Ətraf mühitin qorunmasında gənclərin rolu BMT-nin dəstəklədiyi forumun əsas müzakirə mövzusudur

İDEA İctimai Birliyi, BMT-nin Azərbaycandakı nümayəndəliyi, Ekologiya və Təbii Sərvətlər Nazirliyi və Azərbaycan Respublikası Prezidenti Yanında Gənclər Fondunun birgə təşkil etdiyi tədbirin əsas məqsədi Dayanıqlı İnkişaf Məqsədlərinə (DİM) dair gənclərin məlumalılığını artırmaq və 2030-ci il Gündəliyinin icrasında onların rolunu genişləndirməkdir.

BMT-nin Azərbaycandakı rezident əlaqələndiricisi əvəzi Edvard Karvardin açılış nitqində bunları söyləyib: “Biz inanırıq ki, üç il öncə 193 ölkənin rəhbərlərinin BMT sammiti zamanı qəbul etdikləri Davamlı İnkişaf üçün 2030-cu il Gündəliyi, ətraf mühitin qorunması da daxil olmaqla, DİM-lərə nail olmaq işinə gəncləri cəlb etmək və onları bu prosesin əsas iştirakçısına çevirmək üçün müvafiq çərçivə yaradıb.”

İDEA İctimai Birliyinin banisi və BMT-nin Ərazaq və Kənd Təsərrüfatı Təşkilatının xoşməramlı səfiri Leyla Əliyeva, eləcə də Ekologiya və Təbii Sərvətlər naziri Muxtar Babayev tədbirin açılış mərasimində çıxış ediblər.

Üç panel müzakirəsindən ibarət forumda çıxış edən yerli və beynəlxalq mütəxəssislər iqlim dəyişikliyinə qarşı mübarizədə, biomüxtəlifliyin qorunmasında və dayanıqlı enerji mənbələrinin istifadəsinin təmin olunmasında gənclərin roluna dair çıxış ediblər.