Azərbaycanda Kiçik və Orta Bizneslər üçün Resurs Səmərəli Təmiz İstehsalat

EU4Environment layihəsi çərçivəsində nəşr olunan bu bukletdə Azərbaycanda kiçik və orta bizneslər üçün resurslardan səmərəli istifadə və təmiz istehsalata keçidə dair məlumat yer alır.

Avropa İttifaqı tərəfindən maliyyələşdirilən EU4Environment layihəsi Şərq Tərəfdaşlığına üzv olan altı ölkədə ətraf mühitlə əlaqədar layihələri dəstəkləyir, ekoloji cəhətdən sosial-iqtisadi inkişaf üçün imkanlar yaradır, həmçinin ekoloji təhlükələri və onların təsirini daha yaxşı idarə etmək üçün mexanizmlər qurmağa kömək edir. Bu yolla layihə tərəfdaş ölkələrdə təbii kapitalın qorunması və daha yaxşı istifadəsini, insanların ekoloji rifahının artırılmasını və iqtisadi artımın stimullaşdırmasını planlaşdırır.

Bu fəaliyyət, ekoloji və iqtisadi subyektləri birləşdirərək, planlaşdırmanın və investisiyaların daha “yaşıllaşdırılması” üçün siyasət və qanunvericilliyə yenidən baxılmasına, bununla da, yeni iş modellərinin qəbulu ilə innovativ texnologiyaların tətbiqi və “yaşıl” iş yerlərinin yaradılmasına dəstək verir.

2019-2022-ci illəri əhatə edən ekoloji layihəni İqtisadi Əməkdaşlıq və İnkişaf Təşkilatı (OECD), BMT-nin Avropa İqtisadi Komissiyası (UNECE), BMT-nin Ətraf Mühit Proqramı (UNEP), BMT-nin Sənaye İnkişafı Təşkilatı (UNIDO) və Dünya Bankı birlikdə həyata keçirir.