəxr etdiyini yazdı”.Beləliklə, ekoloq olan Aytən minatəmizləyən olmaq üçün təlimlərə başladı, çünki ailə üzvləri kimi həmişə hərbiyə meyilli idi.“Əvvəlcə çox çətin idi. Həyəcanlı idim, amma asan gəlmirdi. Keçdiyimiz davamlı təlimlər sayəsində öz işimi ən yaxşı şəkildə yerinə yetirmək üçün özümü getdikcə daha inamlı hiss edirəm”.Ailəsinin münasibəti ilə bağlı suala Aytən belə cavab verir: “Bilirlər ki, mən həmişə özümə yeniliklər axtarışındayam. Seçimimi başa düşdülər və mənə dəstək oldular”.Aytənin paraşütlə tullanma kimi təcrübəsi də var. O, qrupda piyada əleyhinə mina aşkar etmiş ikinci fərddir.Aytən Azərbaycanda ilk olan bu təşəbbüsün əhəmiyyətinin fərqindədir. "Mən bu fürsətə görə minnətdaram. Bu, şərəfli bir işdir və mən bununla fəxr edirəm".24 nəfərdən ibarət 2 minalardan təmizləmə qrupu, o cümlədən 18 qadın minatəmizləyən, 2 səhiyyə işçisi, 2 qrup rəhbəri və 2 qrup rəhbəri müavini Aİ-nin maliyyələşdirdiyi və BMTİP-nin Beynəlxalq Avrasiya Mətbuat Fondu (IEPF) və Mina Məsləhət Qrupu ilə tərəfdaşlıq çərçivəsində həyata keçirdiyi “ANAMA-nın potensialının artırılması ilə məcburi köçkünlərin təhlükəsiz geri qayıtmasının dəstəklənməsi" layihəsi çərçivəsində akkreditasiyadan keçib. Ceyhun Ələkbərov, BMTİP Azərbaycan
1 / 5
Hekayə
28 dekabr 2023
Günel qadın saç ustası kimi yeni həyata başlayır
90-cı illərin əvvəllərində Qarabağ müharibəsi ilə əlaqədar yüz minlərlə insan ev-eşiyini tərk edəndə Günelin ailəsinin yaşadığı Kəlbəcər rayonunun Şaplar kəndi də viran qalır, sahib olduqları ev, bağ, bostan, mal-qara, bir sözlə bütün əmlakları əllərindən çıxır. Ailə 1993-cü ildə beynəlxalq ictimaiyyətin dəstəyi ilə yerli hakimiyyət orqanları tərəfindən Yevlax rayonunda salınmış “EKO” (Fin tipli evlər) köçkün düşərgəsində müvəqqəti sığınacaqla təmin olunur.
"Tam orta təhsilimi əvvəldən axıradək “EKO” qəsəbəsində almışam. Ailəm o qəsəbəyə gələndə mənim bir yaşım olub. Qadın saç ustası olmaq uşaqlıq arzum idi. Hətta, yuxarı siniflərdə oxuyanda qohumlar, qonşular üçün xırda işlər görüb təcrübə yığmağa çalışırdım” - deyə Günel hekayəsini danışmağa başlayır.
“Saç ustası olmaq üçün peşə məktəbinə yazılacaqdım, amma Yevlax şəhərinə gedib-gəlməyin çətinliyinə görə alınmadı”, deyə o əlavə edir.
Günel 18 yaşında ailə qurur və bir neçə il ərzində iki qız övladı dünyaya gəlir. 2010-cu ildə düşərgənin Yevlax şəhərinin yeni salınmış 32-ci Məhəllə qəsəbəsinə köçürülməsi ilə Günelin ailəsinin də həyatı dəyişir.
Yeni məkanda Günel yeni həvəslə qəsəbədəki tanışlarına gözəllik xidmətləri göstərməyə başlayır. Lakin, bütün səylərinə baxmayaraq, peşə yeniliklərini bilmədiyi və ev şəraitində xidmət göstərdiyi üçün Günelin müştəriləri salon xidmətlərinə üstünlük verirlər.
Bu müddət ərzində Günelin ailəsi faciə ilə üzləşir, həyat yoldaşı dünyasını dəyişir. Heç bir əlavə gəliri olmayan və yalnız məcburi köçkün ailələrinin ala biləcəyi kiçik müavinətlərlə Günel ailə qayğılarını təkbaşına çəkməli olur. O, qəsəbədə QHT-lərin təşkil etdiyi 6 aylıq saç ustalığı kursunu başlamış olsa da, həmin dövrdə üzləşdiyi çətinliklər onu həmin kursu yarımçıq qoymağa məcbur edir.
2023-cü ilin ilk aylarında Günelin yaşadığı qəsəbədə “Məcburi köçkün icmalarının səfərbərliyi və bacarıqlarının artırılması” layihəsinin başlaması ilə hər şey dəyişməyə başlayır. Qəsəbəyə peşə kursu təşkil edən təşkilatın gəlməsi xəbərini alan Günel dərhal ərizə ilə müraciət edir. Birləşmiş Millətlər Təşkilatının Qaçqınlar üzrə Ali Komissarlığının (BMT QAK-ın, yaxud BMT-nin Qaçqın Agentliyinin) maliyyələşdirdiyi həmin layihəni “Ümid” Sosial İnkişafa Dəstək İctimai Birliyi həyata keçirir.
Günel müraciət etmiş yüzlərlə ərizəçinin arasından peşəyə olan həvəsinə, bacarığına və təcrübəsinə görə komissiya tərəfindən qadın saç ustası peşəsi sahəsi üzrə iki aylıq təkmilləşmə kursuna qəbul olunmaq üçün seçilir, nəzəri və praktiki kursda iştirak etməklə yanaşı layihə çərçivəsində təşkil olunan “Biznes Planın Hazırlanması” və “Sahibkarlığa Giriş” təlimlərini uğurla başa vurur.
Günel bilik və bacarıqlarını eyni zamanda üzv olduğu İcma İnkişaf Şurasının dəyirmi masalarında və təlim sessiyalarında fəal iştirak etməklə daha da inkişaf etdirir.
“Bütün həyatım boyu bu peşəyə yiyələnmək üçün bacarıqlar əldə etmək üçün imkanlar axtarmışam. Bu layihədə mən o fürsəti əldə etdim və arzularımı reallaşdırmağa başladım”, - deyə Günel bildirib.
Bacarıqları artdıqca və təlim kursları ona özünə inam və ümid bəxş etdikcə, Günel müstəqil biznes qurmaq, xanımlar üçün gözəllik salonu açmaq əzmini daha da möhkəmlədir. Əvvəllər bu istəyini təkbaşına həyata keçirməyi o heç ağlından belə keçirməmişdi. O, ciddi cəhdlə yeni gözəllik salonu açmaq üçün yer axtarmağa başlayır və avadanlıq almaq və iş sahəsi kirayə etmək məqsədi ilə bankdan kredit götürür.
Usta yaninda şagird hazırlığı kursunu uğurla başa vuran Günel icarəyə götürdüyü qadın gözəllik salonunu xəyalında qurduğu şəkildə tam işlək vəziyyətə gətirir. Əlavə iki işçi götürərək, Yevlax rayon sakinlərini salon xidmətləri ilə tanış etməyə başlayır. Kurslar zamanı əldə etdiyi sahibkarlıq bacarıqları sayəsində Günel yeni komandası ilə əhatə dairəsini genişləndirməyə və müştəri məmnuniyyətini artırmağa nail olur.
Günel bir gün Kəlbəcərə qayıtmaqla bağlı niyyətindən də söz açır: “Arzularımız reallığa çevrilib! Kəlbəcər yenə bizim vətənimizdir! Ailəmlə Kəlbəcərə qayıtdıqdan sonra orada salonumun daha böyük bir qolunu açmaq niyyətindəyəm. Bütün bu arzu və uğurlarımın səbəbkarı olan “Ümid” təşkilatına və əvəzsiz maliyyə dəstəyinə görə BMT-nin Qaçqın Agentliyinə sonsuz təşəkkürümü bildirirəm. Onların dəstəyi arzumu reallaşdırmağa kömək etdi və mənim üçün yeni bir dünyaya qapı açdı”.
Hazırlayanlar:
Elsevər Ağayev, BMT QAK-ın Azərbaycandakı Nümayəndəliyinin xarici əlaqələr üzrə baş müşaviri
Aynur Tağıyeva, “Ümid” Sosial Inkişafa Dəstək İctimai Birliyinin informasiya meneceri
1 / 5
Hekayə
28 dekabr 2023
Gənc aşpaz usta yanında şagirdlik proqramı fürsətindən yararlanır
Kulinariya həvəskarları nəslindən olan 20 yaşlı Rəvan Əhmədovun kulinariya həvəsi hələ gənc yaşlarında atasının məharətlə ləzzətli yeməklər hazırlamasını müşahidə edərkən yaranıb. Atası kulinariya ixtisası peşə təhsilini fərqlənmə diplomu ilə bitirmiş və özünü kulinariya sənətinə həsr etmiş, kənd məclislərində peşəkar aşpaz kimi xidmət göstərmişdi.
Bu irsdən ilhamlanan Rəvan rəsmi təhsil almağa can atır və peşəkar aşpaz kimi atasının yolunu davam etdirməyi qərara alır. Lakin maliyyə çətinlikləri onun xəyallarını gerçəkləşdirməsinə əngəl olur.
90-cı illərin əvvəllərində Şuşa şəhərindən Yevlax rayonuna məcburi köçkün kimi gəlmiş ailəsini dolandırmaq məsuliyyətini çiyinlərində hiss edən Rəvan bir çox işlərin öhdəsindən gəlir, o cümlədən yeniyetməykən dərs saatlarından sonra və tətillərdə ofisiantlıq edir.
Çox gərgin gündəlik qrafikə, o cümlədən iş üçün uzaq məsafələr qət etməsinə baxmayaraq, Rəvan kulinariya aləmini özü üçün kəşf etmək niyyəti ilə hər fürsətdən yararlanmağa çalışır. O, ofisiant işləyərkən tərəvəz doğramağın incəliklərini və kabab hazırlamaq sənətini öyrənmək üçün aşpazları səylə müşahidə edir. Bütün bunlarla yanaşı, o, ümumi orta təhsilini başa vurur və musiqiyə olan həvəsini davam etdirərək musiqi məktəbində qarmon çalmağı öyrənir.
2023-cü ilin aprel ayında “Məcburi köçkün icmalarının səfərbərliyi və bacarıqlarının artırılması” layihəsinin qəsəbədə icra olunmağa başlaması Rəvanın həyatında dönüş nöqtəsi olur. Birləşmiş Millətlər Təşkilatının Qaçqınlar üzrə Ali Komissarlığının (BMT QAK) maliyyələşdirdiyi və “Ümid” Sosial İnkişafa Dəstək İctimai Birliyi həyata keçirdiyi layihənin məqsədi Azərbaycan Hökumətinin “Böyük Qayıdış” proqramında iştirak edən məcburi köçkünlərin üzləşdiyi problemləri həll etmək və “Usta yanında şagird hazırlığı” təşəbbüsü çərçivəsində gənc mütəxəssislər üçün yeni məşğulluq imkanları yaratmaqdır.
İcma İnkişaf Mərkəzinin lideri, qəsəbə sakini Sərvər müəllim bu layihə barədə Rəvana məlumat verir. Mövcud imkandan xəbər tutan Rəvan həvəslə hazırlaşır və müraciət edir. Qəsəbədəki çoxsaylı müraciət edənlər arasında Rəvanın kulinariya sahəsinə olan həvəsi və böyük marağı onun seçim komissiyası tərəfindən üç aylıq kulinariya kursuna qəbul olunmasına kömək edir.
Rəvan usta yanında şagird hazırlığı kursu çərçivəsində həftədə 3 gün peşəkar aşpaz tərəfindən keçirilən hərtərəfli nəzəri və praktiki kursda iştirak edir və Yevlax KOBİA tərəfindən təşkil olunan “Biznes planın hazırlanması” və “Sahibkarlığa giriş” təlimlərini uğurla başa vurur. Usta yanında şagird hazırlığı başa çatmadan Rəvan Yevlax şəhərində məşhur restoranların birindən iş təklifi alır və bu onun kulinariya sənətinə yiyələnmək yolunda mühüm mərhələ olur. O, hal-hazırda da həmin restoranda baş aşpaz köməkçisi kimi çalışır.
Rəvan, əvvəlcə şagirdlik üçün seçiləcəyinə şübhə etdiyini bildirir: “Seçimin nəticəsini səbirsizliklə gözləyərkən mən güman edirdim ki, kulinariya sahəsinə müraciət edən gənc xanım namizədlərin şansı daha çoxdur. Nəticələr açıqlananda qəbul olunmağım barədə xəbərə inana bilmirdim. Hiss etdiyim hədsiz sevinci təsvir etmək mümkün deyil, çünki bu kurs mənim üçün əlavə təhsil almaq və təlim keçmək üçün əvəzsiz bir imkan yaradırdı”.
Rəvan şagirdlik kursunun faydası barədə fikir bildirərək belə deyir: “Bu, mənim peşəkar bacarıqlarımı təkmilləşdirməklə yanaşı, məndə risk almaq bacarığını da aşıladı. Ailə məsuliyyətlərimi balanslaşdırmaq və xəyallarıma doğru irəliləmək mümkün oldu. İşlədiyim restoranda iş qrafikinin gərgin olmasına baxmayaraq, həftədə üç gün və üç saat təlim kurslarında iştirak kulinariya bacarıqlarımın artırılmasında çox faydalı oldu”.
Rəvan atasının doğulduğu məkana qayıtmaq imkanı barədə də həvəslə danışır: “Ailəmlə Şuşaya qayıtdıqdan sonra təhsilimi davam etdirmək və peşəkar aşpaz kimi yüksəlmək niyyətindəyəm. Mənim ən böyük arzum Şuşada müasir standartlara cavab verən iaşə müəssisəsi yaratmaqdır”.
Hazırlayanlar:
Elsevər Ağayev, BMT QAK-ın Azərbaycandakı Nümayəndəliyinin xarici əlaqələr üzrə baş müşaviri
Aynur Tağıyeva, “Ümid” Sosial Inkişafa Dəstək İctimai Birliyinin informasiya meneceri
1 / 5
Hekayə
01 noyabr 2023
Peşə təhsilində gənclər: bir əldə beş bacarıq
18 yaşlı Özcan İbrahimov — istedadlı dərzi, müəllimlərin köməkçisi, sevdiyi ixtisasından pul qazanan bir gənc, öz zəhməti sayəsində püxtələşmiş yazıçı və hazırda isə uğurlu məzun. Bir-birindən fərqli olan bu bacarıqlara Özcan necə yiyələndi? Gəlin, ötən bir ilə nəzər salaq və Özcanın çoxsaylı həyat rollarının öhdəsindən necə gəldiyi ilə tanış olaq.
Sənaye və Texnologiyalar üzrə Gəncə Dövlət Peşə Təhsil Mərkəzində təhsil alan Özcan həm də inklüziv kurslarda dərslərin keçirilməsində müəllimlərə yaxından kömək edir, üstəlik, dərsdən sonra çalışır.
Özcan, orta məktəbin 9-cu sinfini tamamladıqdan sonra peşə təhsilinə müraciət edib və dərzi ixtisasi üzrə üçillik təhsili tamamlayıb. “Deyə bilərəm ki, mən bu sənəti yox, sənət məni seçdi. Əslində mən aşpaz ixtisası üçün peşəyə gəlmişdim, lakin dərzi ixtisasına qəbul oldum. Heç peşman deyiləm, əksinə yaxşı da oldu. Hazırda şəhərin nüfuzlu geyim yerlərindən birində “biçimçi” kimi çalışıram”.
Qeyd edək ki, sözügedən bu peşə təhsil mərkəzi Avropa İttifaqının tam maliyyələşdirdiyi və Birləşmiş Millətlər Təşkilatının İnkişaf Proqramının (BMTİP) Peşə Təhsili üzrə Dövlət Agentliyi (PTDA) ilə birgə həyata keçirdiyi “Gələcək üçün peşə təhsili və təlimi” layihəsi çərçivəsində faydalanan peşə təhsil müəssisələrindəndir. Layihə Bakı, Cəlilabad, Gəncə və Şəkidə olmaqla 8 müxtəlif peşə təhsil müəssisəsi ilə çalışır. Məqsəd — ölkədə əmək bazarının tələblərinə uyğun tədrisin təşkilinə dəstək olmaq və bu istiqamətdə Azərbaycandakı peşə təhsil müəssisələrinin müasirləşdirilməsinə yardım etməkdir.
Özcan — həmin layihənin gətirdiyi yeni imkanlardan yararlanan yüzlərlə tələbədən sadəcə biridir və hazırkı ixtisasından xeyli məmnundur. “Bir azca gözümüzü açıb ətrafa baxsaq, görərik ki, neçə-neçə gənclərimiz hazırda onların sahib olduğu ən dəyərli şeyi — zamanı boşa sərf edirlər. Yaşıdlarıma öz şəxsi təcrübəmdən yola çıxaraq deyə bilərəm ki, hər kəs sevdiyi işi görməlidir. Bunun üçün çox gözəl təhsil müəssisəsi yaradılıb, bundan yaxşı anlamda istifadə etmək lazımdır.”
Təsadüfi deyil ki, ən müasir və beynəlxalq standartlara cavab verən dərzi emalatxanası da Avropa İttifaqının maliyyələşdirdiyi və BMTİP-nin PTDA ilə icra etdiyi peşə istiqamətli daha öncəki layihənin dəstəyi ilə 2019-cu ildə məhz bu təhsil mərkəzində yaradılmışdır.
Fəaliyyətlərin davamı olaraq isə hazırda icrası davam edən “Gələcək üçün peşə təhsili və təlimi” layihəsi tərəfindən tədris resurları yenilənmiş və bu sahə üzrə pedaqoji heyətə təlimlər təşkil edilmişdir. Dərzi peşəsinə olan artan tələb və marağın nəticəsidir ki, hazırda yüksək texniki peşə səviyyəsində bu istiqamətdə “moda-dizaynı” ixtisası üzrə təhsil almaq imkanı da mövcuddur. Həmçinin tələbələr layihənin yaratdığı karyera seçiminə dəstək xidmətlərindən istifadə edə bilirlər.
Gələcəyin dəyişən tələblərinə hazırlıqlı olmaq və yeni bacarıqları öyrənmək bu gün qlobal inkişaf gündəliyində əhəmiyyətli yer alır. Belə ki, Dayanıqlı İnkişaf Məqsədlərinin 8-cisi layiqli əməyə, 10-cu isə bərabərsizliyin azaldılmasına diqqət yetirir. Bu məqsədlərə nail olunmasında təhsil və bacarıqların inkişafı xüsusi vurğulanır. Bu anlamda, peşə təhsili müxtəlif təlimlərə çıxışı artırmaqla gənclərin məşğulluq imkanlarının çoxalmasına kömək edir, təqdim etdiyi tədris forması ilə qısa müddətdə səriştəli peşəkarların yetişməsinə, ümumilikdə dayanıqlı iqtisadiyyata və daha yaxşı gələcəyə töhfə verə bilir.
Özcan layihənin təşkil etdiyi dərzi ixtisası üzrə qısamüddətli inklüziv kursdan məzun olmaqla yanaşı, yeni açılmış kurslara da qoşulur, lakin bu dəfə tələbə olaraq deyil. O, bu kursların təşkil olunmasına dəstək göstərməyə çalışır. “İnklüziv kurslarda müəllimlərimizə assistentlik edirəm”. Burada 8 nəfər sağlamlıq imkanları məhdud olan tələbə daxil olmaqla, toplamda 33 nəfər şəxs dərzi ixtisası üzrə təhsil alıb. Bu ixtisasdan əlavə, sözügedən təhsil müəssisəsində bərbər və komputer operatoru üzrə təşkil edilən kurslardan ümumilikdə, 90 nəfər faydalanıb. Qeyd olunmalıdır ki, Gəncədə 66 nəfər kursu müvəffəqiyyətlə başa vuran məzunlar içərisində 18 nəfər sağlamlıq imkanları məhdud olan şəxslər yer alır.
Avropa İttifaqının maliyyə dəstəyi ilə layihə çərçivəsində bu cür inklüziv peşə kursları yalnız Gəncədə deyil, paytaxt Bakıda da olmaqla toplam 3 peşə təhsil müəssisəsində 10 fərqli ixtisas üzrə təşkil edilib. Həmin istiqamətlərə komputer operatoru, sosial medianın idarəsi, SQL (proqramlaşdırma dili), floristika, dulusçuluq, vitraj, dərzi, bərbər, qənnadçı və aşpaz istiqamətləri aiddir. Kurslarda iştirak seçim əsasında aparılıb. Həmçinin bu kurslarda dərs deyəcək müəllimlər üçün inklüziv tədris üzrə bilik və bacarıqlarının artırılması məqsədilə öncədən hazırlıq proqramı həyata keçirilib. Müəllim, istehsalat təlimi ustası, köməkçi personal olmaqla ölkə üzrə 60 nəfər mütəxəssis xüsusi qayğıya ehtiyacı olan tələbələrə uyğun təhsil metodlarını təkmilləşdiriblər.
Nəticədə, 15 yaşdan başlayaraq 62 yaşa qədər müxtəlif qabiliyyətli şəxslərin iştirak etdiyi qısamüddətli kurslardan 94 nəfər sağlamlıq imkanları məhdud olan şəxs daxil olmaqla toplam 400 nəfər faydalanıb. Kurslardan qazandığı bacarıqlar sayəsində isə ümumilikdə, 46 nəfər yeni işə başlayıb. Uğurlu nəticələri və tələbatı nəzərə alaraq layihə növbəti inklüziv qrupun açılmasına dəstək olacaqdır.
İxtisasından fərəhlə bəhs etməyə davam edən Özcan işinə olan marağının səbəbini paylaşır: “Mən yeni tərz, yeni bir dizayn yaratmağı sevirəm, bu sənətin ən yaxşı cəhəti isə hər şeyin sizdən asılı olmağıdır, nə istəsiniz, yarada bilərsiniz” deyə vurğulayır. O, Azərbaycana qeyri-adi tərzlər, alternativ dizaynlar gətirmək və bunu insanlara təqdim etmək istədiyini bildirir: “Sizcə də gözəl bir şey deyilmi, sizin yaratdığınız libasları insanlar sevərək geyinir”.
“Gələcək planlarım bir az qarışıqdır, mən bir yandan da yazıçılıqla məşğulam. 2 cild roman yazmışam, gələcək planlarımda yazıçı olmaq da var, yeni dəsti-xətt və fərqli bir tərz yaradıb dərzi olmaq da var…İndi həm oxuyub, həm işləyirəm və pul da qazanıram (fəxrlə qeyd edir)”.
Əslində hər ikisinin təməlində yaratmaq həvəsi dayanır. Peşə təhsilini yaradıcı olanlar və olmaq istəyənlər, özünü ifadə etmək istəyənlər seçir. Özcan yeni şeylər yaratmaqla həm insanları, həm də özünü xoşbəxt etdiyi qənaətindədir.
İnsanları xoşbəxt etmək anlamında o başqa yollar da sınayıb. Belə ki, Özcan sağlamlıq imkanları məhdud tələbə yoldaşlarına yaxından dəstək olub, onları peşəyə gəlməyə və sahələrinə davam etməyə həvəsləndirib. Bunlardan biri də Əhməddir.
“Bizə xəbər gəldi ki, bu müəssisədə belə bir şərait var, biz də gəlib maraqlandıq. Düzü, əvvəl dərsə gəlmək istəmirdim, lakin sonra Özcan başda olmaqla kurs iştirakçıları məni dəstəklədi və buradakı mühiti gördükdən sonra xoşuma gəldi. Burada hamı bir-birinə kömək edir. Mən də 2 ay müddətində həftədə 3 dəfə olmaqla dərslərə qoşuldum” deyə Əhməd qeyd edir. “9-cu sinfi bitirdikdən sonra avtomobil çilingərliyi istiqamətində də 2 il peşə təhsili almışam, lakin tikişlə uşaq vaxtdan tanışam. Tikiş insanı sakitləşdirir, zövq alıram. Bir məqamı da deyim ki, bu emalatxanada verilən yeni avadanlıqlar da məni bu sahəyə, işə təşviq etdi. Burada hər şey müasir və təzədir”.
Hazırda 30 yaşı olan Əhmədin planı öz işini təkmilləşdirmək və dərzi olaraq xidmət göstərməkdir. “Çəkinməsinlər, ixtisasda daha çox qızın yaxud oğlanın olmasından asılı olmayaraq peşəyə gəlsinlər, xoşlarına gələcək” deyə sonda tövsiyəsini qeyd edir.
Özcanla eyni təhsil yolunu paylaşan Rəviyyə Əliyeva da 9-cu sinfi tamamladıqdan sonra eyniadlı peşə təhsil mərkəzinə qəbul olub, eləcə də burada keçirilən qısamüddətli kursları müvəffəqiyyətlə tamamlayıb. Builin uğurlu məzunları sırasında olan Rəviyyə bu ixtisasın ona yaxınları tərəfindən tövsiyə olunduğunu, lakin əvvəldən özünün də bu sahəyə marağınının olduğunu qeyd edir. “Xəyal gücümlə paltarlara dizayın verməyi sevirəm” deyən Rəviyyə də həmkarı Özcan kimi müxtəlif inklüziv kurslarda dərslərin keçirilməsinə dəstək olur, qrup yoldaşları ilə birgə yeni bacarıqlar öyrənir.
“Gələcək üçün peşə təhsili və təlimi” layihəsi ölkə üzrə peşə təhsil müəssisələrində 1) yeniliklərin tətbiqi, 2) infrastrukturun yaxşılaşdırılması, 3) potensialın artırılması və şəbəkələşmənin inkişafı, həmçinin 4) peşə təhsilinin nüfuzunun artırılması istiqamətində çoxsaylı işlər görür.
Siz də bu işlərlə tanış olmaq, eləcə də ixtisas seçiminiz barədə qərar vermək istəyirsinizsə, #PeşəiləMümkündür heştəqindən istifadə edərək peşə təhsilinin imkanları barədə məlumatlar əldə edə bilərsiniz.
1 / 5
Press reliz
15 aprel 2024
BMT-nin İnkişaf Proqramı Azərbaycanda İqlim Təhsili Təşəbbüsü üzrə Yaşıl İqlim Fondu və Ekologiya və Təbii Sərvətlər Nazirliyi ilə əməkdaşlıq edir
BAKI.18 mart 2024 – BMTİP-nin “İqlim Dəyişikliyinə Milli Uyğunlaşma Planına dəstək” layihəsi Azərbaycan Respublikasının Prezidenti yanında Dövlət İdarəçilik Akademiyasının (DİA) rəhbərliyi və professor-müəllim heyəti ilə görüş keçirib. Görüş zamanı tərəflər DIA-da Dayanıqlı İnkişaf ixtisası üzrə Magistr proqramının bir hissəsi kimi iqlim dəyişikliyinə uyğunlaşma kursları və qərar qəbul edən şəxslər üçün nəzərdə tutulan ixtisaslaşdırılmış rəhbər səviyyəli kursların təşkili məqsədilə modullar üzrə detallı müzakirələri yekunlaşdırıb.Təhsil proqramları icmaları və ekosistemləri dəyişən iqlimin təsirlərinnin qarşısını almaq üçün idarəetmə səviyyəsində uyğunlaşma tədbirlərini yerinə yetirmək məqsədilə liderliyi inkişaf etdirmək və həyata keçirmək üçün iştirakçılara dəstək olmağı hədəfləyir.Azərbaycanda ilk dəfədir ki, iqlim dəyişikliyi mövzusu magistr proqramına inteqrasiya olunur və bu magistr kurslarına qəbul bu ilin sentyabr ayında başlayacaq. Bu təşəbbüslər iqlim böhranının həllində mühüm rol oynayır. İqlim təhsili insanlara iqlim böhranının təsirlərini anlamağa və həll etməyə kömək edir, onları daha dayanıqlı və davamlı gələcək qurmaq üçün lazım olan bilik, bacarıq və dəyərlərlə gücləndirir.
1 / 5
Press reliz
08 aprel 2024
Çərçivə Sənədinin icrası üzrə İstiqamətləndirici Komitənin iclası keçirilib
“2021-2025-ci illər üçün Birləşmiş Millətlər Təşkilatı (BMT) və Azərbaycan arasında Dayanıqlı İnkişaf üzrə Əməkdaşlığa dair Çərçivə Sənədi” üzrə strateji istiqamətlər müəyyən edilib. “2021-2025-ci illər üçün BMT və Azərbaycan arasında Dayanıqlı İnkişaf üzrə Əməkdaşlığa dair Çərçivə Sənədi”nin icrası üzrə Hökumət-BMT Birgə İstiqamətləndirici Komitənin iclası keçirilib. Tədbirdə Çərçivə Sənədinin 2024-cü il üzrə icrası üçün Birgə İş Planları müzakirə edilərək təsdiq edilib və maliyyə ili üçün büdcə prosesi və strateji istiqamətlər müəyyən olunub. İclasda çıxış edən iqtisadiyyat nazirinin müavini Sahib Məmmədov Azərbaycanın BMT-nin müxtəlif ixtisaslaşmış qurumları ilə səmərəli əməkdaşlıq edildiyini və sayca 5-ci olan Çərçivə Sənədinin icrası nəticəsində BMT-Azərbaycan əlaqələrinin tərəfdaşlıq mərhələsinə yüksəldiyini vurğulayıb. Bildirilib ki, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) kimi dünyanın ən aktual bəşəri problemlərinin müzakirə olunduğu platformanın Azərbaycanda təşkili ölkəmizin qlobal problemlərin həllində məsuliyyətli tərəfdaş mövqeyini təsdiqləyir və BMT ilə münasibətlərimizdə yeni səhifə açacaqdır. BMT-nin Ölkə üzrə Rezident Əlaqələndiricisi xanım Vladanka Andreyeva Azərbaycanda Dayanıqlı İnkişaf Məqsədləri üzrə hökumət və vətəndaş cəmiyyəti ilə tərəfdaşlığın gücləndirilməsi, iqlim dəyişikliyi ilə mübarizə, inklüziv inkişafın, gender bərabərliyinin təşviqi və dəstəklənməsi istiqamətində önəmli işlər görüldüyünü bildirib. Qeyd edilib ki, COP29 tədbirinin keçirilməsi üçün hökumət və digər tərəfdaşlarla sıx əməkdaşlıq edilir.Tədbir çərçivəsində Sənədin icrası üzrə 5 istiqamətdə Nəticə Qruplarının həmsədrləri tərəfindən 2023-cü ilin yekunları və 2024-cü ilin prioritet istiqamətləri üzrə təqdimatlar edilib. Qeyd: Azərbaycan Respublikası Hökuməti ilə BMT arasında imzalanmış Çərçivə Sənədi Təşkilatın ölkəmizdə fəaliyyətinin planlaşdırılmasında və icrasında mühüm alət olmaqla, 2021-2025-ci illər üçün Azərbaycan Hökuməti və BMT-nin Ölkə üzrə İdarə Heyəti arasında əməkdaşlığa dair strateji istiqamətləri müəyyən edir. Çərçivə Sənədinin icrası üzrə Hökumət və BMT-nin ixtisaslaşmış qurumlarının ölkəmizdə fəaliyyət göstərən nümayəndələrindən ibarət Hökumət-BMT Birgə İstiqamətləndirici Komitə və Sənədin prioritet sahələri üzrə 5 istiqamətdə Nəticə Qrupları formalaşdırılıb.
1 / 5
Press reliz
26 mart 2024
BMT-nin İnkişaf Proqramının Administratoru Axim Ştayner Azərbaycana rəsmi səfər edib
Bakı, 15 mart 2024-cü il. BMT-nin İnkişaf Proqramının Administratoru Axim Ştayner Nizami Gəncəvi Beynəlxalq Mərkəzinin ev sahibliyi ilə keçirilən XI Qlobal Bakı Forumunda iştirak etmək məqsədilə Azərbaycana səfər edib. Forumda iştirak edən cənab Ştayner COP29 Konfransı üçün müəyyən edilən hədəflərə həsr edilmiş panel müzakirəlrinə qatılıb. BMTİP-nin Administratoru öz çıxışında COP29 Konfransının önəmini, habelə davamlı iqlim və dayanıqlı inkişaf fəaliyyətinə doğru gedən bir yol olan çoxtərəfli prosesin həyati əhəmiyyətini vurğulayıb. O, COP29-un müəyyən edilmiş əsas məqsədləri, o cümlədən İqlim Maliyyəsi üzrə Yeni Kollektiv Kəmiyyət Məqsədi (NCQG) və onun COP30-a doğru gedən yolda, habelə daha böyük iqlim nailiyyəti baxımından önəmini qeyd edib. Cənab Ştayner BMTİP-nin COP Konfransı üzrə təcrübəsindən bəhs edərək başçılıq etdiyi qurumun COP29 rəhbərliyi ilə sıx işləmək öhdəliyini öz üzərinə götürdüyünü sözlərinə əlavə edib. Səfər çərçivəsində cənab Ştayner Azərbaycan Respublikasının Prezidenti, zati-aliləri cənab İlham Əliyev ilə görüşüb. Görüş zamanı, BMTİP-nin Administratoru Azərbaycanın dövlət başçısını son prezident seçkilərində qazandığı qələbə münasibətilə təbrik edərək onun rəhbərliyi altında yeni tərəqqi və inkişaf dövrünün başlamasına dair gözləntilərini ifadə edib. O, regionda dayanıqlı inkişafın təmin edilməsi və son on ildə iqtisadi artım, sabitlik və sosial tərəqqi istiqamətində əldə edilmiş mühüm nailiyyətlərə görə Azərbaycan prezidentinə təşəkkür edib.Prezident İlham Əliyev Azərbaycanın 2030-cu ilədək inkişaf strategiyası haqqında məlumat verib, yaşıl keçidin prioritet istiqamətlərdən biri olduğunu qeyd edib. Dövlət başçısı Azərbaycanın bərpaolunan və yaşıl enerji potensialının 200 qiqavatdan artıq olduğunu və yaxın müddətdə ölkənin 5 meqavat gücündə bərpaolunan enerji resursu istehsal etmək imkanı olacağını deyib. Bu xüsusda Azərbaycanın Xəzər dənizini və Qara dənizi birləşdirən bərpaolunan yaşıl enerji dəhlizinin formalaşdırılması təşəbbüsü ilə çıxış etdiyi və bu istiqamətdə region ölkələri ilə birgə əməkdaşlığın həyata keçirildiyi vurğulanıb. Axim Ştayner vurğulayıb ki, Azərbaycanın yaşıl keçid transformasiyası COP29-a ev sahibliyi etməsi konsepsiyası ilə tam uyğunluq təşkil edir və ölkənin nümunəsi beynəlxalq ictimaiyyətə təqdim olunacaqdır.Prezident İlham Əliyev Axim Ştayneri COP29 Konfransına dəvət edib, BMTİP-nin Administratoru dəvəti minnətdarlıqla qəbul edib.Səfər çərçivəsində Axim Ştayner həmçinin Azərbaycan Respublikasının Xarici İşlər naziri cənab Ceyhun Bayramov ilə görüşərək Dayanıqlı İnkişaf Məqsədləri (DİM), Azərbaycanda keçiriləcək COP29 Konfransı ilə bağlı fikir mübadiləsi və digər cari məsələlərə dair müzakirələr aparıb.
1 / 5
Press reliz
12 mart 2024
BMTİP Azərbaycan gender bərabərliyinə həsr olunmuş 10-cu ənənəvi “Açılış zəngi” mərasiminə qatılıb
Bakı, 7 mart 2024-cü il.
Bakı Fond Birjası və Dünya Birjalar Federasiyasının əməkdaşlığı çərçivəsində gender bərabərliyinə həsr olunmuş 10-cu ənənəvi “Açılış zəngi” mərasimi keçirilib. Tədbir İsveçrə İnkişaf və Əməkdaşlıq Agentliyinin (SDC) dəstəklədiyi və BMTİP-nin həyata keçirdiyi Cənubi Qafqazda Qadınların İqtisadi Gücləndirilməsi layihəsi ilə tərəfdaşlıq çərçivəsində baş tutub. Görüşdə Bakı Fond Birjası İdarə Heyətinin üzvü Mehman Ramazanov, İsveçrə İnkişaf və Əməkdaşlıq Agentliyinin əməkdaşlıq üzrə regional direktor müavini və missiya rəhbərinin müavini Alberto Hernandez, BMTİP-nın Azərbaycandakı Rezident Nümayəndəsinin səlahiyyətlərini icra edən xanım Alessandra Rokkasalvo, BMT-nin Qadınlar Təşkilatında qadınların iqtisadi səlahiyyətləri üzrə program müşaviri Nani Bendeliani, habelə dövlət və özəl sektoru təmsil edən digər qonaqlar iştirak edib.Tədbirdə gender bərabərliyi və qadınların səlahiyyətlərinin artırılması, gender bərabərliyi mövzusunu gündəmdə saxlayanhəssas-gender yanaşması, Qadınların Gücləndirilməsi Prinsiplərinin (WEPs) dayanıqlılığı mövzuları ətrafında fikir mübadiləsi aparılıb. Görüş iştirakçılarına müraciəti zamanı xanım Rokkasalvoqadınların gücləndirilməsinə xidmət edən və onların tərəqqisinə əngəl olacaq maneələri aradan qaldıran əməkdaşlıqların, innovasiya və strategiyaların həyata keçirilməsi təşəbbüslərnin vacibliyini vurğulayıb.Tədbir zəngin çalınması mərasimi ilə başa çatıb. 8 mart – Beynəxalq Qadınlar Günü ərəfəsində təşkil edilmiş görüş əlaqələrin genişləndirilməsi və yeni tərəfdaşlıqlar baxımından gözəl fürsət oldu.
Bakı Fond Birjası və Dünya Birjalar Federasiyasının əməkdaşlığı çərçivəsində gender bərabərliyinə həsr olunmuş 10-cu ənənəvi “Açılış zəngi” mərasimi keçirilib. Tədbir İsveçrə İnkişaf və Əməkdaşlıq Agentliyinin (SDC) dəstəklədiyi və BMTİP-nin həyata keçirdiyi Cənubi Qafqazda Qadınların İqtisadi Gücləndirilməsi layihəsi ilə tərəfdaşlıq çərçivəsində baş tutub. Görüşdə Bakı Fond Birjası İdarə Heyətinin üzvü Mehman Ramazanov, İsveçrə İnkişaf və Əməkdaşlıq Agentliyinin əməkdaşlıq üzrə regional direktor müavini və missiya rəhbərinin müavini Alberto Hernandez, BMTİP-nın Azərbaycandakı Rezident Nümayəndəsinin səlahiyyətlərini icra edən xanım Alessandra Rokkasalvo, BMT-nin Qadınlar Təşkilatında qadınların iqtisadi səlahiyyətləri üzrə program müşaviri Nani Bendeliani, habelə dövlət və özəl sektoru təmsil edən digər qonaqlar iştirak edib.Tədbirdə gender bərabərliyi və qadınların səlahiyyətlərinin artırılması, gender bərabərliyi mövzusunu gündəmdə saxlayanhəssas-gender yanaşması, Qadınların Gücləndirilməsi Prinsiplərinin (WEPs) dayanıqlılığı mövzuları ətrafında fikir mübadiləsi aparılıb. Görüş iştirakçılarına müraciəti zamanı xanım Rokkasalvoqadınların gücləndirilməsinə xidmət edən və onların tərəqqisinə əngəl olacaq maneələri aradan qaldıran əməkdaşlıqların, innovasiya və strategiyaların həyata keçirilməsi təşəbbüslərnin vacibliyini vurğulayıb.Tədbir zəngin çalınması mərasimi ilə başa çatıb. 8 mart – Beynəxalq Qadınlar Günü ərəfəsində təşkil edilmiş görüş əlaqələrin genişləndirilməsi və yeni tərəfdaşlıqlar baxımından gözəl fürsət oldu.
1 / 5
Press reliz
28 dekabr 2023
DİQQƏT
Azərbaycanda Birləşmiş Millətlər Təşkilatının adı ilə fəaliyyət göstərən saxta internet səhifəsinin mövcudluğu haqda məlumat əldə etmişik: https://z2wo757732g.typeform.com/to/Xl1IW5vv
Bildiririk ki, bu Birləşmiş Millətlər Təşkilatının Azərbaycandakı rəsmi internet səhifəsi deyil və Birləşmiş Millətlər Təşkilatı ilə heç bir əlaqəsi yoxdur. Birləşmiş Millətlər Təşkilatının embleminin bu səhifədə olduğu kimi icazəsiz istifadəsi və nümayişi qadağandır və yalnız təşkilatın öz fəaliyyət və təşəbbüslərində istifadə oluna bilər. Emblemin müvafiq icazə olmadan istifadəsi beynəlxalq hüququn pozulmasıdır. Bu, ictimaiyyət arasında çaşqınlıq yaradır, dezinformasiyanın yayılmasına səbəb olur. Aldadıcı veb-səhifələr vasitəsilə saxta məlumatlar təbliğ edilə bilər. Biz bütün şəxsləri və təşkilatları BMT-ni və ya onun təşəbbüslərini təmsil etdiklərini iddia edən internet resurlarına daxil olarkən ehtiyatlı davranmağa, mənbələrin həqiqiliyi ilə bağlı diqqətli olmağa çağırırıq. Birləşmiş Millətlər Təşkilatından dəqiq və rəsmi məlumat əldə etmək üçün rəsmi vebsaytımıza daxil olun - https://azerbaijan.un.org. Rəsmi internet səhifəmizdə Azərbaycandakı missiyamız, təşəbbüslərimiz və fəaliyyətlərimiz haqqında ən son və dəqiq məlumatlar təqdim olunur. Bununla yanaşı, əgər siz Birləşmiş Millətlər Təşkilatını Azərbaycanda və ya hər hansı başqa yerdə təmsil etdiklərini iddia edən hər hansı internet səhifəsi, sosial media hesabı və ya ayrı-ayrı şəxslərlə rastlaşsanız, müvafiq tədbirlər görmək üçün dərhal bizə məlumat verməyiniz xahiş olunur.
Bildiririk ki, bu Birləşmiş Millətlər Təşkilatının Azərbaycandakı rəsmi internet səhifəsi deyil və Birləşmiş Millətlər Təşkilatı ilə heç bir əlaqəsi yoxdur. Birləşmiş Millətlər Təşkilatının embleminin bu səhifədə olduğu kimi icazəsiz istifadəsi və nümayişi qadağandır və yalnız təşkilatın öz fəaliyyət və təşəbbüslərində istifadə oluna bilər. Emblemin müvafiq icazə olmadan istifadəsi beynəlxalq hüququn pozulmasıdır. Bu, ictimaiyyət arasında çaşqınlıq yaradır, dezinformasiyanın yayılmasına səbəb olur. Aldadıcı veb-səhifələr vasitəsilə saxta məlumatlar təbliğ edilə bilər. Biz bütün şəxsləri və təşkilatları BMT-ni və ya onun təşəbbüslərini təmsil etdiklərini iddia edən internet resurlarına daxil olarkən ehtiyatlı davranmağa, mənbələrin həqiqiliyi ilə bağlı diqqətli olmağa çağırırıq. Birləşmiş Millətlər Təşkilatından dəqiq və rəsmi məlumat əldə etmək üçün rəsmi vebsaytımıza daxil olun - https://azerbaijan.un.org. Rəsmi internet səhifəmizdə Azərbaycandakı missiyamız, təşəbbüslərimiz və fəaliyyətlərimiz haqqında ən son və dəqiq məlumatlar təqdim olunur. Bununla yanaşı, əgər siz Birləşmiş Millətlər Təşkilatını Azərbaycanda və ya hər hansı başqa yerdə təmsil etdiklərini iddia edən hər hansı internet səhifəsi, sosial media hesabı və ya ayrı-ayrı şəxslərlə rastlaşsanız, müvafiq tədbirlər görmək üçün dərhal bizə məlumat verməyiniz xahiş olunur.
1 / 5
Ən yeni resurslar
1 / 11
1 / 11