Beynəlxalq Miqrasiya Təşkilatının Azərbaycan nümayəndəliyi Göygöl və Qazax rayonlarında bərpa olunmuş kəhrizləri yerli icmalara təhvil verdi

Bundan əlavə, kəhrizdən su bölgüsü infrastukturu üzrə, kəndin içərisinə boru vasitəsilə su xətti çəkilmiş və bulaq inşa edilmişdir. Bərpa edilmiş "Ağ dərə" kəhrizi ümumi sayı 2500 nəfər olan kənd əhalisini içməli su ilə təmin edəcək.

Eyni zamanda, Qazax rayonunun Kəmərli kəndindəki "Barana" kəhrizi də bərpa edilərək yerli icmanın istifadəsinə verilmişdir. Bərpa edilmiş kəhriz 200 ailədən ibarət olan kənd əhalisini içməli su ilə təmin edəcək.

Adı çəkilən layihə çərçivəsində BMqT-nin Azərbaycan nümayəndəliyi indiəyədək Ağdam, Goranboy, Füzuli, Göygöl və Qazax rayonları ərazisində 24 kəhrizi bərpa edərək yerli icmaların istifadəsinə verib.

Layihə ənənəvi və dayanıqlı su təchizatı sistemi olan kəhrizlərin bərpası vasitəsilə region əhalisini təhlükəsiz və davamlı su təminatı məqsədini daşıyır.

Layihənin ümumi məqsədi Azərbaycanda kənd təsərrüfatı icmalarının enerjisiz su təchizatını təmin etməklə kənd təsərrüfatı məhsuldarlığını və yaşayış imkanlarını artırmaqla məcburi iqtisadi miqrasiyanın qarşısının alınmasına töhfə verməkdir. Kəhrizlərin bərpası ilə yanaşı, layihə gender, idarəetmə və ətraf mühitin davamlılığı kimi məsələlərə xüsusi diqqət yetirərək, icma tərəfindən idarə olunan bir yanaşmanı tətbiq etməyə davam edir.