Press reliz

Aİ və BMTİP “İqtisadi İnkişafı Dəstəkləyən Bələdiyyə Sədrləri” Proqramı çərçivəsində yerli özünüidarəetmə orqanlarının seçimini tamamlayıb.

28 iyul 2022

Avropa İttifaqının maliyyə dəstəyi ilə BMT İnkişaf Proqramı tərəfindən Şərq Tərəfdaşlığı ölkələri ərazisində icra edilən “İqtisadi İnkişafı Dəstəkləyən Bələdiyyə Sədrləri” proqramı çərçivəsində təşkil olunan regional “Göstər və Danış” (Show&Tell) platformasında 6 Azərbaycan yerli özünüidarəetmə orqanlarına qrantlar təqdim edilib.

Qrantlar üçün təkliflərin qəbulu 20 may-30 iyun 2022-ci il tarixlərində keçirilib. Müraciət edən yerli özünüidarəetmə orqanları Portfel Səyahəti və Şəhər Transformasiyası bölmələri üzrə ideyalarını təklif etməyə dəvət olunub.

Özünüidarəetmə orqanlarının proqramda daha fəal iştirakını təmin etmək məqsədilə 31 may-3 iyun tarixlərində Lənkəran, Gəncə, Şəki və Bakı şəhərlərində proqram üzvləri üçün İnformasiya Sessiyalara təşkil olunub.

Portfel Səyahəti üzrə 8 müraciət, Şəhər Transformasiyası üzrə 22 müraciət daxil olub. İlkin qiymətləndirmədən keçən Portfel Səyahəti üzrə 3, Şəhər Transformasiyası üzrə 5 müraciət növbəti mərhələyə dəvət alaraq, 14 İyul 2022-ci il tarixində Avropa İttifaqının Azərbaycan Nümayəndəliyi, BMT İnkişaf Proqramının İstanbul Regional Mərkəzi və Azərbaycan Nümayəndəliyinin iştirakı ilə intervü prosesindən keçib.

18 İyul tarixində seçmə mərhələsinin nəticələri Avropa Ittifaqının və BMT İnkişaf Proqramının regional ofislərinin nümayəndələri tərəfindən qiymətləndirilib və nəticə olaraq, Portfel Səyahəti üzrə Xırdalan şəhər bələdiyyəsi və İçərişəhər Dövlət Tarix-Memarlıq Qoruğu İdarəsi, Şəhər Transformasiyası üzrə isə Mingəçevir, Naftalan, Səbail və Urva bələdiyyələri layihəsi seçilib.

Portfel Səyahəti mürəkkəb problemlərin həlli üçün strateji öyrənmə mexanizmidir və seçilən yerli özünüidarəetmə orqanları 2 il ərzindən qarşılarında duran bir sıra problemlərin həlli üzərində çalışacaqlar.

Şəhər Transformasiyası katalitik müdaxilələrin layihələndirilməsi üçün üsuldur və qısa zamanda (6 aya dək) seçilmiş layihə üzrə konkret müdaxilələrin edilməsi üzərində çalışacaq

Seçilmiş yerli idarəetmə orqanlarına texniki dəstək, bilik-bacarıqlarının artımı və layihələrinin icrası üçün maddi dəstək göstəriləcək.

Qeyd edək ki, “İqtisadi İnkişafı Dəstəkləyən Bələdiyyə Sədrləri” proqramı Azərbaycanda bu ilin mart ayında fəaliyyətə başlayıb və proqrama Azərbaycan üzrə 50 yerli özünüidarəetmə üzv olub.