ABŞ İnkişaf Agentliyi, BMTİP və Azərbaycan Hökuməti Zaqatalada qadınlar və gənclərin məşğulluq və sahibkarlıq imkanlarının artırılmasına dəstək verir
12 iyun 2019
- Bu gün Azərbaycanda iqtisadi tərəqqinin yeni iş imkanları yaratdığı bir dövrdə qadınların və gənclərin səlahiyyətlərinin artırılması ölkənin mühüm inkişaf prioritetləri sırasındadır. Azərbaycanın bölgələrində xüsusilə bu potensialı görərək, bu gün ABŞ Beynəlxalq İnkişaf Agentliyinin (USAID) maliyyə dəstəyi ilə Zaqatala rayonunda qadınların və gənclərin məşğulluğuna və sahibkarlıq bacarıqlarının artırılmasına dəstək göstərmək məqsədi ilə iki yeni mərkəz açıldı.
BMT-nin İnkişaf Proqramı (BMTİP) və Azərbaycan Hökümətinin birgə əməyi sayəsində təməli qoyulan Zaqatala Qadın Resurs Mərkəzi və Gənclərin Məşğulluq və Təlim Mərkəzi (Syslab) Zaqatala və ümumilikdə Azərbaycanın şimal-qərb bölgəsində əhalinin daha həssas qrupları olan qadınlar və gənclərin iqtisadi imkanları və maliyyə bacarıqlarının artırılması üçün aparıcı məkan olacaq.
Zaqatalada yeni fəaliyyətə başlayan Qadın Resurs Mərkəzi və Syslab USAID, BMTİP, Ailə, Qadın və Uşaq Problemləri üzrə Dövlət Komitəsi və Azərbaycan Respublikası Əmək və Əhalinin Sosial Müdafiəsi Nazirliyi arasında uzunmüddətli tərəfdaşlığın bir hissəsidir. Hər iki mərkəz 2015-ci ildən bəri USAID-in maliyyələşdirdiyi və BMTİP-nin qismən maliyyələşdirdiyi və artıq 5 ildir ki fəaliyyətdə olan Sahibkarlığa və Məşğulluğa İqtisadi Dəstək layihəsi çərçivəsində yaradılıb. Bu layihə Azərbaycanın müxtəlif bölgələrində qadınlara və gənclərə iqtisadi dəstək göstərən bir neçə mərkəzin yaranmasına səbəb olub. Belə ki, bu günə kimi Masallıda Qadın Resurs Mərkəzi, habelə Masallı və Gəncədə Gənclərin Məşğulluq və Təlim Mərkəzləri fəaliyyət göstərir.
Məlumatın tam mətnini buradan oxuya bilərsiniz.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
