Ən yeni
Press reliz
15 iyul 2024
BMTİP və Azərbaycan COP29-dan öncə iqlimlə bağlı fəaliyyətlərin artırılmasının zəruriliyini qeyd edir
Daha ətraflı
Press reliz
04 iyul 2024
Birləşmiş Millətlər Təşkilatı və PwC Azərbaycanın təşkilatçılığı ilə ESG Sammiti öz işinə başladı: Dayanıqlı inkişaf naminə dövlət-özəl tərəfdaşlıqları
Daha ətraflı
Press reliz
04 iyul 2024
ƏTRAF MÜHİT, SOSİAL VƏ İDARƏETMƏ ÜZRƏ 2 GÜNLÜK SAMMİT ESG-NİN İNTEQRASİYASI ÜZRƏPRAKTİKİ SESSİYALARLA DAVAM EDİB
Daha ətraflı
Ən yeni
Azərbaycanda Dayanıqlı İnkişaf Məqsədləri
Son beş il ərzində Azərbaycan 2030 Gündəliyinə nail olmaq istiqamətinə sadiqliyini nümayiş etdirib. 2016-cı ildə Azərbaycan Respublikasının Prezidenti, BMT-nin Azərbaycan hökumətinə göstərdiyi dəstəyin əlaqələndirilməsi üçün əsas tərəfdaş kimi fəaliyyət göstərən Dayanıqlı İnkişaf üzrə Milli Əlaqələndirmə Şurasının yaradılmasına dair fərman imzalayıb.
Eyni zamanda Azərbaycan, DİM-ləri milli səviyyədə sürətləndirmək üçün atıla biləcək konkret siyasət və proqramlaşdırma addımlarını əks etdirən MAPS (2030 Gündəliyi naminə aktuallaşdırma, sürətləndirmə və siyasətə dəstək) missiyasını həyata keçirən ilk ölkələrdən biri olub və ölkə təcrübəsini 2018-ci ildə keçirilən Dayanıqlı İnkişaf üzrə Bakı Forumunda təqdim edib. Digər məsələlərlə bərabər regional forum DİM-lərin inteqrasiyası və onların icrasını sürətləndirmək məqsədilə fəaliyyətləri müəyyən edən Bakı Prinsiplərinin qəbul edilməsi ilə yekunlaşdırıb.
BMT-nin dəstəyi ilə interaktiv tablo, məlumatları vahid şəkildə toplayan, DİM-lərə doğru inkişafı real vaxt rejimində izləyən DİM-lər üzrə Milli Məlumat Portalı istifadəyə verilib. BMT, heç kimin kənarda qalmamasına diqqət ayırmaqla keyfiyyətli statistika toplamaq üçün ölkənin statistika məlumatları sahəsində potensialını gücləndirmək üçün davamlı dəstək göstərməkdədir.
BMT həmçinin DİM-ləri təşviq etmək istiqamətinə özəl sektor, media, parlament üzvləri və ictimaiyyət də daxil olmaqla müxtəlif qrupların cəlb edilməsi üçün xüsusi səylər göstərməkdədir.
Nəşr
10 may 2024
UN Azerbaijan - Annual Results Report 2023
Böyük məmnuniyyətlə 2023-cü il üçün BMT-nin Ölkə üzrə İllik Hesabatı sizə təqdim edirik.Hesabatda ötən il hökumət, vətəndaş cəmiyyəti, özəl sektor, gənclər təşkilatları, akademik dairələr və digər tərəfdaşlarla birgə əməkdaşlıq, eləcə də Qlobal Məqsədlərə nail olmaq üçün əldə etdiyimiz nəticələr öz əksini tapıb.
1 / 4
Press reliz
09 may 2024
FAO Azərbaycan Gənc Liderlərlə görüş keçirib
7 may 2024-cü il tarixində, BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə ofisində “Gənc Liderlər”lə görüş baş tutub.Görüşün əsas məqsədi Dayanıqlı İnkişaf Məqsədləri, iqlim dəyişikliyi, qarşıda duran çətinliklər, çağırışlar və gələcək əməkdaşlıq imkanları ilə bağlı müzakirələr aparmaq, effektiv fəaliyyət istiqamətləri ilə bağlı fikir mübadiləsi aparmaq idi.Təşkil olunan görüşdə COP29-da Könüllülərlə İş üzrə Meneceri, xanım Adilə Əliyeva, CBC TV - nin aparıcı - mütəxəssisi şərhçi, xanım Anastasiya Lavrina, Gənclərin İnkişaf və Karyera Mərkəzinin Baş Direktoru, cənab Azər Əliyev, xanım Səma Bağırova, Layihə Meneceri, Gənclər İqlim Çempionu (YCC) Komandası, cənab Roman Qocayev, Gender Hub Azerbaijan-ın həmtəsisçisi və icraçı direktoru, iştirak edib. Gənclər təmsil etdiklər qurum və hazırda icra etdikləri fəaliyyətlər barədə FAO-nun komandasını məlumatlandıraraq təqdimatla çıxış edib.İştirak zamanı FAO-nun Azərbaycandakı nümayəndəsi cənab Nasar Hayat açılış nitqi ilə çıxış edərək gəncləri salamladıqdan sonra FAO-nun gənclərlə bağlı fəaliyyətləri haqda məlumat verib. Cənab Hayat öz çıxışında “FAO gələcəyin açarının gələcək nəslin əlində olduğunu anlayır və qarşıda duran çətinliklərə baxmayaraq biz gələcəyə nikbin baxırıq” deyə bildirib.Öz növbəsində FAO - nin mütəxəsissləri gənclərlə görülən işlər, gələcək perspektivlər barədə fikir mübadiləsi aparıb. Görüşün sonunda müzakirə zamanı qeyd edilən istiqamətlər üzrə əməkdaşlığın davam etdirilməsi qərara alınıb.
1 / 4
Press reliz
09 may 2024
IOM Azerbaijan hosted a closing ceremony for its "Integrated Rural Development for Internally Displaced Communities in Azerbaijan through Revitalization of Kahriz Water Supply System" project
Baku – On 30 April 2024, IOM Azerbaijan hosted a closing ceremony for its “Integrated Rural Development for Internally Displaced Persons (IDP) Communities in Azerbaijan through Revitalization of the Kahriz Water Supply System” project, funded by Korea’s International Cooperation Agency (KOICA).In his welcoming remarks, Mr Amr Taha, IOM Chief of Mission a.i. expressed appreciation to all government and non-government partners for the support over the past 25 years which allowed for the rehabilitation of 200 Kahrizes across Azerbaijan, -33 of which under this project. UN Resident Coordinator, Ms Vladanka Andreeva highlighted the importance of this initiatives for downstream countries, adding it contributes to the UN’s cooperation framework 2021-25 and that Kahriz rehabilitation is referenced as a good practice in UN 2.0 map, as “innovation through recovery”. Ms Youkyoung Hwang, Representative of the Korean Embassy expressed her gratitude to KOICA, IOM, and all partners, including the significant contributions from various ministries and agencies. During her speech she also mentioned that “By rejuvenating the Kahriz water system, we have provided IDP communities not only with access to clean and sustainable water sources but have also empowered these communities towards self-sustainability and economic independence”. Government counterparts also underscored the importance of Kahriz rehabilitation not only as a sustainable water management system but also as it aligns with COP 29; and Azerbaijan Presidency’s initiative on water; as well as The Year of Solidarity for a Green World as announced by President Aliev, and the county’s Great Return Programme. Community representative, Mr. Samandar Musayev shared stories about the social importance of Kahrizes as a place of gathering for communities to celebrate and commemorate important events, in addition to the cultural heritage value. Ms Sulim Hwang, KOICA Country Director, emphasized the importance of inclusive development enabled through this USD 4,42M grant, and Mr. Mahammad Ibrahimov, IOM Project Assistant shared concrete examples of a whole-of-government and whole-of-society approach throughout the rehabilitation process. The project developed a bilingual national Atlas of Kahrizes in Azerbaijan and corresponding virtual atlas Kahriz Atlas (azkahriz.az); drafted a National Master Plan on Kahriz Revitalization in Azerbaijan; established a Kahriz Research and Information Centre in which Kankans -specialised traditional kahriz labourers which allow the preservation of this dying craft.
1 / 4
Press reliz
26 mart 2024
BMT-nin İnkişaf Proqramının Administratoru Axim Ştayner Azərbaycana rəsmi səfər edib
Bakı, 15 mart 2024-cü il. BMT-nin İnkişaf Proqramının Administratoru Axim Ştayner Nizami Gəncəvi Beynəlxalq Mərkəzinin ev sahibliyi ilə keçirilən XI Qlobal Bakı Forumunda iştirak etmək məqsədilə Azərbaycana səfər edib. Forumda iştirak edən cənab Ştayner COP29 Konfransı üçün müəyyən edilən hədəflərə həsr edilmiş panel müzakirəlrinə qatılıb. BMTİP-nin Administratoru öz çıxışında COP29 Konfransının önəmini, habelə davamlı iqlim və dayanıqlı inkişaf fəaliyyətinə doğru gedən bir yol olan çoxtərəfli prosesin həyati əhəmiyyətini vurğulayıb. O, COP29-un müəyyən edilmiş əsas məqsədləri, o cümlədən İqlim Maliyyəsi üzrə Yeni Kollektiv Kəmiyyət Məqsədi (NCQG) və onun COP30-a doğru gedən yolda, habelə daha böyük iqlim nailiyyəti baxımından önəmini qeyd edib. Cənab Ştayner BMTİP-nin COP Konfransı üzrə təcrübəsindən bəhs edərək başçılıq etdiyi qurumun COP29 rəhbərliyi ilə sıx işləmək öhdəliyini öz üzərinə götürdüyünü sözlərinə əlavə edib. Səfər çərçivəsində cənab Ştayner Azərbaycan Respublikasının Prezidenti, zati-aliləri cənab İlham Əliyev ilə görüşüb. Görüş zamanı, BMTİP-nin Administratoru Azərbaycanın dövlət başçısını son prezident seçkilərində qazandığı qələbə münasibətilə təbrik edərək onun rəhbərliyi altında yeni tərəqqi və inkişaf dövrünün başlamasına dair gözləntilərini ifadə edib. O, regionda dayanıqlı inkişafın təmin edilməsi və son on ildə iqtisadi artım, sabitlik və sosial tərəqqi istiqamətində əldə edilmiş mühüm nailiyyətlərə görə Azərbaycan prezidentinə təşəkkür edib.Prezident İlham Əliyev Azərbaycanın 2030-cu ilədək inkişaf strategiyası haqqında məlumat verib, yaşıl keçidin prioritet istiqamətlərdən biri olduğunu qeyd edib. Dövlət başçısı Azərbaycanın bərpaolunan və yaşıl enerji potensialının 200 qiqavatdan artıq olduğunu və yaxın müddətdə ölkənin 5 meqavat gücündə bərpaolunan enerji resursu istehsal etmək imkanı olacağını deyib. Bu xüsusda Azərbaycanın Xəzər dənizini və Qara dənizi birləşdirən bərpaolunan yaşıl enerji dəhlizinin formalaşdırılması təşəbbüsü ilə çıxış etdiyi və bu istiqamətdə region ölkələri ilə birgə əməkdaşlığın həyata keçirildiyi vurğulanıb. Axim Ştayner vurğulayıb ki, Azərbaycanın yaşıl keçid transformasiyası COP29-a ev sahibliyi etməsi konsepsiyası ilə tam uyğunluq təşkil edir və ölkənin nümunəsi beynəlxalq ictimaiyyətə təqdim olunacaqdır.Prezident İlham Əliyev Axim Ştayneri COP29 Konfransına dəvət edib, BMTİP-nin Administratoru dəvəti minnətdarlıqla qəbul edib.Səfər çərçivəsində Axim Ştayner həmçinin Azərbaycan Respublikasının Xarici İşlər naziri cənab Ceyhun Bayramov ilə görüşərək Dayanıqlı İnkişaf Məqsədləri (DİM), Azərbaycanda keçiriləcək COP29 Konfransı ilə bağlı fikir mübadiləsi və digər cari məsələlərə dair müzakirələr aparıb.
1 / 4
Hekayə
17 may 2024
BMT-nin Ölkə üzrə İllik Hesabatı - Azərbaycan 2023
Hesabatda ötən il hökumət, vətəndaş cəmiyyəti, özəl sektor, gənclər təşkilatları, akademik dairələr və digər tərəfdaşlarla birgə əməkdaşlıq, eləcə də Qlobal Məqsədlərə nail olmaq üçün əldə etdiyimiz nəticələr öz əksini tapıb.Hesabatı oxumaq üçün klikləyin
1 / 5
Hekayə
12 mart 2024
Qadın minatəmizləyənlər danışır...
Səmayə Əhmədli: Atam qərarımı dəstəklədi, mənə dayaq olduSəmayə əslən Ağdamdandır. O, altı il coğrafiya müəlliməsi kimi fəaliyyət göstərib, həmişə hərb sahəsinə marağı olub, qardaşı da hərbçidir, müharibə iştirakçısıdır.Səmayə 2023-cü ilin noyabrında Bakıda ANAMA, Avropa İttifaqı (Aİ), BMTİP və digər qurumlarınyüksək səviyyəli rəsmilərinin iştirakı ilə keçirilmişmərasimdə sertifikat alan 18 yeni təlim keçmiş minatəmizləyən qadından biridir. Mina Məsləhət Qrupunun (MAG) beynəlxalq ekspertləri tərəfindən keçirilmiş nəzəri və praktiki təlimlər sayəsində qadın minatəmizləyənlərdən ibarət ilk qrup minaların və partlamamış hərbi sursatların tanınması, aşkarlanması və işarələnməsi üçün əsas bilik, bacarıq və tələb olunan davranış, habelə ilk yardımın göstərilməsi qaydalarına yiyələnib.“İşə çox böyük həvəslə başladım, sanki mükafatlandırılacaqdım. Bu işdə soyuqqanlı olmalısan, qorxu hissim yoxdur.”Səmayə danışarkən çox fərəhlənir, müəllimə işlədiyi məktəbdəki yoldaşlarının onun minatəmizləyən olmasını gözləmədiklərini, indi fəaliyyətini maraqla izlədiklərini deyir.“Ailəm əvvəlcə razı deyildi, ancaq atam qərarımı dəstəklədi, mənə dayaq oldu. Anam məni xüsusi geyimdə görməyə alışmamışdı, indi bunu rahat qəbul edir. O, hələ də bir qədər narahatdır, mənimlə mütəmadi əlaqə saxlayır”.Səmayə əvvəlcə çətinlik çəkib, əsasən isti havalarda günəşin altında çalışmaq ona çətin gəlib, daha sonra isə buna alışıb: “Həmişə dərim ağ və həssas olub, günəşdən qaçırdım, amma burada qaraldım”, - deyə zarafat edir.Səmayə Azərbaycanda ilk olan bu təşəbbüsün bir parçası olmaqdan qürur duyur."İstəyirəm ki, Böyük Qayıdışda mənim də payım olsun. Biz öz torpaqlarımızda çalışırıq".24 nəfərdən ibarət 2 minalardan təmizləmə qrupu, o cümlədən 18 qadın minatəmizləyən, 2 səhiyyə işçisi, 2 qrup rəhbəri və 2 qrup rəhbəri müavini Aİ-nin maliyyələşdirdiyi və BMTİP-nin Beynəlxalq Avrasiya Mətbuat Fondu (IEPF) və Mina Məsləhət Qrupu ilə tərəfdaşlıq çərçivəsində həyata keçirdiyi “ANAMA-nın potensialının artırılması ilə məcburi köçkünlərin təhlükəsiz geri qayıtmasının dəstəklənməsi" layihəsi çərçivəsində akkreditasiyadan keçib. Ceyhun Ələkbərov, BMTİP Azərbaycan
1 / 5
Hekayə
06 mart 2024
Aytən BMTİP layihəsi çərçivəsində Azərbaycanın ilk piyada əleyhinə mina aşkar etmiş qadın minatəmizləyənlərindəndir
“Mənim adım Aytəndir və mən Azərbaycanda ilk minatəmizləyən qadınlardan biriyəm”. Ölkənin şimal-qərbində yerləşən Qazax rayonundan olan gənc Aytən İsmayılova öz təəssüratlarını bölüşür. Aytən 2023-cü ilin noyabrında Bakıda ANAMA, Avropa İttifaqı (Aİ), BMTİP və digər qurumların yüksək səviyyəli rəsmilərinin iştirakı ilə keçirilmiş mərasimdə sertifikat alan 18 yeni təlim keçmiş minatəmizləyən qadından biridir. Mina Məsləhət Qrupunun (MAG) beynəlxalq ekspertləri tərəfindən keçirilmiş nəzəri və praktiki təlimlər sayəsində qadın minatəmizləyənlərdən ibarət ilk qrup minaların və partlamamış hərbi sursatların tanınması, aşkarlanması və işarələnməsi üçün əsas bilik, bacarıq və tələb olunan davranış, habelə ilk yardımın göstərilməsi qaydalarına yiyələnib.“Səhərlər hamı özü ilə məşğul olarkən mən çəkmələrimi təmizləyirəm. Heç vaxt peşman olmamışam, inadkar biriyəm və sonadək getməyi sevirəm. İşimi sevirəm deyə hər çətinliyin öhdəsindən gəlirəm.” Aytən danışarkən gördüyü işdən və ölkəsinə verdiyi töhfədən qürur duyduğu gözə çarpır.“Ailəm həmişə hərbidə olub. Mən onların, atamın və qardaşımın, babamın və nənəmin yolunu davam etdirmək istəyirdim. Əmimi müharibədə itirmişəm, əmim oğlu Laçında mina partlayışı nəticəsində xəsarət alıb. ANAMA-nın qadın minatəmizləyənləri işə götürdüyünü ilk eşidəndə ailəmə müraciət etmək istədiyimi bildirdim. Bu qərarımda atam məni dəstəklədi, digərləri buna razı olmadı, anam əmim oğlu ilə baş verən hadisəyə görə bunu istəmirdi. Düşünürdülər ki, mən bu işdən əl çəkəcəyəm. Sertifikat alarkən anam şəklimi paylaşaraq mənimlə fəxr etdiyini yazdı”.Beləliklə, ekoloq olan Aytən minatəmizləyən olmaq üçün təlimlərə başladı, çünki ailə üzvləri kimi həmişə hərbiyə meyilli idi.“Əvvəlcə çox çətin idi. Həyəcanlı idim, amma asan gəlmirdi. Keçdiyimiz davamlı təlimlər sayəsində öz işimi ən yaxşı şəkildə yerinə yetirmək üçün özümü getdikcə daha inamlı hiss edirəm”.Ailəsinin münasibəti ilə bağlı suala Aytən belə cavab verir: “Bilirlər ki, mən həmişə özümə yeniliklər axtarışındayam. Seçimimi başa düşdülər və mənə dəstək oldular”.Aytənin paraşütlə tullanma kimi təcrübəsi də var. O, qrupda piyada əleyhinə mina aşkar etmiş ikinci fərddir.Aytən Azərbaycanda ilk olan bu təşəbbüsün əhəmiyyətinin fərqindədir. "Mən bu fürsətə görə minnətdaram. Bu, şərəfli bir işdir və mən bununla fəxr edirəm".24 nəfərdən ibarət 2 minalardan təmizləmə qrupu, o cümlədən 18 qadın minatəmizləyən, 2 səhiyyə işçisi, 2 qrup rəhbəri və 2 qrup rəhbəri müavini Aİ-nin maliyyələşdirdiyi və BMTİP-nin Beynəlxalq Avrasiya Mətbuat Fondu (IEPF) və Mina Məsləhət Qrupu ilə tərəfdaşlıq çərçivəsində həyata keçirdiyi “ANAMA-nın potensialının artırılması ilə məcburi köçkünlərin təhlükəsiz geri qayıtmasının dəstəklənməsi" layihəsi çərçivəsində akkreditasiyadan keçib. Ceyhun Ələkbərov, BMTİP Azərbaycan
1 / 5
Hekayə
28 dekabr 2023
Gənc aşpaz usta yanında şagirdlik proqramı fürsətindən yararlanır
Kulinariya həvəskarları nəslindən olan 20 yaşlı Rəvan Əhmədovun kulinariya həvəsi hələ gənc yaşlarında atasının məharətlə ləzzətli yeməklər hazırlamasını müşahidə edərkən yaranıb. Atası kulinariya ixtisası peşə təhsilini fərqlənmə diplomu ilə bitirmiş və özünü kulinariya sənətinə həsr etmiş, kənd məclislərində peşəkar aşpaz kimi xidmət göstərmişdi.
Bu irsdən ilhamlanan Rəvan rəsmi təhsil almağa can atır və peşəkar aşpaz kimi atasının yolunu davam etdirməyi qərara alır. Lakin maliyyə çətinlikləri onun xəyallarını gerçəkləşdirməsinə əngəl olur.
90-cı illərin əvvəllərində Şuşa şəhərindən Yevlax rayonuna məcburi köçkün kimi gəlmiş ailəsini dolandırmaq məsuliyyətini çiyinlərində hiss edən Rəvan bir çox işlərin öhdəsindən gəlir, o cümlədən yeniyetməykən dərs saatlarından sonra və tətillərdə ofisiantlıq edir.
Çox gərgin gündəlik qrafikə, o cümlədən iş üçün uzaq məsafələr qət etməsinə baxmayaraq, Rəvan kulinariya aləmini özü üçün kəşf etmək niyyəti ilə hər fürsətdən yararlanmağa çalışır. O, ofisiant işləyərkən tərəvəz doğramağın incəliklərini və kabab hazırlamaq sənətini öyrənmək üçün aşpazları səylə müşahidə edir. Bütün bunlarla yanaşı, o, ümumi orta təhsilini başa vurur və musiqiyə olan həvəsini davam etdirərək musiqi məktəbində qarmon çalmağı öyrənir.
2023-cü ilin aprel ayında “Məcburi köçkün icmalarının səfərbərliyi və bacarıqlarının artırılması” layihəsinin qəsəbədə icra olunmağa başlaması Rəvanın həyatında dönüş nöqtəsi olur. Birləşmiş Millətlər Təşkilatının Qaçqınlar üzrə Ali Komissarlığının (BMT QAK) maliyyələşdirdiyi və “Ümid” Sosial İnkişafa Dəstək İctimai Birliyi həyata keçirdiyi layihənin məqsədi Azərbaycan Hökumətinin “Böyük Qayıdış” proqramında iştirak edən məcburi köçkünlərin üzləşdiyi problemləri həll etmək və “Usta yanında şagird hazırlığı” təşəbbüsü çərçivəsində gənc mütəxəssislər üçün yeni məşğulluq imkanları yaratmaqdır.
İcma İnkişaf Mərkəzinin lideri, qəsəbə sakini Sərvər müəllim bu layihə barədə Rəvana məlumat verir. Mövcud imkandan xəbər tutan Rəvan həvəslə hazırlaşır və müraciət edir. Qəsəbədəki çoxsaylı müraciət edənlər arasında Rəvanın kulinariya sahəsinə olan həvəsi və böyük marağı onun seçim komissiyası tərəfindən üç aylıq kulinariya kursuna qəbul olunmasına kömək edir.
Rəvan usta yanında şagird hazırlığı kursu çərçivəsində həftədə 3 gün peşəkar aşpaz tərəfindən keçirilən hərtərəfli nəzəri və praktiki kursda iştirak edir və Yevlax KOBİA tərəfindən təşkil olunan “Biznes planın hazırlanması” və “Sahibkarlığa giriş” təlimlərini uğurla başa vurur. Usta yanında şagird hazırlığı başa çatmadan Rəvan Yevlax şəhərində məşhur restoranların birindən iş təklifi alır və bu onun kulinariya sənətinə yiyələnmək yolunda mühüm mərhələ olur. O, hal-hazırda da həmin restoranda baş aşpaz köməkçisi kimi çalışır.
Rəvan, əvvəlcə şagirdlik üçün seçiləcəyinə şübhə etdiyini bildirir: “Seçimin nəticəsini səbirsizliklə gözləyərkən mən güman edirdim ki, kulinariya sahəsinə müraciət edən gənc xanım namizədlərin şansı daha çoxdur. Nəticələr açıqlananda qəbul olunmağım barədə xəbərə inana bilmirdim. Hiss etdiyim hədsiz sevinci təsvir etmək mümkün deyil, çünki bu kurs mənim üçün əlavə təhsil almaq və təlim keçmək üçün əvəzsiz bir imkan yaradırdı”.
Rəvan şagirdlik kursunun faydası barədə fikir bildirərək belə deyir: “Bu, mənim peşəkar bacarıqlarımı təkmilləşdirməklə yanaşı, məndə risk almaq bacarığını da aşıladı. Ailə məsuliyyətlərimi balanslaşdırmaq və xəyallarıma doğru irəliləmək mümkün oldu. İşlədiyim restoranda iş qrafikinin gərgin olmasına baxmayaraq, həftədə üç gün və üç saat təlim kurslarında iştirak kulinariya bacarıqlarımın artırılmasında çox faydalı oldu”.
Rəvan atasının doğulduğu məkana qayıtmaq imkanı barədə də həvəslə danışır: “Ailəmlə Şuşaya qayıtdıqdan sonra təhsilimi davam etdirmək və peşəkar aşpaz kimi yüksəlmək niyyətindəyəm. Mənim ən böyük arzum Şuşada müasir standartlara cavab verən iaşə müəssisəsi yaratmaqdır”.
Hazırlayanlar:
Elsevər Ağayev, BMT QAK-ın Azərbaycandakı Nümayəndəliyinin xarici əlaqələr üzrə baş müşaviri
Aynur Tağıyeva, “Ümid” Sosial Inkişafa Dəstək İctimai Birliyinin informasiya meneceri
1 / 5
Hekayə
28 dekabr 2023
Günel qadın saç ustası kimi yeni həyata başlayır
90-cı illərin əvvəllərində Qarabağ müharibəsi ilə əlaqədar yüz minlərlə insan ev-eşiyini tərk edəndə Günelin ailəsinin yaşadığı Kəlbəcər rayonunun Şaplar kəndi də viran qalır, sahib olduqları ev, bağ, bostan, mal-qara, bir sözlə bütün əmlakları əllərindən çıxır. Ailə 1993-cü ildə beynəlxalq ictimaiyyətin dəstəyi ilə yerli hakimiyyət orqanları tərəfindən Yevlax rayonunda salınmış “EKO” (Fin tipli evlər) köçkün düşərgəsində müvəqqəti sığınacaqla təmin olunur.
"Tam orta təhsilimi əvvəldən axıradək “EKO” qəsəbəsində almışam. Ailəm o qəsəbəyə gələndə mənim bir yaşım olub. Qadın saç ustası olmaq uşaqlıq arzum idi. Hətta, yuxarı siniflərdə oxuyanda qohumlar, qonşular üçün xırda işlər görüb təcrübə yığmağa çalışırdım” - deyə Günel hekayəsini danışmağa başlayır.
“Saç ustası olmaq üçün peşə məktəbinə yazılacaqdım, amma Yevlax şəhərinə gedib-gəlməyin çətinliyinə görə alınmadı”, deyə o əlavə edir.
Günel 18 yaşında ailə qurur və bir neçə il ərzində iki qız övladı dünyaya gəlir. 2010-cu ildə düşərgənin Yevlax şəhərinin yeni salınmış 32-ci Məhəllə qəsəbəsinə köçürülməsi ilə Günelin ailəsinin də həyatı dəyişir.
Yeni məkanda Günel yeni həvəslə qəsəbədəki tanışlarına gözəllik xidmətləri göstərməyə başlayır. Lakin, bütün səylərinə baxmayaraq, peşə yeniliklərini bilmədiyi və ev şəraitində xidmət göstərdiyi üçün Günelin müştəriləri salon xidmətlərinə üstünlük verirlər.
Bu müddət ərzində Günelin ailəsi faciə ilə üzləşir, həyat yoldaşı dünyasını dəyişir. Heç bir əlavə gəliri olmayan və yalnız məcburi köçkün ailələrinin ala biləcəyi kiçik müavinətlərlə Günel ailə qayğılarını təkbaşına çəkməli olur. O, qəsəbədə QHT-lərin təşkil etdiyi 6 aylıq saç ustalığı kursunu başlamış olsa da, həmin dövrdə üzləşdiyi çətinliklər onu həmin kursu yarımçıq qoymağa məcbur edir.
2023-cü ilin ilk aylarında Günelin yaşadığı qəsəbədə “Məcburi köçkün icmalarının səfərbərliyi və bacarıqlarının artırılması” layihəsinin başlaması ilə hər şey dəyişməyə başlayır. Qəsəbəyə peşə kursu təşkil edən təşkilatın gəlməsi xəbərini alan Günel dərhal ərizə ilə müraciət edir. Birləşmiş Millətlər Təşkilatının Qaçqınlar üzrə Ali Komissarlığının (BMT QAK-ın, yaxud BMT-nin Qaçqın Agentliyinin) maliyyələşdirdiyi həmin layihəni “Ümid” Sosial İnkişafa Dəstək İctimai Birliyi həyata keçirir.
Günel müraciət etmiş yüzlərlə ərizəçinin arasından peşəyə olan həvəsinə, bacarığına və təcrübəsinə görə komissiya tərəfindən qadın saç ustası peşəsi sahəsi üzrə iki aylıq təkmilləşmə kursuna qəbul olunmaq üçün seçilir, nəzəri və praktiki kursda iştirak etməklə yanaşı layihə çərçivəsində təşkil olunan “Biznes Planın Hazırlanması” və “Sahibkarlığa Giriş” təlimlərini uğurla başa vurur.
Günel bilik və bacarıqlarını eyni zamanda üzv olduğu İcma İnkişaf Şurasının dəyirmi masalarında və təlim sessiyalarında fəal iştirak etməklə daha da inkişaf etdirir.
“Bütün həyatım boyu bu peşəyə yiyələnmək üçün bacarıqlar əldə etmək üçün imkanlar axtarmışam. Bu layihədə mən o fürsəti əldə etdim və arzularımı reallaşdırmağa başladım”, - deyə Günel bildirib.
Bacarıqları artdıqca və təlim kursları ona özünə inam və ümid bəxş etdikcə, Günel müstəqil biznes qurmaq, xanımlar üçün gözəllik salonu açmaq əzmini daha da möhkəmlədir. Əvvəllər bu istəyini təkbaşına həyata keçirməyi o heç ağlından belə keçirməmişdi. O, ciddi cəhdlə yeni gözəllik salonu açmaq üçün yer axtarmağa başlayır və avadanlıq almaq və iş sahəsi kirayə etmək məqsədi ilə bankdan kredit götürür.
Usta yaninda şagird hazırlığı kursunu uğurla başa vuran Günel icarəyə götürdüyü qadın gözəllik salonunu xəyalında qurduğu şəkildə tam işlək vəziyyətə gətirir. Əlavə iki işçi götürərək, Yevlax rayon sakinlərini salon xidmətləri ilə tanış etməyə başlayır. Kurslar zamanı əldə etdiyi sahibkarlıq bacarıqları sayəsində Günel yeni komandası ilə əhatə dairəsini genişləndirməyə və müştəri məmnuniyyətini artırmağa nail olur.
Günel bir gün Kəlbəcərə qayıtmaqla bağlı niyyətindən də söz açır: “Arzularımız reallığa çevrilib! Kəlbəcər yenə bizim vətənimizdir! Ailəmlə Kəlbəcərə qayıtdıqdan sonra orada salonumun daha böyük bir qolunu açmaq niyyətindəyəm. Bütün bu arzu və uğurlarımın səbəbkarı olan “Ümid” təşkilatına və əvəzsiz maliyyə dəstəyinə görə BMT-nin Qaçqın Agentliyinə sonsuz təşəkkürümü bildirirəm. Onların dəstəyi arzumu reallaşdırmağa kömək etdi və mənim üçün yeni bir dünyaya qapı açdı”.
Hazırlayanlar:
Elsevər Ağayev, BMT QAK-ın Azərbaycandakı Nümayəndəliyinin xarici əlaqələr üzrə baş müşaviri
Aynur Tağıyeva, “Ümid” Sosial Inkişafa Dəstək İctimai Birliyinin informasiya meneceri
1 / 5
Press reliz
15 iyul 2024
BMTİP və Azərbaycan COP29-dan öncə iqlimlə bağlı fəaliyyətlərin artırılmasının zəruriliyini qeyd edir
Brüssel, 10 iyul 2024 -- BMT-nin İnkişaf Proqramı və Azərbaycan hökuməti qarşıdan gələn COP29 Konfransının prioritetlərinə, həmçinin qlobal istiləşməni 1,5 dərəcədə saxlamaq üçün fəaliyyətlərin genişləndirilməsinin zəruriliyinə dair müzakirələr təşkil edib.Birləşmiş Millətlər Təşkilatının İqlim Dəyişikliyi Konfransı və ya daha çox COP29 kimi tanınan BMT-nin İqlim Dəyişikliyi üzrə Çərçivə Konvensiyası Tərəflərinin Konfransı 11-22 noyabr 2024-cü il tarixlərində Azərbaycan hökumətinin ev sahibliyi ilə Bakıda keçiriləcək.“İnkişaf etməkdə olan tərəf ölkələrin ehtiyac və prioritetləri nəzərə alınmaqla, iqlim maliyyəsinin yeni məqsədi ədalətli və iddialı olmalı, iqlim böhranının aktuallığı və miqyasına uyğun gəlməlidir. İkiillik Şəffaflıq Hesabatları öhdəliklər üzrə irəliləyişin izlənməsi, etimad və inamın yaradılması, habelə boşluqlar və maliyyə ehtiyaclarının qiymətləndirilməsi üçün vacibdir”, - deyə Azərbaycan Respublikasının xarici işlər nazirinin müavini, COP29 Azərbaycan üzrə baş danışıqçı Yalçın Rəfiyev qeyd edib.Bu gün dünyada hər il atmosferə qırx gigatondan artıq karbon qazı buraxlır. Bu sürətlə planetimiz tezliklə 1,5 dərəcə həddini keçəcəkdir. Ölkələrin milli iqlim planları və ya gələn il üçün Milli Səviyyədə Müəyyən edilən Töhfələr (NDCs) bu fəlakətin qarşısını almaq üçün olduqca əhəmiyyətlidir. BMTİP özünün İqlim Vədi təşəbbüsü ilə 100 inkişaf etməkdə olan ölkənin ikinci təftiş dövrü ərzində təkmilləşmiş NDC-ləri təqdim etməsinə dəstək olur. Bu ölkələrin 91%-i istixana qazı emissiyalarının azaldılması üzrə hədəflərə nail olub, 93% isə uyğunlaşma hədəflərini gücləndirə bilib.BMT/BMTİP-nin Brüssel Ofisinin direktoru Kamilla Brükner qeyd edib ki, iqlim dəyişikliyi ilə bağlı son ictimai rəy sorğusuna əsasən, qlobal miqyasda insanların 80%-i və ya hər beş nəfərdən dördü öz hökumətlərinin iqlim böhranı ilə mübarizə üçün daha qətiyyətli addımlar atmasını istəyir:“Bugünkü kollektiv səylərimiz sabahın dünyasını formalaşdırır. Biz ölkələri iqlimlə bağlı fəaliyyət səylərini gücləndirməkdə dəstəkləməyə hazırıq”.Müzakirələr zamanı Paris Sazişinin məqsədlərinə uyğun olaraq,milli iqlim fəaliyyətlərini gücləndirməklə ölkələrin daha iddialı hədəflər müəyyən etmələrinin zəruriliyi və icra prosesində dövlət və özəl maliyyələşdirmənin və innovativ yanaşmaların rolu vurğulanıb.İqlim dəyişikliyinin ən həssas təbəqələrə təsirini nəzərə alaraq, çıxışçılar iqlimlə mübarizə səylərində hərtərəfli töhfə və liderliyin təmin edilməsi üçün təmsilçiliyi məhdud olan qruplarla, o cümlədən qadınlar, yerli icmalar və gənclərlə əlaqələrin yaradılmasının vacibliyini qeyd edib.BMTİP Azərbaycanda hərtərəfli iqlim fəaliyyətinin əsasını qoyacaq Milli Uyğunlaşmanın Planlaşdırılması prosesindəhökumətə dəstək olur.
1 / 5
Press reliz
13 iyul 2024
ƏTRAF MÜHİT, SOSİAL VƏ İDARƏETMƏ ÜZRƏ 2 GÜNLÜK SAMMİT ESG-NİN İNTEQRASİYASI ÜZRƏPRAKTİKİ SESSİYALARLA DAVAM EDİB
Bakı, AzərbaycanBirləşmiş Millətlər Təşkilatının Azərbaycandakı nümayəndəliyi və PwC Azərbaycan tərəfindən təşkil edilən Ətraf Mühit, Sosial və İdarəetmə (ESG) Sammiti ikinci günü ESG-nin inteqrasiyası üzrə bir sıra praktiki seminarlarla davam edib.“Dayanıqlı inkişaf naminə dövlət-özəl tərəfdaşlıqları” adlı sammit “29 İqlim Söhbəti: COP29-a aparan yol” təşəbbüsü çərçivəsində keçirilib.İkinci günün proqramı iştirakçıları təşkilatlarında ESG təcrübələrini səmərəli şəkildə tətbiq etmək üçün lazım olan alət və biliklərlə təmin etməyə yönəlib.Günün açılışında Sahibkarlığın İnkişafı Fondununnümayəndəsi Cavid Hacıyev, Kiçik və Orta Biznesin İnkişafı Agentliyinin (KOBİA) nümayəndəsi Elmar İsayev, Azərbaycan Sahibkarlar Konfederasiyasının (ASK) baş katibi Natəvan Məmmədova və Birləşmiş Millətlər Təşkilatının Qlobal Sazişinin ölkə rəhbəri Samir Məmmədovun çıxışları baş tutub.Təlimlərə Tal Catran tərəfindən keçirilən "Sabahın Mühafizəçiləri: Süni İntellekt və Kiber Təhlükəsizlikdə ESG" sessiyası, Həcər İbrahimovanın təqdim etdiyi “PwC-nin ESG Məlumatlılıq Sorğusunun əsas nəticələri” və Akbota Askanbay tərəfindən əsas hesabat çərçivələrinin icmalı daxildir. Digər sessiyalarda tədarük zənciri idarəedilməsində ESG, yerli tənzimləyici çərçivə, ESG hesabat standartları və çərçivələri üzrə praktiki təlimlər kimi mövzular əhatə olunub.Sammit, əsas maraqlı tərəflər arasında davamlı əməkdaşlıq və bilik mübadiləsini təşviq etmək məqsədi ilə Azərbaycanda ESG Şəbəkələşmə Cəmiyyətinin yaradılması ilə nəticələnib. Bu cəmiyyət davamlı dialoq üçün bir platforma kimi xidmət edərək, dövlət və özəl qurumların səylərini dayanıqlı inkişaf istiqamətində uyğunlaşdırmağa imkan verəcək.
1 / 5
Press reliz
05 iyul 2024
Birləşmiş Millətlər Təşkilatı və PwC Azərbaycanın təşkilatçılığı ilə ESG Sammiti öz işinə başladı: Dayanıqlı inkişaf naminə dövlət-özəl tərəfdaşlıqları
“29 Iqlim Söhbəti: COP29-a aparan yol” təşəbbüsü çərçivəsində keçirilən “Dayanıqlı inkişaf naminə dövlət-özəl tərəfdaşlıqları” adlı sammit Azərbaycanın 2024-cü ilin noyabrında ev sahibliyi edəcəyi 2024-cü il BMT-nin İqlim Dəyişikliyi Konfransına (COP29) həsr olunub.Sammitin məqsədi qlobal iqlim problemlərini həll etmək üçün ESG prinsiplərinin inteqrasiyasının təşviqi, dövlət və özəl qurumlar arasında dialoq və əməkdaşlığı inkişaf etdirməkdir.Əsas mövzular arasında ESG-yə uyğunluğun təşviqi və genişləndirilməsində normativ aktların və standartların rolunu müzakirə etmək, dayanıqlı inkişafa effektiv töhfə vermiş uğurlu PPP (dövlət-özəl tərəfdaşlığı) modellərini vurğulamaq, dayanıqlı inkişaf naminə dövlət-özəl tərəfdaşlıqlarının qurulmasında qarşıya çıxan problemləri aşkarlamaq və iqlim məqsədlərinə nail olmaq üçün konkret tədbirlər həyata keçirmək yer alır. Sammit öz işinə Muxtar Babayev, COP29-un müəyyən olunmuş prezidenti (video müraciət), Vüsal Şıxəliyev, Biznes mühiti və beynəlxalq reytinqlər üzrə Komissiyanın Katibliyinin rəhbəri və Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin sektor müdiri, Sahib Məmmədov, Azərbaycan Respublikası iqtisadiyyat nazirinin müavini, Nigar Arpadarai, BMT-nin İqlim Dəyişikliyi üzrə Yüksək Səviyyəli Çempionu və Milli Məclisin Deputatı, Orxan Məmmədov, Azərbaycan Respublikası Kiçik və Orta Biznesin İnkişafı Agentliyinin (KOBİA) İdarə Heyətinin sədri, Vladanka Andreeva, BMT-nin Azərbaycandakı rezident əlaqələndiricisi, Shaukat Tapia, PwC-nin ölkə üzrə idarəedici partnyoru tərəfindən açılış nitqləri ilə başlayıb.BMT-nin Azərbaycandakı rezident əlaqələndiricisi Vladanka Andreeva dayanıqlı inkişaf məqsədlərinə nail olmaqda dövlət və özəl sektorlar arasında əməkdaşlığın həlledici rolunu vurğulayıb.Xanım Vladanka, “ESG təcrübələrinin inteqrasiyası təkcə uyğunluqdan ibarət deyil - bu, dəyər yaratmaq, riskləri idarəetmək və bizim, uşaqlarımız və gələcək nəsillər üçün dayanıqlı gələcəyə töhfə verməkdən ibarətdir" deyə qeyd edib. PwC-nin Ölkə üzrə İdarəedici Partnyoru cənab Shaukat Tapia çıxışında bildirib ki, “PwC Azərbaycanda biz ESG prinsiplərinin biznes strategiyalarına inteqrasiyasının uzunmüddətli uğur və dayanıqlılıq üçün vacib olduğunu hesabedirik. Bu sammit iqlim dəyişikliyi ilə bağlı mürəkkəb problemlərin həlli üçün çox vacib olan dövlət-özəl əməkdaşlığın təşviqi üçün mühüm platforma təqdim edir. Birlikdə işləməklə, biz dayanıqlı inkişafı dəstəkləyən, maraqlı tərəflərin inamını artıran və mənalı təsir göstərən möhkəm çərçivələr yarada bilərik. Burada paylaşılan fikirlər və strategiyalar Azərbaycan şirkətlərinə ESG səyahətlərində yol göstərmək və daha möhkəm gələcəyə töhfə verməkdə mühüm rol oynayacaq”.Səhər sessiyasında iqlimlə bağlı fəaliyyətdə dövlət-özəl sektor sinerjisi, SDG İnvestor Platforması və yaşıl inkişafı təşviq etmək məqsədilə siyasət boşluqlarının aradan qaldırılması üçün strategiyalar mövzusunda təqdimatlarla çıxışlar edilib. Günün ikinci yarısında panel müzakirələri ESG prinsiplərinin Azərbaycanın hökumət siyasətinə və korporativ strategiyalarına inteqrasiyasına dair müzakirələr aparıb. Müzakirələrdə dayanıqlı inkişafın irəliləyişində əməkdaşlıq və innovativ həllər üçün kritik ehtiyac gözə çarpıb.
1 / 5
Press reliz
04 iyul 2024
Dr. Cəmilə Mahmud Bakıda BMTİP və Avropa Komissiyasının “Kaptalks” təşəbbüsü çərçivəsində planetar sağlamlıq mövzusunda mühazirə deyib
Bakı, 27 iyun 2024-cü il. BMT-nin Proqramı və Avropa Komissiyasının birgə təşəbbüsü olan Kapuçinski İnkişaf Mühazirələri (Kaptalks) “Mürəkkəb dünyada necə yaşamalı: planetar sağlamlıq çıxış yolu kimi” mövzusunda seminar təşkil edib. Tədbirdə Sanvey Universitetinin Planetar Sağlamlıq Mərkəzinin icraçı direktoru professor Cəmilə Mahmud mühazirə ilə çıxış edib. İnteraktiv formatda keçən mühazirədə insan riskləri, xüsusilə iqlim dəyişikliyinin səbəb ola biləcəyi səhiyyə böhranı və onunla mübarizə və digər müvafiq mövzular müzakirə edilib. Planetar sağlamlıq dayanıqlı inkişafın təməlidir. Dr. Cəmilə Mahmud yoluxucu xəstəliklərin daha asan yayılmasına münbit şərait yaradan münaqişələr, ərzaq təhlükəsizliyi və yerdəyişmə hallarının insanların immun sistemlərini daha da zəiflətdiyini vurğulayır. O, qeyd edir ki, hazırda humanitar sistemlər böhranlara cavab tədbirlərinin planetar sağlamlığa zərər verməməsi və uzunmüddətli perspektivdə risk və həssaslığı gücləndirməməsi üçün əlavə təzyiq və məsuliyyətlə üz-üzədir. Hibrid formatda təşkil edilmiş mühazirə bu il Bakıda keçirilməsi planlaşdırılan COP29 Konfransı hazırlıqları çərçivəsində baş tutub. Azərbaycan Tibb Universiteti ilə tərəfdaşlıq çərçivəsində təşkil edilmiş seminarda səhiyyə və təhsil sahəsinin mütəxəssisləri, ekspertlər, alimlər, tələbələr, hakimiyyət orqanlarının nümayəndələri, diplomatlar və vətəndaş cəmiyyətinin üzvləri iştirak edib. Azərbaycana səfəri çərçivəsində Dr. Cəmilə Mahmud səhiyyə, təhlükəsizlik, iqlim dəyişikliyi, ətraf mühitin qorunması, DİM-lər və digər mövzularla bağlı fikir mübadiləsi aparmaq məqsədilə bir sıra rəsmi görüşlər keçirib. Professor COP29-un Rəyasət Heyətinə baş çəkərək xarici işlər nazirinin müavini və COP29-un baş danışıqçısı Yalçın Rəfiyev ilə də səmərəli görüş keçirib.
1 / 5
Press reliz
04 iyul 2024
BMTİP Azərbaycanda dövlət qulluqçuları üçün İqlim Dəyişikliyinə Uyğunlaşma üzrə rəhbər səviyyəli kursların birinci mərhələsini uğurla başa çatdırıb
BAKI. 12 iyun, 2024: Birləşmiş Millətlər Təşkilatının İnkişaf Proqramının Azərbaycan Ölkə Ofisi tərəfindən həyata keçirilən və Yaşıl İqlim Fondu tərəfindən maliyyələşdirilən “Milli Uyğunlaşma Planına dəstək” layihəsi çərçivəsində Azərbaycan Respublikasının Prezidenti yanında Dövlət İdarəçilik Akademiyasının tərəfdaşlığı ilə dövlət qulluqçuları üçün iqlim dəyişikliyinə uyğunlaşma üzrə rəhbər səviyyəli kursların birinci mərhələsi uğurla başa çatıb. Kurslar “İqlim dəyişikliyinə necə uyğunlaşmalıyıq?” kimi kritik mövzuları əhatə edib və müvafiq dövlət qulluqçularının qarşıda duran problemləri həll etmək üçün lazım olan əsas alət və biliklərlərini təkmilləşdirib. İqlim dəyişikliyinə uyğunlaşma üzrə təlim proqramı 6 may-12 iyun 2024-cü il tarixlərində müvafiq dövlət qurumlarından dəvət olunmuş əməkdaşların uğurlu iştirakı ilə keçirilib. BMTİP Azərbaycan sertifikatlara layiq görülmüş bütün iştirakçıları təbrik edir və onların Azərbaycanda iqlim fəaliyyətinə və dayanıqlı inkişafa davamlı töhfə verməsini səbirsizliklə gözləyir.
1 / 5
Ən yeni resurslar
1 / 11
1 / 11