BMT-nin İqlim dəyişmələri üzrə yüksək səviyyəli çempionu ədalətli keçid mövzusunda Avropa və Mərkəzi Asiya ilə COP29-la bağlı dialoqa qoşulub

Beynəlxalq Əmək Təşkilatının (ILO) Avropa və Mərkəzi Asiya üzrə Regional Ofisi, Avropa və Mərkəzi Asiya üzrə BMT-nin İnkişaf Koordinasiya Ofisi və BMT-nin Azərbaycandakı Rezident Əlaqələndiricisinin Ofisi ilə birgə təşkil edilən bu tədbir Avropa və Mərkəzi Asiyanın işəgötürən və işçilər təşkilatlarından olan maraqlı tərəfləri bir araya gətirib.

Dialoq zamanı özəl sektorun davamlı təcrübələrin irəliləməsində və qarşıdan gələn COP29-un hədəflərinə nail olunmasında oynadığı mühüm rol vurğulanıb. Əsas müzakirələr azkarbonlu iqtisadiyyata keçidin inklüziv və ədalətli olmasını təmin etməyə, xüsusilə marjinal qrupların bu keçidə cəlb edilməsinə yönəlib.

BMT-nin İqlim dəyişmələri üzrə yüksək səviyyəli çempionu xanım Nigar Arpadarayi kiçik və orta müəssisələr (KOM), qadın sahibkarlar və həssas əhali üçün yaşıl keçiddən faydalanmaq imkanlarını vurğulayıb. O, işəgötürənlər və işçiləri milli səviyyədə müəyyən edilən töhfələrə (NDC) və qlobal iqlim hədəflərinə uyğun ədalətli siyasətlərin və davamlı innovasiyaların həyata keçirilməsində əməkdaşlığa çağırıb.

Bu dialoq "29 İqlim söhbəti"təşəbbüsü çərçivəsindı keçirilən 22-ci tədbir olmaqla, davamlı yaşıl iqtisadiyyata transformativ və inklüziv keçidin təmin olunması üçün ideyaların və strategiyaların mübadiləsi üçün dəyərli bir platforma təmin edib.