BMT Azərbaycanda

Ən yeni

04 aprel 2026

Baş Katibin 2026-cı il Beynəlxalq Minatəmizləmə Fəaliyyəti Günü münasibətilə müraciəti

18 mart 2026

“Kəhrizlərin bərpasının Azərbaycanda su ilə əlaqəli iqlim dəyişmələrinə gücləndirilmiş adaptasiya vasitəsi kimi təşviqi” layihəsinin bağlanış mərasimi keçirilmişdir

Daha ətraflı

Hekayə

27 fevral 2026

Tələbələr və Gənc Mütəxəssislər üçün Kəhrizlər üzrə Bacarıqların İnkişafı

Daha ətraflı

Ən yeni

Çıxış

04 aprel 2026

Baş Katibin 2026-cı il Beynəlxalq Minatəmizləmə Fəaliyyəti Günü münasibətilə müraciəti

Daha ətraflı

Hekayə

18 mart 2026

“Kəhrizlərin bərpasının Azərbaycanda su ilə əlaqəli iqlim dəyişmələrinə gücləndirilmiş adaptasiya vasitəsi kimi təşviqi” layihəsinin bağlanış mərasimi keçirilmişdir

Daha ətraflı

Hekayə

27 fevral 2026

Tələbələr və Gənc Mütəxəssislər üçün Kəhrizlər üzrə Bacarıqların İnkişafı

Daha ətraflı

Azərbaycanda Dayanıqlı İnkişaf Məqsədləri

Son beş il ərzində Azərbaycan 2030 Gündəliyinə nail olmaq istiqamətinə sadiqliyini nümayiş etdirib. 2016-cı ildə Azərbaycan Respublikasının Prezidenti, BMT-nin Azərbaycan hökumətinə göstərdiyi dəstəyin əlaqələndirilməsi üçün əsas tərəfdaş kimi fəaliyyət göstərən Dayanıqlı İnkişaf üzrə Milli Əlaqələndirmə Şurasının yaradılmasına dair fərman imzalayıb. Eyni zamanda Azərbaycan, DİM-ləri milli səviyyədə sürətləndirmək üçün atıla biləcək konkret siyasət və proqramlaşdırma addımlarını əks etdirən MAPS (2030 Gündəliyi naminə aktuallaşdırma, sürətləndirmə və siyasətə dəstək) missiyasını həyata keçirən ilk ölkələrdən biri olub və ölkə təcrübəsini 2018-ci ildə keçirilən Dayanıqlı İnkişaf üzrə Bakı Forumunda təqdim edib. Digər məsələlərlə bərabər regional forum DİM-lərin inteqrasiyası və onların icrasını sürətləndirmək məqsədilə fəaliyyətləri müəyyən edən Bakı Prinsiplərinin qəbul edilməsi ilə yekunlaşdırıb. BMT-nin dəstəyi ilə interaktiv tablo, məlumatları vahid şəkildə toplayan, DİM-lərə doğru inkişafı real vaxt rejimində izləyən DİM-lər üzrə Milli Məlumat Portalı istifadəyə verilib. BMT, heç kimin kənarda qalmamasına diqqət ayırmaqla keyfiyyətli statistika toplamaq üçün ölkənin statistika məlumatları sahəsində potensialını gücləndirmək üçün davamlı dəstək göstərməkdədir. BMT həmçinin DİM-ləri təşviq etmək istiqamətinə özəl sektor, media, parlament üzvləri və ictimaiyyət də daxil olmaqla müxtəlif qrupların cəlb edilməsi üçün xüsusi səylər göstərməkdədir.

Daha ətraflı

Nəşr

18 iyun 2025

Azerbaijan Annual Results Report 2024

In 2024, the United Nations in Azerbaijan, in close collaboration with the Government, development partners, and civil society, continued its efforts to support inclusive, sustainable, and resilient development across the country. Guided by the United Nations Sustainable Development Cooperation Framework (UNSDCF) 2021–2025, our work focused on strengthening institutions, empowering communities, and ensuring no one is left behind.

Daha çox oxu

1 / 5

Little girl in a uniform smiling sitting on the desk.

Videolar

08 yanvar 2026

Farewell Message from UN Resident Coordinator in Azerbaijan, Vladanka Andreeva

As she concludes her four-and-a-half-year tenure in Azerbaijan, United Nations Resident Coordinator Vladanka Andreeva has shared a heartfelt message reflecting on her mission: one rooted in service, meaningful partnerships, and a deep commitment to people-centered development.Since her arrival in 2021, Andreeva has worked closely with the Government of Azerbaijan, civil society organizations, the private sector, academia, and the UN Country Team to advance national development priorities and the Sustainable Development Goals (SDGs). Throughout her tenure, she has championed inclusive development, social protection, quality education, gender equality, and support for families, ensuring that people remained at the heart of every UN initiative.In her message, Andreeva highlights key milestones and the collective efforts that shaped the UN’s contribution to sustainable development in the country. She recalls the resilience and warmth of communities across Azerbaijan: from the northern and southern regions to those rebuilding in the Karabakh and East Zangezur economic regions. She also reflects on Azerbaijan’s global engagement, including the historic moment of COP29, when the country welcomed the world and advanced climate action together with UN partners.The UN in Azerbaijan family extends its sincere gratitude to Vladanka Andreeva for her dedicated leadership, steady guidance, and unwavering commitment to the people of Azerbaijan.🎥 Watch her full farewell message

Davamı

1 / 5

Hekayə

18 mart 2026

“Kəhrizlərin bərpasının Azərbaycanda su ilə əlaqəli iqlim dəyişmələrinə gücləndirilmiş adaptasiya vasitəsi kimi təşviqi” layihəsinin bağlanış mərasimi keçirilmişdir

17 mart 2026-cı il tarixində Beynəlxalq Miqrasiya Təşkilatının (BMqT) Azərbaycan nümayəndəliyi, Azərbaycan Dövlət Su Ehtiyatları Agentliyi ilə əməkdaşlıq çərçivəsində və Sasakava Fondunun dəstəyi ilə icra edilmiş “Kəhrizlərin bərpasının Azərbaycanda su ilə əlaqəli iqlim dəyişmələrinə gücləndirilmiş adaptasiya vasitəsi kimi təşviqi” layihəsinin bağlanış mərasimini təşkil edilmişdir.Açılış nitqi ilə çıxış edən BMqT-nin Azərbaycandakı Nümayəndəliyinin rəhbəri v.i.e. və sub-regional əlaqələndirici (BMqT Gürcüstan) cənab Lars Johan Lonnback iqlim dəyişikliyinin Azərbaycanın su ehtiyatlarına artan təzyiqini vurğuladı. Bu kontekstdə kəhrizlər quraq bölgələrdəki icmalara xidmət etməyə davam edən zamanla sınaqdan keçirilmiş, dayanıqlı və mərkəzləşdirilməmiş su təchizatı sistemi olaraq qalır. Cənab Lönnbak vurğuladı ki, 2000-ci ildən bəri BMqT təxminən 200 kəhrizi bərpa edib və bu da Azərbaycanın 20 rayonunda 30.000-dən çox ailəyə fayda verib. Layihənin məqsədi milli qərar qəbuletməni dəstəkləmək üçün materiallar hazırlamaq idi. “Caucasus Geo Survey” MMC-nin və Su Agentliyinin dəstəyi ilə BMqT-nin hazırladığı iki əsas tədqiqat təqdim edilmişdir:mövcud kəhrizlərin bərpasının səmərəliliyini yeni subartezian quyularının qazılması ilə müqayisə edən Xərc Fayda Təhlili; vəbərpa ediləcək kəhrizlərin seçimi üçün şəffaf, qiymətləndirmələrə əsaslanan yanaşma təklif edən Kəhrizlərin Seçim Metodologiyası.Azərbaycan Dövlət Su Ehtiyatları Agentliyi yanında Su və Meliorasiya Elmi Tədqiqat İnstitutunun sədr müavini cənab Rəşail İsmayılov açılış nitqində bu işin Su Ehtiyatlarından Səmərəli İstifadə üzrə Milli Strategiya ilə uyğunluğunu vurğulayaraq qeyd etdi ki, Strategiyada kəhrizlərin bərpasına həsr olunmuş xüsusi bir fəaliyyət var. Müzakirə zamanı iştirakçılar təkcə kəhrizlərin bərpasının iqlimə uyğunlaşma üçün strateji əhəmiyyətini deyil, həm də kəhrizlərin Azərbaycanın mədəni irsinin bir hissəsi kimi tanınmasının vacibliyini vurğuladılar.Kəhrizlərin əsrlər boyu davam edən ənənəvi mühəndislik biliklərini və icma əsaslı su idarəçiliyini özündə cəmləşdirdiyi vurğulandı. Buna görə də onların qorunması və bərpası təkcə su təhlükəsizliyi üçün deyil, həm də əvəzolunmaz mədəni irsin qorunması üçün vacibdir.Ənənəvi kəhriz mühəndisləri olan kankanların rolu bu irsin qorunmasında mərkəzi rol oynadığı vurğulandı. Nəsildən-nəslə ötürülən bacarıqları qorunmasına dəstək olmadan bu sənət yox olmaq riski altındadır. Bu xüsusda, layihə çərçivəsində Gəncədə dörd universitetin tələbələrini cəlb etməklə keçirilmiş potensialın inkişaf etdirilməsi sessiyası yeni nəsil kəhriz mütəxəssislərinin yetişdirilməsində mühüm addım kimi qeyd edildi.

Daha çox oxu

1 / 5

Hekayə

27 fevral 2026

Tələbələr və Gənc Mütəxəssislər üçün Kəhrizlər üzrə Bacarıqların İnkişafı

27 fevral 2026-cı il tarixində Beynəlxalq Miqrasiya Təşkilatının (BMqT) Azərbaycan nümayəndəliyi, Azərbaycan Dövlət Su Ehtiyatları Agentliyi ilə əməkdaşlıq çərçivəsində və Sasakava Fondunun dəstəyi ilə təbiətə əsaslanan, iqlimə davamlı həll olan kəhrizlərin bərpasına istiqamətində potensialın inkişaf üzrə Gəncədə tədbir keçirib. Tədbir “Kəhrizlərin bərpasının Azərbaycanda su ilə əlaqəli iqlim dəyişmələrinə gücləndirilmiş adaptasiya vasitəsi kimi təşviqi” layihəsi çərçivəsində təşkil edilmişdir. Gələcək Su Mütəxəssislərinin Biliklərinin ArtırılmasıSessiyada gənc mütəxəssislər və Azərbaycan Dövlət Aqrar Universiteti, Azərbaycan Texnologiya Universiteti, Gəncə Dövlət Universiteti və Mingəçevir Dövlət Universitetindən tələbələr də daxil olmaqla 30 nəfər iştirak edib. Məqsəd gələcək mütəxəssisləri aşağıdakılarla tanış etməklə onların potensialını gücləndirmək idi: iqlim dəyişikliyi və adaptasiya konsepsiyaları,Azərbaycanda su ehtiyatlarının idarə olunması,kəhrizlərin tarixi və texniki strukturu vəsüni intellektin potensial rolu da daxil olmaqla innovativ yanaşmalar. İnteraktiv və Çoxsahəli ProqramBir gün davam edən tədbirin proqramına ekspert təqdimatları, qədim su sistemləri haqqında qısa sənədli film nümayişi və iqlimə davamlı inkişafı dəstəkləmək üçün kəhrizlərin bərpasının potensialı ilə bağlı müzakirələr daxil idi. Sessiyalar iqlim dəyişmələri, hidrologiya, su mühəndisliyi və kəhriz tədqiqatları üzrə milli və beynəlxalq mütəxəssislər tərəfindən aparılmışdır. Dayanıqlı Su Həllərinə ÖhdəlikBMqT-nin Azərbaycandakı nümayəndəliyi gənc mütəxəssisləri və universitetləri cəlb etməklə yeraltı suların dayanıqlı idarəçiliyi üzrə milli təcrübəni gücləndirməyi və kəhrizlərin müasir su ilə əlaqəli iqlimə uyğunlaşma səylərində rolunu göstərməyi hədəfləyir. Təşəbbüs icmaların dayanıqlığının gücləndirilməsinə, ənənəvi biliklərin qorunmasına və Azərbaycanın gələcək su təhlükəsizliyi üçün təbiətə əsaslanan həllərin təşviqinə töhfə verir.

Daha çox oxu

1 / 5

Hekayə

27 avqust 2024

Qadın minatəmizləyənlər danışır...

“Həyat belə gətirdi ki, həyat yoldaşımla yollarımız ayrıldı, uşaqlarımla anamgilə gələsi oldum. Qızım Nilufərin 5 yaşı var. O, məktəbəqədər hazırlığa gedir. Böyük oğlum Məmmədin 14 yaşı var. Liseydə oxuyur deyə indi bizdən uzaqda qalır. Hazırda qızımla birlikdə məcburi köçkün qəsəbəsində, anamgildə qalırıq. Torpaqlar minalardan təmizlənəndən sonra biz də öz doğma yurdumuza qayıdacağıq”.Nərmin Mustafayeva minaaxtarandır. Peşəsi minalarla çirklənmiş ana torpağı təmizləməkdir. İşə ehtiyacı olduğu üçün internetdə qarşısına çıxan qadın minaaxtaran vakansiyası ilə maraqlanıb. Çətin peşə olsa da elə bu işlə məşğul olmağa qərar verib. Bu, elə də çətin olmayıb, amma anası narahat qalıb. Nərmin Layihəyə müraciət edib, imtahan verib. İndi seçilərək belə vacib layihənin bir hissəsi olduğu üçün xoşbəxtdir. “Təsadüf elə gətirdi ki, qadın minaaxtaranlar qrupunda ilk minanı elə mən tapdım. Bu məni çox qürurlandırdı. Bu hadisədən sonra mənə qarşı münasibət də dəyişdi, ətrafım mənimlə fəxr elədi, baxmayaraq ki, əvvəldə anam həm də qohumlarım bu çətin işlə məşğul olmağıma razı deyildi”. Nərminin əsas vəzifəsi torpağa basdırılmış minaları və digər hərbi sursatları aşkar etmək və mina zərərsizləşdirən komandaya təhvil verməkdir. Ümumiyyətlə, qadın minaaxtaranlar qrupu olaraq, Nərmin və həmkarları minalarla çirklənmiş ərazilərin təmizlənməsində aktiv iştirak edib. “Bu, həm də mənim ilk işimdir. İlk qazancımı da minaaxtaran kimi əldə etmişəm. Bu qazancla artıq ailəmin ehtiyaclarını qarşılaya bilirəm. Layihəyə qoşulduğum gündən bir il keçir. Əldə etdiyim qazancla avtomobil aldım, ailədə işimiz yüngülləşdi”.Nərmin anadır. O, ana torpağın harayına gəlib ki, onu bətnindəki yad cisimlərdən azad etsin, ana torpaq təmiz olsun, gülüstan olsun!

Daha çox oxu

1 / 5

Hekayə

08 mart 2024

Qadın minatəmizləyənlər danışır...

Səmayə Əhmədli: Atam qərarımı dəstəklədi, mənə dayaq olduSəmayə əslən Ağdamdandır. O, altı il coğrafiya müəlliməsi kimi fəaliyyət göstərib, həmişə hərb sahəsinə marağı olub, qardaşı da hərbçidir, müharibə iştirakçısıdır.Səmayə 2023-cü ilin noyabrında Bakıda ANAMA, Avropa İttifaqı (Aİ), BMTİP və digər qurumlarınyüksək səviyyəli rəsmilərinin iştirakı ilə keçirilmişmərasimdə sertifikat alan 18 yeni təlim keçmiş minatəmizləyən qadından biridir. Mina Məsləhət Qrupunun (MAG) beynəlxalq ekspertləri tərəfindən keçirilmiş nəzəri və praktiki təlimlər sayəsində qadın minatəmizləyənlərdən ibarət ilk qrup minaların və partlamamış hərbi sursatların tanınması, aşkarlanması və işarələnməsi üçün əsas bilik, bacarıq və tələb olunan davranış, habelə ilk yardımın göstərilməsi qaydalarına yiyələnib.“İşə çox böyük həvəslə başladım, sanki mükafatlandırılacaqdım. Bu işdə soyuqqanlı olmalısan, qorxu hissim yoxdur.”Səmayə danışarkən çox fərəhlənir, müəllimə işlədiyi məktəbdəki yoldaşlarının onun minatəmizləyən olmasını gözləmədiklərini, indi fəaliyyətini maraqla izlədiklərini deyir.“Ailəm əvvəlcə razı deyildi, ancaq atam qərarımı dəstəklədi, mənə dayaq oldu. Anam məni xüsusi geyimdə görməyə alışmamışdı, indi bunu rahat qəbul edir. O, hələ də bir qədər narahatdır, mənimlə mütəmadi əlaqə saxlayır”.Səmayə əvvəlcə çətinlik çəkib, əsasən isti havalarda günəşin altında çalışmaq ona çətin gəlib, daha sonra isə buna alışıb: “Həmişə dərim ağ və həssas olub, günəşdən qaçırdım, amma burada qaraldım”, - deyə zarafat edir.Səmayə Azərbaycanda ilk olan bu təşəbbüsün bir parçası olmaqdan qürur duyur."İstəyirəm ki, Böyük Qayıdışda mənim də payım olsun. Biz öz torpaqlarımızda çalışırıq".24 nəfərdən ibarət 2 minalardan təmizləmə qrupu, o cümlədən 18 qadın minatəmizləyən, 2 səhiyyə işçisi, 2 qrup rəhbəri və 2 qrup rəhbəri müavini Aİ-nin maliyyələşdirdiyi və BMTİP-nin Beynəlxalq Avrasiya Mətbuat Fondu (IEPF) və Mina Məsləhət Qrupu ilə tərəfdaşlıq çərçivəsində həyata keçirdiyi “ANAMA-nın potensialının artırılması ilə məcburi köçkünlərin təhlükəsiz geri qayıtmasının dəstəklənməsi" layihəsi çərçivəsində akkreditasiyadan keçib. Ceyhun Ələkbərov, BMTİP Azərbaycan

Daha çox oxu

1 / 5

Hamısına bax

Press reliz

24 oktyabr 2025

BMT-nin yaranmasının 80 illiyi günündə Azərbaycan və Birləşmiş Millətlər Təşkilatı 2026–2030-cu illər üçün yeni Əməkdaşlığa dair Çərçivə Sənədini imzalayıb

Bakı, [24 oktyabr 2025-ci il] - Birləşmiş Millətlər Təşkilatının (BMT) yaranmasının 80 illiyi günündə Azərbaycan Respublikası Hökuməti və BMT-nin Azərbaycandakı Komanda Qrupu 2026-2030-cu illəri əhatə edən yeni BMT və Azərbaycan arasında Dayanıqlı İnkişaf üzrə Əməkdaşlığa dair Çərçivə Sənədini (UNSDCF) imzalayıb.Yeni Çərçivə Sənədinin Azərbaycan Respublikasının iqtisadiyyat naziri Mikayıl Cabbarov və BMT-nin Azərbaycandakı rezident əlaqələndiricisi Vladanka Andreyeva imzalayıblar. Sənəd qarşıdakı beş il üçün Azərbaycan Hökuməti və BMT arasında tərəfdaşlığın strateji istiqamətlərini müəyyən edir, dayanıqlı inkişafın təşviqi və Azərbaycanda bütün insanların rifahının artırılması istiqamətində birgə öhdəlikləri əks etdirir.BMT-nin Azərbaycandakı rezident əlaqələndiricisi Vladanka Andreyeva Dayanıqlı İnkişaf Məqsədlərinə nail olunmasında Azərbaycan Hökuməti ilə BMT arasındakı möhkəm tərəfdaşlığı vurğulayıb. Xanım Andreyeva qeyd edib ki, BMT-nin 80 illiyi ilə eyni vaxta təsadüf edən yeni Dayanıqlı İnkişaf üzrə Əməkdaşlığa dair Çərçivə Sənədini imzalanması insanların və planetin dayanıqlı inkişafına dair ortaq öhdəlik üzərində qurulmuş yeni və gələcəyə istiqamətlənmiş əməkdaşlıq mərhələsinin başlanğıcını təmsil edir. Xarici İşlər nazir Ceyhun Bayramov çıxışında BMT-nin çoxtərəfli diplomatiyanın əsas dayaqlarından biri kimi mühüm rolunu vurğulayaraq, təşkilatın 80 illiyi münasibətilə təbriklərini çatdırıb. Cənab Bayramov Azərbaycanın BMT-nin Qlobal Gündəliyi ilə tam uzlaşaraq Dayanıqlı İnkişaf Məqsədlərinin irəlilədilməsi, rəqəmsal innovasiyaların tətbiqi, qadınların və gənclərin hüquq və imkanlarının artırılması, humanitar təşəbbüslər və mədəniyyətlərarası dialoqun təşviqinə xüsusi önəm verdiyini qeyd edib. İqtisadiyyat naziri Mikayıl Cabbarov çıxışında Azərbaycan ilə Birləşmiş Millətlər Təşkilatı arasında uzunmüddətli və səmərəli əməkdaşlığı vurğulayıb. Tərəfdaşlığın davamlı inkişaf üçün yeni imkanlar və ölkəmizin iqtisadi inkişaf modelini təkmilləşdirmək üçün effektiv dəstək mexanizmləri yaratdığını bildirib. Nazir bildirib ki, birgə fəaliyyətin yeni mərhələsi olan Çərçivə Sənədi əvvəlki əməkdaşlıq dövrlərində əldə edilmiş nailiyyətlərə əsaslanır və Azərbaycanın uzunmüddətli sosial-iqtisadi prioritetləri, o cümlədən insan kapitalının inkişafı, innovasiyaların, ekosistemlərin, iqlimə davamlılığın, səmərəli yaşıl keçidin təşviqi, inklüziv artımın təmin edilməsi istiqamətində səyləri ilə uzlaşır. Tədbirdə dövlət qurumlarının rəhbərləri, diplomatik korpus və beynəlxalq təşkilatların nümayəndələri iştirak ediblər. İştirakçılar BMT-nin səkkiz onillik ərzində həyata keçirdiyi qlobal fəaliyyətləri və Azərbaycanın Təşkilatla əməkdaşlığı çərçivəsində 2030 Gündəliyinə doğru irəliləyişi müzakirə ediblər.Mərasimdə həmçinin BMT-nin sülhün, ləyaqətin və hamı üçün firavanlığın təşviqinə həsr olunmuş 80 illik tarixini əks etdirən “Yaşayan miras” (“A Living Legacy”) adlı qısa film nümayiş etdirilib.2026–2030-cu illər üçün BMT Dayanıqlı İnkişaf üzrə Əməkdaşlığa dair Çərçivə Sənədi BMT-nin Azərbaycandakı inkişaf fəaliyyəti üçün əsas planlaşdırma sənədi kimi çıxış edir və Dayanıqlı İnkişaf Məqsədlərinə doğru irəliləyişi sürətləndirmək məqsədilə koordinasiyalı, şəffaf və hesabatlı birgə fəaliyyəti istiqamətləndirir.

Daha çox oxu

1 / 5

Press reliz

31 yanvar 2025

Azərbaycan və BMT arasında gələcək əməkdaşlığın strateji prioritetləri müzakirə edildi

Hökumət, BMT-niin ölkə komandası, vətəndaş cəmiyyəti, gənclər, akademiya, özəl sektor, inkişaf tərəfdaşları və digər qurumlardan 150-dən çox nümayəndənin iştirakı ilə keçirilən seminarda iştirakçılar BMT-nin Azərbaycanın milli inkişaf prioritetlərinə və Dayanıqlı İnkişaf Məqsədlərinə (DİM) doğru sürətləndirilmiş irəliləyişə dəstək verə biləcəyi sahələr üzrə interaktiv dialoq apardılar.Seminar Azərbaycan Respublikasının iqtisadiyyat nazirinin müavini cənab Səməd Bəşirli, Azərbaycan Respublikasının xarici işlər nazirinin müavini cənab Yalçın Rəfiyev və BMT-nin Azərbaycandakı Rezident Əlaqələndiricisi Vladanka Andreevanın çıxışları ilə açıldı.Cənab Bəşirli Azərbaycanın DİM-lərə güclü sadiqliyini vurğulayaraq ölkənin BMT ilə sıx əməkdaşlıq etdiyini və qlobal təşəbbüsləri fəal şəkildə dəstəklədiyini bildirdi. O, Azərbaycanın COP29 tədbirinə ev sahibliyi etməsinin münasibətləri yeni səviyyəyə yüksəltdiyini qeyd etdi.Yeni Əməkdaşlıq Çərçivə Sənədinin uğurla həyata keçirilməsi üçün ölkənin əməkdaşlığa hazır olduğunu qeyd edən cənab Rəfiyev, Azərbaycanın davamlı inkişafı üçün Milli DİM 18-in (Minalardan Təmizləmə) irəliləyişinin vacibliyini vurğuladı.Cari Əməkdaşlıq Çərçivə Sənədi(2021-2025) və COP29 kontekstində hökumət və müxtəlif tərəfdaşlarla sıx əməkdaşlığı yüksək qiymətləndirən xanım Andreeva qeyd etdi: "BMT-nin ölkə komandası Azərbaycan hökuməti və xalqının davamlı inkişafa doğru yolunda dəstək üçün buradadır. Bu gün müzakirə edəcəyimiz strateji prioritet sahələr yalnız BMT üçün deyil, Azərbaycanın DİM-lərə, o cümlədən Minalardan Təmizləmə üzrə Milli DİM 18-ə nail olması üçün dəstəyi təmsil edir."Günboyu davam edən seminar, Azərbaycanın milli inkişaf prioritetlərinə və DİM-lərə doğru irəliləyişinə dəstək məqsədilə heç kimin kənarda qalmaması üçün kollektiv vəd əsasında strateji prioritet sahələr üzrə geniş konsensusla yekunlaşdı.

Daha çox oxu

1 / 5

Press reliz

16 dekabr 2024

Beynəlxalq Miqrasiya Təşkilatının Azərbaycandakı Nümayəndəliyi könüllü qayıdanların dayanıqlı reinteqrasiyasını dəstəkləyir

2024-cü ilin yanvar-oktyabr ayları ərzində BMqT-nin Azərbaycan Nümayəndəliyi müxtəlif Avropa ölkələrindən könüllü olaraq geri qayıtmış 295 nəfərə kiçik biznesin qurulması, müvəqqəti yaşayış yeri, təhsil və ya tibbi ehtiyaclarının təmin edilməsi şəklində reinteqrasiya yardımı göstərmişdir. 2018-ci ildən etibarən BMqT, 5,400-dən çox şəxsin Azərbaycana təhlükəsiz və ləyaqətli qayıdışını təmin edib və əsasən Belçika, Almaniya, Niderland, Norveç, Finlandiya və İsveçrədən qayıdan 3,400-dən çox şəxsə reinteqrasiya dəstəyi göstərib.Bu təşəbbüslər miqrantların hüquqlarını təmin etməklə yanaşı, BMqT-nin təhlükəsiz, nizamlı və ləyaqətli miqrasiyanı təşviq edən qlobal səylərinə uyğundur. 1979-cu ildən etibarən BMqT hökumətlər, beynəlxalq təşkilatlar və qeyri-hökumət tərəfdaşları ilə əməkdaşlıq çərçivəsində dünya üzrə 1,6 milyondan çox şəxsin qayıdışını və reinteqrasiyasını dəstəkləyib.BMqT-nin reinteqrasiya yardımı proqramı Dayanıqlı İnkişaf üzrə 2030 Gündəliyinin, xüsusilə də təhlükəsiz və məsuliyyətli miqrasiyanın asanlaşdırılmasına yönəlmiş 10.7 hədəfin həyata keçirilməsinə birbaşa töhfə verir. Bu proqram, həmçinin, Gündəliyin 10.2, 17.9 və 17.17 kimi digər aidiyyəti hədəflərini də dəstəkləyir.KQYR proqramı eləcə də, təhlükəsiz və ləyaqətli qayıdış, və dayanıqlı reinteqrasiyanı asanlaşdırmaq üzrə əməkdaşlığı vurğulayan Təhlükəsiz, Nizamlı və Qanuni Miqrasiya üzrə Qlobal Sazişin 21 saylı məqsədinə uyğun gəlir. Eyni zamanda BMqT, miqrasiya idarəçiliyinin təkmilləşdirilməsi üzrə ümumi öhdəliyi çərçivəsində sözügeden Sazişin 1 (məlumatların toplanması), 3 (məlumatlandırma), 4 (hüquqi vasitələrin təmin edilməsi), 7 (həssas vəziyyətlərn azaldılması), 12 (skrininq və istiqamətləndirmə) və 13 (fövqəladə şəraitdə miqrasiya) saylı məqsədlərinə də töhfə verir.BMqT, qeyd edilən hədəflərə və məqsədlərə nail olmaq üçün Azərbaycan hökumətinin sadiq tərəfdaşı olaraq qalır.

Daha çox oxu

1 / 5

Press reliz

18 noyabr 2024

COP29 çərçivəsində BMTİP və ANAMA birgə mina təhlükəsi ilə mübarizə və ekoloji dayanıqlılıq üzrə yan tədbir keçirib

Tədbir Azərbaycan Respublikasının Minatəmizləmə Agentliyi (ANAMA) və Birləşmiş Millətlər Təşkilatının İnkişaf Proqramının (BMTİP) birgə təşkilatçılığı ilə həyata keçirilib.Tədbirin məqsədi Azərbaycanın üzləşdiyi mina problemini diqqətə çatdırmaq, mina təhlükəsinin təbii ehtiyatlara təsirini vurğulamaq, ekoloji cəhətdən təmiz minatəmizləmə təcrübələrini araşdırmaq və humanitar minatəmizləmə sahəsində dayanıqlı yanaşmaları təşviq etməkdir.Tədbirdə açılış nitqi ilə çıxış edən Agentliyin İdarə Heyətinin sədri Vüqar Süleymanov Azərbaycan Respublikasının azad edilmiş ərazilərində öncədən basdırılan təxminən 1.5 milyona yaxın minanın ətraf mühitə dağıdıcı təsirləri olduğunu diqqətə çatdırıb. Qeyd edib ki, bu təhlükəli qurğuların partlaması nəticəsində onların tərkibində olan ağır metallar və digər toksinlər torpağa və havaya mənfi təsir göstərir, bu kimyəvi çirklənmə uzunmüddətli ekoloji zərərlərə səbəb olur. Minalardan təmizləmə təkcə təhlükəsizlik məsələsi deyil, eyni zamanda iqlim dayanıqlılığı və dayanıqlı inkişaf üçün əsas şərtdir. “BMTİP və ANAMA birgə səyləri ilə icmalar üçün daha təhlükəsiz mühitin təmin edilməsində mühüm nailiyyətlər əldə etmiş, eyni zamanda uzunmüddətli bərpa və davamlılığı dəstəkləmişdir. Bu tərəfdaşlıq təkcə çirklənmiş torpaqların təmizlənməsinə deyil, həm də yerli potensialın gücləndirilməsinə dəstək, icmanın cəlb edilməsinə və dayanıqlı inkişafın dəstəklənməsinə kömək etməyi vurğulayır” deyə BMT-nin Baş Katibinin köməkçisi, BMT-nin İnkişaf Proqramının Administratorunun müavini, Avropa və Müstəqil Dövlətlər Birliyi üzrə Regional Bürosunun direktoru İvana Jivkoviç tədbirdə çıxış edərək qeyd edib.Yan tədbir çərçivəsində minaların ekosistemlərə, biomüxtəlifliyə və təbii ehtiyatlara təsirlərinin tədqiqi, ətraf mühitə minimum təsirlə minatəmizləmə səyləri, eləcə də bu istiqamətdə innovativ texnologiyaların istifadəsi mözvularında panel müzakirələr keçirilib.COP29 çərçivəsində keçirilən bu yan tədbir, ekoloji dayanıqlılıq və mina təhlükəsizliyinin bir araya gətirilməsi üzrə yeni yanaşmaları önə çıxarmaqla yanaşı, minatəmizləmə əməliyyatlarının yalnız humanitar deyil, həm də ekoloji önəmini vurğulayıb. ANAMA və BMTİP-nin birgə təşkilatçılığı ilə təşkil olunan müzakirələr, minatəmizləmənin təbii ehtiyatların qorunması və biomüxtəlifliyin bərpası üçün əhəmiyyətini bir daha nümayiş etdirib. COP29-un əsas mövzuları ilə səsləşən bu tədbir, gələcək üçün daha təhlükəsiz və dayanıqlı mühitin təmin olunmasında mühüm bir addım olub.

Daha çox oxu

1 / 5

Hamısına bax