Azərbaycan, FAO-Türkiyə Tərəfdaşlıq Proqramı çərçivəsində həyata keçirəcəyi balıqçılıq üzrə layihəni rəsmi olaraq təsdiqlədi

Azərbaycan, FAO-Türkiyə Tərəfdaşlıq Proqramı (FTPP II) çərçivəsində Mərkəzi Asiyada, Azərbaycanda və Türkiyədə dayanıqlı balıqçılıq və dəniz məhsullarının yetişdirməsi və məhsuldarlığın artırılması (FISHCap) adlı layihəsinə rəsmi olaraq qatıldı. BMT-nin Ərzaq və Kənd Təsərrüfatı Təşkilatının (FAO) Azərbaycan Respublikasındakı Tərəfdaşlıq və Əlaqələndirmə Ofisinin rəhbəri Melek Çakmak və Azərbaycan Ekologiya və Təbii Sərvətlər Naziri Muxtar Babayev, müvafiq olaraq FAO və Azərbaycan Hökuməti adından layihə sənədini imzalayıblar.

Türkiyə Hökuməti tərəfindən maliyyələşdirilən və 1 milyon ABŞ dollar büdcəsi olan FISHCap layihəsi, 2022-ci ilədək Orta Asiya, Azərbaycan və Türkiyədə balıqçılıq və dəniz məhsullarının və təbii ehtiyatların dayanıqlı istifadəsi, idarə olunması və qorunması üçün imkanları artırmağı hədəfləyir. Azərbaycandan əlavə, FISHCap layihəsində digər iştirakçı ölkələr Qazaxıstan, Qırğızıstan, Tacikistan, Türkiyə, Türkmənistan və Özbəkistandır. FISHCap layihəsi tərəfdaş hökumətlərə institusional potensialın gücləndirilməsinə, milli dəniz və su məhsulları istehsalının dayanıqlı inkişafı üçün texniki yardım göstərməklə kənd təsərrüfatının inkişafna, qida təhlükəsizliyinə, iş yerlərinin yaradılmasına, yoxsulluğun azaldılmasına və əsaslı idarə olunmasına kömək edəcəkdir.

Azərbaycan bu layihənin 2009-cu ildən 2015-ci ilədək 16 ölkəni və FAO-Türkiyə Tərəfdaşlıq Proqramını əhatə edən layihənin ilk hissəsində də iştirak edib.

Ətraflı:

• State of Fishery and Aquaculture Industry Briefings kicked off with Azerbaijan
• Azerbaijan Country Showcase