Beynəlxalq Miqrasiya Təşkilatının Azərbaycan nümayəndəliyi “Kəhriz Sistemləri Memarlıq Abidəsi, Dayanıqlı Su Sistemi, İctimai və İqtisadi İnkişafın Əsası kimi” başlıqlı 2 günlük beynəlxalq keçirdi

Tədbirdə bir sıra nazirlik (İqtisadiyyat Nazirliyi, Ekologiya və Təbii Sərvətlər Nazirliyi, Kənd Təsərrüfatı Nazirliyi, Xarici İşlər Nazirliyi) və dövlət qurumlarının (Qaçqınların və Məcburi Köçkünlərin İşləri üzrə Dövlət Komitəsi, Melorasiya və Su Təsərrüfatı ASC, Azərsu ASC, Dövlət Neft Şirkəti), BMT-nin ölkədəki agentliklərinin, səfirliklərin, donor və tərəfdaş təşkilatların, beynəlxalq eksperllər, təhsil və vətəndaş cəmiyyəti qurumlarının nümayəndələri, layihənin icra edildiyi rayonlardan icra hakimiyyəti təmsilçiləri, icma üzvləri, layihə mühəndisləri və kəhriz ustaları iştirak edirlər.

Giriş nitqi ilə çıxış edən BMqT-nin Azərbaycandakı nümayəndəliyinin rəhbəri Vladimir Qyorqiyev, Koreya Beynəlxalq Əməkdaşlıq Agentliyinin ölkə üzrə Direktoru Moon Jong Hyun və Azərbaycan Respublikasının Qaçqınların və Məcburi Köçkünlərin İşləri Üzrə Dövlət Komitəsinin sədr müavini Fuad Hüseynov tədbir iştirakçılarını salamlayaraq kəhrizlərn bərpasını nəzərdə tutan layihənin insanlar üçün əhəmiyyətindən danışdılar.

Vladimir Qyorqiyev bildirdiyinə görə 2012 və 2021-ci illərdə ətraf mühit üzrə ən nüfuzlu mükafat sayılan Qlobal Enerji Mükafatına layiq görülmüş kəhrizlərin bərpasını nəzərdə tutan layihələr artıq qlobal problemə çevrilmiş su qıtlığının aradan qaldırılması baxımından mühüm əhəmiyyət kəsb edir: “Bu mükafatlar bizim gördüyümüz işlərə verilən yüksək qiymətdir. Biz ən dayanıqlı su mənbəyi sayılan kəhrizlərin bərpasını nəinki Azərbaycanın faydası üçün, həmçinin insanlığa fayda gətirmək üçün davam etdirəcəyik”.

Koreya Beynəlxalq Əməkdaşlıq Agentliyinin ölkə üzrə Direktoru Moon Jong Hyun öz çıxışında hazırda Agentliyin maliyyələşdirdiyi və kəhrizlərin bərpasını nəzərdə tutan layihənin sayca 2-ci layihə olduğunu qeyd edərək Azərbaycan üçün ciddi problem olan su çatışmamazlığının aradan qaldırılmasına xidmət edən layihələrin dəstəklənməsindən məmnunluğunu bidirdi.

Qaçqınların və Məcburi Köçkünlərin İşləri Üzrə Dövlət Komitəsinin sədr müavini Fuad Hüseynov öz çıxışında BMT-təsisatlarının, eləcə də BMqT-nin qaçıqn və məcburi köçkünlərlə bağlı fəaliyyətini yüksək qiymətləndirdi. Onun sozlərinə görə BMqT Azərbaycanda indiyədək kəhrizləri bərpası ilə balı 10 layihə icra edib. Cari layihənin əhəmiyyətindən danışan Hüseynov onun məcburi köçkünlərin məskunlaşdığı icmalarda həyat şəraiti və su təminati yaxşılaşdırılacağını qeyd etdi.

Açılış nitqlərindən sonra kəhrizlərin tarixi, bu günü və sabahı, BMqT-nin kəhrizlərin bərpası sahəsində tərcübəsi, kəhriz bərpasında İlk dəfə tətbiq olunan yeni texnologiyalar, kəhrizlər üzrə Milli Baş Plan və Atlas və sair mövzülar üzrə yerli və beynəlxalq mütəxəssislərin çıxışları dinlənilidi.

Bundan əlavə, tədbirin gedişində kəhrizlərin bərpası layihəsi çərçivəsində görülən işləri əks etdirən film nümayiş olundu və ətraf mühit üzrə ən nüfuzlu mükafat sayılan Qlobal Enerji Mükafatının 2021-ci il üzrə milli qalibi seçilmiş adı çəkilən layihə çərçivəsində fəaliyyəti əks etdirən fotoşəkillər, çap olunmuş kitab və broşurlardan ibarət sərgiyə baxış keçirildi.

Konfransın son günü iştirakçılar Bakının İçəri Şəhər ərazisində yerləşən qədim kəhrizlərə baş çəkdilər.

Kəhrizlərin bərpası BMqT-nin Azərbaycanda həyata keçirdiyi ən mühüm və zamanında həyata keçirilən tədbirlərdən biridir. Nümayəndəlik 1998-ci ildən etibarən Azərbaycanda kəhrizlərin bərpası ilə məşğuldur. Həmin vaxtdan Azərbaycanın müxtəlif bölgələrində müxtəlif layihələr çərçivəsində 166-dan çox kəhriz bərpa edilib. Uğurlu keçmiş və unikal təcrübəsinə əsaslanaraq, nümayəndəlik hazırda KOICA-nın maliyyə dəstəyi ilə ənənəvi, dayanıqlı su təchizatı sistemi olan kəhrizlərin bərpası yolu ilə regionlardakı əhalinin təhlükəsiz və ardıcıl su təchizatı ilə təmin etmək üçün dörd illik layihəni həyata keçirir. Əvvəlki layihələr kimi, cari layihə də gender, idarəetmə və ətraf mühitin mühafizəsi kimi məsələlərə xüsusi diqqət yetirərək icma əsaslı yanaşmanı həyata keçirməyə davam edir.

Umümilikdə layihə Azərbaycanın BMT-nin Dayanıqlı İnkişaf Məqsədlərinin (DİM) prinsiplərini həyata keçirilməsi səylərinə bir sıra istiqamətlərdə töhfə verir. Bu istiqamətlərə yoxsulluğa son qoyulması və qida təhlükəsizliyinin təmin edilməsinə birbaşa təsiri olan ev təsərrüfatlarının daxili ehtiyacı və suvarma suyu ilə təmin edilməsi (1-ci Məqsəd), qadınların imkanlarının artırılması və qərar vermə proseslərində iştirakının təmin olunması, aid olduqları icmalarda liderlik rollarının artırılması (5-ci Məqsəd), ekoloji cəhətdən təmiz və dayanıqlı su təchizatı sistemlərinin bərpası, kəhrizlər və təhlükəsiz içməli suya əlçatanlığın gücləndirilməsi (6-cı Məqsəd) daxildir.