"Bu yardım çox vaxtında yetdi və faydalı oldu"

Ötənilki Qarabağ münaqişəsi çoxlu itkilərə, dağıntılara və insanların köçünə səbəb oldu. Münaqişədən bir il sonra belə Azərbaycanın münaqişədən zərər görmüş bölgələrində müxtəlif humanitar ehtiyaclar qalmaqdadır. Avropa İttifaqının Humanitar Yardım təşkilatının maliyyəsi ilə Beynəlxalq Miqrasiya Təşkilatının Azərbaycan nümayəndəliyi tərəfindən həyata keçirilən layihə münaqişədən zərar çəkmiş ən həssas qrupa daxil olan 1500 müvəqqəti köçkün aliəsinə çoxməqsədli pul yardımı göstərilməklə Azərbaycanın münaqişədən zərər çəkmiş rayonlarında yaşayan həssas əhalinin mühüm humanitar ehtiyaclarının təmin olunmasına və davamlılığının artırılmasına töhfə verib. Bundan əlavə, yardım almış ən çox zərər çəkmiş və həssas vəziyyətdə olan 1500 ailədən 330-u nağd yardımın ikinci tranşını alıb. Yardım Ağdam, Ağcabədi, Bərdə, Tərtər və digər münaqişədən zərər çəkmiş rayonlarda yaşayan və münaqişədən zərər çəkmiş şəxsləri əhatə edirdi.

44 yaşlı Oruc Aİ-nin humanitar maliyyəsi sayəsində BMqT tərəfindən həyata keçirilən layihə çərçivəsində bu yardımla artıq dəstəklənənlərdən biridir. O, 2020-ci ildə baş verən müharibə zamanı cəbhə xəttinin yaxınlığında yerləşən Ağdamın Xındırıstan kəndində yaşayır. Oruc həyat yoldaşı və dörd uşağını (3 qız və 1 oğul) Bərdəyə aparıb və onlar müharibə bitənə qədər orada qalıb, Özü isə hevyanlara qulluq etmək üçün kənddə qalıb.

Orucun 20 yaşlı oğlu Turalın ayağında problem var və onun daimi tibbi yardıma ehtiyacı var. Oruc özünün ev təssərüfatı ilə məşğul olur, lakin qışda iş imkanları məhduddur. Münaqişə zamanı əkin sahələrinin çox hissəsi atəş altında qaldığı üçün kənd təsərrüfatı işləri yarımçıq qalıb, ailə maddi sıxıntı ilə üzləşib və Turalın müalicə xərclərini qarşılaya bilməyib.

Oruc deyir: “Müharibə gəlirlərimizə mənfi təsir etdi. Oğlumun vəziyyəti ilə bağlı tibbi müalicəyə ehtiyacı var. Mən BMqT-nin ayırdığı pul yardımı olmadan bu müalicəni ödəyə bilməyəcəkdim. Bu yardım vəziyyətimizin ağır olduğu bir vaxta düşdü və bizə çox kömək etdi”.

Ailə Aİ tərəfindən maliyyələşdirilən layihə çərçivəsində BMqT-dən iki dəfə pul yardımı alıb. Oruc deyir: “O vaxt mənim üçün çox çətin vəziyyət yaranmışdı və bu yardım bizə çox faydalı oldu”. O deyir ki, onun istədiyi övladları üçün daha yaxşı həyatdır, lakin onlar hələ də bir çox çətinliklərlə üzləşirlər. O, vəziyyətlərinin mümkün qədər tez düzələcəyinə ümid edir və bu pul yardımının özü və ailəsi üçün nə qədər vaxtında və faydalı olduğunu həmişə xatırlayacağını qeyd edir.

Orucun oğlu Tural səhhətinə görə məktəbi yarımçıq qoymalı olub. Onun böyük qızı hələ də ali məktəbdə oxuyur və ailəsi onun fədakarlığı və istedadı ilə fəxr edir. Oruc deyir: “Müharibənin və pandemiyanın çətinliklərinə baxmayaraq təhsilini davam etdirdi və ümid edirəm ki, uğur qazanacaq”.