BMT-nin Qadınlara qarşı ayrı-seçkiliyin ləğv edilməsi üzrə Komitəsinin Münaqişələrin aradan qaldırılması, münaqişə vəziyyətləri və münaqişədən sonrakı vəziyyətlərdə qadınlara dair 30 saylı ümumi tövsiyəsi

Münaqişədən əvvəl, münaqişə müddətində və ondan sonra hər zaman qadınların insan hüquqlarının qorunması, əsaslı gender bərabərliyinin irəlilədilməsi və qadınların fərqli təcrübələrinin bütün sülh quruculuğu, sülhməramlı və yenidənqurma proseslərinə tam inteqrasiyasının təmin edilməsi Qadınlara qarşı ayrı-seçkiliyin bütün formalarının ləğv olunması üzrə Konvensiyanın (Konvensiya) vacib məqsədləri arasındadır.

BMT-nin Qadınlara qarşı ayrı-seçkiliyin ləğv edilməsi üzrə Komitəsinin Münaqişələrin aradan qaldırılması, münaqişə vəziyyətləri və münaqişədən sonrakı vəziyyətlərdə qadınlara dair 30 saylı ümumi tövsiyəsi Konvensiyanı ratifikasiya etmiş ölkələrə münaqişədən əvvəl, münaqişə zamanı və münaqişədən sonra qadınların insan hüquqlarının müdafiəsini təmin etmək üçün konkret təlimatlar təqdim edir. Ümumi Tövsiyə həmçinin  Konvensiyanın BMT-nin Təhlükəsizlik Şurasının Qadın, sülh və təhlükəsizlik Gündəliyi ilə əlaqəsini təsdiqləyir.

Ümumi Tövsiyə və Ümumi Şərh nədir? BMT-nın insan hüquqlarına dair Müqavilə Qurumları beynəlxalq insan hüquqları müqavilələri və konvensiyaların müddəalarının məzmununu “ümumi şərhlər” və “ümumi tövsiyələr” vasitəsilə izah edirlər.

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunmuşdur.

Sənədin ingilis dilində orijinal versiyasını bu keçiddə əldə edə bilərsiniz: https://www.ohchr.org/sites/default/files/Documents/HRBodies/CEDAW/GComments/CEDAW.C.CG.30.pdf