Azərbaycanın qabaqcıl qadınları kənd və şəhərlərin inkişafını sürətləndirirlər
06 iyun 2018
- Azərbaycanda son onillikdə sabit artım müşahidə olunmaqdadır ki, bununda nəticəsində ölkəmizin iqtisadi, maliyyə və sosial rifahı əhəmiyyətli dərəcədə yaxşılaşmış, ifrat yoxsulluğun aradan qaldırılması və mütləq yoxsulluq həddinin 49%-dən 5%-ə düşməsinə nail olunmuşdur.
Bununla yanaşı, məktəbə qəbul nisbəti 99,8-100%-ə çatdırılmışdır, gender bərabərliyi və qadınların hüquqlarının qorunması və səlahiyyətlərinin artırılması istiqamətində irəliləyişlər müşahidə olunmaqdadır. İbtidai və orta təhsildə gender boşluğu əvvəlki illərlə müqayisədə xeyli azalmışdır. Bu müddət ərzində məşğulluq imkanları üzrə də əhəmiyyətli artım müşahidə olunmuşdur. Paytaxt Bakı və regionlarda bir sıra yeni iş yerləri açılıb.
Lakin, bütün bu irəliləyiş və inkişafa baxmayaraq, Azərbaycanda qadınlar arasında işsizlik səviyyəsi kişilərlə müqayisədə olduqca yüksəkdir. Bir çox sənaye sahələrində seqreqasiya müşahidə olunur, qadınlar təhsil, səhiyyə və sosial xidmətlər sektorunda çalışmalı olurlar ki, bu xidmət sahələri də, təəssüflər olsun ki, çox zaman “qadın işi” kimi qələmə verilərək işçilərə bazar qiymətlərindən aşağı əmək haqqı təklif edirlər. Sahibkarlıq fəaliyyətində qadın və kişilərin iştirak dərəcəsi də fərqlidir. Belə ki, qadınlar ölkədə fəaliyyət göstərən sahibkarlıq subyektlərinin ümumi sayının yalnız 26.38% -ni təşkil edir.
Press relizin tam mətnini buradan oxuya bilərsiniz.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
