Aİ, BMTİP və ABAD Azərbaycanda ailə biznesini dəstəkləyir

Birləşmiş Millətlər Təşkilatının İnkişaf Proqramı tərəfindən həyata keçirilən bu layihə “ABAD” publik hüquqi şəxs və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə sıx əməkdaşlığını nəzərdə tutur. Yeni iş birliyi Balakəndə “ABAD” regional mərkəzə geniş dəstək verməklə Azərbaycanın kənd yerlərində yerli imkanların yaradılmasına yönələcək və ölkədə müasir və dayanıqlı ailə biznes modellərin gücləndirilməsi üçün əsas şərt kimi xidmət edəcək.

İmzalanma mərasimində Avropa İttifaqının Azərbaycan üzrə Nümayəndəliyinin rəhbəri Kestutis Yankauskas, BMTİP-in Azərbaycan Ofisnin Rezident Nümayəndəsi Qulam İshaqzai və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov layihəni təqdim edərək onun əhəmiyyəti barədə öz fikirlərini bildiriblər.

Tədbiri giriş sözü ilə açan İnam Kərimov qeyd etmişdir ki, “kiçik ailə biznesinin və təsərrüfatlarının inkişafını təşviq etmək və regional inkişafa töhfə vermək məqsədilə icra olunan layihələr arasında “ABAD”-ın xüsusi yeri var. O, Dayanıqlı İnkişaf Məqsədlərinin əldə olunmasına dəstək verməyi nəzərdə tutan yeni sosial innovasiya konsepsiyasıdır və Azərbaycanda sosial xidmətlər sahəsində aparılan islahatların nəticəsidir”.

Üç tərəfdaş təşkilatın səfərbər olunduğu bu yeni layihənin mahiyyətini vurğulayaraq, Cənab Jankauskas bildirmişdir ki, “Avropa İttifaqı, BMT-nin İnkişaf Proqramı tərəfindən icra olunan bu yeni qrant vasitəsilə ABAD və ASAN Xidmətə verdiyi dəstəyin davam etdirilməsindən fərəh hissi duyur. “Azərbaycanın bir çox vətəndaşları, o cümlədən şirkətləri üçün mühüm dərəcədə müsbət fərq yaradan ASAN, dövlət xidmətlərinin uğurlu şəkildə göstərilməsi işində beynəlxalq səviyyədə tanınmış modelə çevrilib. Avropa İttifaqının hal-hazırkı yeni proqramı vasitəsi ilə, biz Balakəndə 30 kiçik ailə biznes qruplarını təkmilləşdirməklə bərabər, fərdi ailə bizneslərinin və ümumilikdə ABAD-ın müvəffəqiyyət qazanacağına dəstək ola biləcəyimizə ümid edirik” deyə səfir əlavə edib.

İqtisadi inkişaf proseslərində ABAD-ın nailiyyətlərini xüsusilə qeyd edən BMTİP-in Azərbaycan Ofisinin Rezident Nümayəndəsi Cənab Qulam İshaqzai bildirib ki, “davamlı inkişaf məqsədləri və 2030-cu ilə qədər müəyyən olunmuş Yeni Gündəliyə uyğun olaraq, ABAD Azərbaycanın effektiv idarəetmə, insan kapitalı və dövlət idarəçiliyi qurumlarının inkişaf etdirilməsinə yönəlməsinin ən gözəl nümunəsidir".

Bərabər imkanları və inkluzivliyi Avropa standartları və uğurlu təcrübəsinə uyğun təmin etmək məqsədini daşıyan bu yeni fəaliyyət üç il aparılacaq və 2020-ci ildə tamamlanacaq. Layihə çərçivəsində icmalara əsaslanan ailə bizneslərin və kənd yerlərində sahibkarlığın inkişafı istiqamətində Azərbaycanın göstərdiyi səylər dəstəklənəcək və təşviq olunacaq, o cümlədən Dayanıqlı İnkişaf Məqsədlərinin (DİM-lərin) icrasına töhfə verəcək. İşlədiyimiz yerlərdə, təbii və vahid qaydada, icmalara davamlı yardımın göstərilməsinə sadiq olan tərəfdaş təşkilatlar irəli sürülmüş yeni təşəbbüsü Şəki-Zaqatala iqtisadi zonada iqtisadi dirçəliş və iş yerlərinin yaradılmasını stimullaşdırmaq və asanlaşdırmaqda uzun müddətli imkan kimi görür.

Layihə Avropa İttifaqı, ABAD və Birləşmiş Millətlər Təşkilatının İnkişaf Proqramı tərəfindən maliyyələşdirilir. Ümumilikdə, layihə tərəfdaşları layihə məqsədlərin icrası məqsədilə 1074000 ABŞ dolları həcmində böyük məbləği ayırıb (bu məbləğ, Azərbaycan Respublikasının Mərkəzi Bankının 12 dekabr 2017-ci il tarixinə olan məzənnəsinə uyğun olaraq 1825800 Azərbaycan manatı təşkil edir) .