BMT Bakı Bulvarında Dayanıqlı İnkişaf Məqsədləri stendlərinin açılışını edib

Tədbir 80-ə yaxın dövlət rəsmisi, eləcə də BMT, vətəndaş cəmiyyəti, gənclər təşkilatları və KİV təmsilçilərini bir araya gətirib.

BMT İnkişaf Proqramının maliyyə dəstəyi ilə BMT-nin Azərbaycandakı nümayəndəliyi və IDEA İctimai Birliyinin hazırladığı ikitərəfli rəngli stendlər hər məqsədi asan dildə izah etməklə yanaşı, bu məqsədlərə nail olmaq üçün hər kəsin görə biləcəyi işlərə dair məsləhətləri özündə əks etdirir.

Qulam İshaqzai: “Dayanıqlı İnkişaf Məqsədləri barəsində məlumatlılığın artırılması bu məqsədlərin uğurlu icrası üçün böyük əhəmiyyət daşıyır. Bu səbəbdən, bütün vətəndaşların maarifləndirilməsi, proseslərə cəlbinin artırılması, iştiraka həvəsləndirilməsi və bütün səviyyələrdə cavabdehliyin təmin edilməsi üçün birgə səy göstərməliyik.”

DİM-lərə həsr olunmuş stendlər dörd ay ərzində gündəlik on minlərlə ziyarətçisi olan Bakı Bulvarının mərkəzi hissəsində nümayiş olunacaq.