Beynəlxalq Miqrasiya Təşkilatının Azərbaycan nümayəndəliyi həssas icmalar arasında COVID-19-a qarşı qorunma tədbirlərini dəstəkləyir

BMqT-nin Azərbaycan nümayəndəliyinin  və Koreya Beynəlxalq Əməkdaşlıq Agentliyinin (KOICA) koronavirusun yayılmasının qarşısının alınmasına dəstək vermək və icmaları əsas profilaktik tədbirlərdə iştirak etməyə təşviq etmək səyləri çərçivəsində  Ümumdünya Səhiyyə Təşkilatının COVİD-19-la bağlı tövsiyə və qaydaları, gigiyena prosedurlarını əks etdirən plakatlar Ağdam rayonun Bənövşələr və Goranboy rayonun Sarov kəndində əhali arasında yayılmışdır. Məqsəd COVID-19 haqqında məlumatlılığı artırmaq və icma üzvlərini və ailələrini sağlamlığını qorumağa dair lazımlı və dəqiq məlumatlarla təchiz etməkdir. Plakatlarda COVID-19 haqqında ümumi məlumat, əl yuyulmasının əhəmiyyəti, üz maskalarının istifadəsi qaydaları, ayrıseçkilik və ksenofobiyaya qarşı mübarizəya həsr olunmuş mətnlə yer alır. 

Hökümətin qarantin rejimi yumuşaldıqdan sonra Nümayəndəlik COVID-19 plakatlarının paylanması ilə yanaşı, layihənin həyata keçirildiyi 8 rayonun 40 icmasından olan benefisiarlar arsında COVID-19-dan qorunmaq üzrə treninqlərin keçirilməsi, gigiyenik vasitələrin paylanması nəzərdə tutulur. Hələliksə, bu qəbildən olan təbliğat digər icma üzvləri arasında internet vasitəsilə aparılır. 

Qeyd edək ki, KOICA-nın maliyyə dəstəyi ilə BMqT tərəfindən həyata keçirilən “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi məcburi köçkünlərin də sıx məskunlaşdığı Ağdam, Ağcabədi, Bərdə, Fuzuli, Gəncə, Qazax, Goranboy və Göygöl rayonlarının ərazisində 40-a yaxın kəhrizin bərpası vasitəsilə bu ərazidə yaşayan 8 mindən artıq ailəni təhlükəsiz və davamlı su ilə təmin etmək məqsədini daşıyır. Layihə kəhrizlərin bərpası ilə yanaşı, yerli icmaların dayanıqlığının artırılması, icmalarda məşğulluğun inkişafı və tədrisi də özündə cəmləşdirən komponentlərə malikdir.