Ərzaq və Kənd Təsərrüfatı Təşkilatı (FAO) aclığı aradan qaldırmaq üçün beynəlxalq səylərə rəhbərlik edən ixtisaslaşmış qurumdur. Məqsədimiz dünyada hamı üçün qida təhlükəsizliyini təmin etmək və insanların sağlam həyat sürməsi üçün daim keyfiyyətli qidaya çıxışını təmin etməkdir.
Beynəlxalq Əmək Təşkilatının (ILO) dünyada sosial ədalətin və davamlı sülhün vacibliyini nəzərdə tutan əsas missiyasını yerinə yetirmək məqsədi ilə sosial ədalətin və beynəlxalq səviyyədə tanınmış insan və əmək hüquqlarının təbliği ilə məşğul olur.
Beynəlxalq Miqrasiya Təşkilatı (BMqT) humanist və qanuni miqrasiyanın miqrantlara və cəmiyyətə faydalı olması prinsipinə sadiqdir. Miqrasiya üzrə aparıcı təşkilat kimi, BMqT beynəlxalq tərəfdaşları ilə birgə fəaliyyət göstərir.
BMT-nin İnsan Hüquqları üzrə Ali Kommissarlığı (OHCHR) hər kəsin bütün insan hüquqlarının qorunması üçün çalışır, hüquqlarını anlamaq üçün insanları məlumatlandırır, eləcə də bu hüquqların icrasını təmin etmək üçün aidiyyatı qurumlar və şəxslərə kömək edir.
BMT-nin İnkişaf Proqramı (BMTİP) təxminən 170 ölkədə və ərazidə planetimizi qorumaqla yanaşı, yoxsulluğun aradan qaldırılması istiqamətində çalışır. Biz ölkələrə davamlı inkişaf əldə etmələri üçün güclü siyasətlər, qabiliyyət, əməkdaşlıq və qurumlar təsis etməyə kömək edirik.
BMT-nin Əhali Fondu (UNFPA) hər hamiləliyin istənildiyi, hər doğuşun təhlükəsiz olduğu və hər gəncin potensialını reallaşdıra bildiyi bir dünya üçün fəaliyyət göstərən aparıcı BMT agentliyidir. UNFPA 155 ölkə və ərazidə milyonlarla qadına və gəncə xidmət göstərir.
BMT-nin Qaçqınlar üzrə Ali Kommissarlığı (BMT QAK) insan həyatını xilas etmək, qaçqınların, məcburi köçkünlərin və vətəndaşlığı olmayan insanların hüquqlarını qorumaq, həmçinin onlar üçün daha yaxşı gələcək qurmaq üçün çalışan qlobal təşkilatdır.
BMT-nin Uşaq Fondu (UNICEF) uşaqların həyatını xilas etmək, hüquqlarını müdafiə etmək və onlara potensiallarını reallaşdırmağa kömək etmək üçün 190 ölkədə və ərazidə fəaliyyət göstərir. Və biz heç vaxt təslim olmuruq.