FAO rəsmiləri COP29 ərəfəsində Azərbaycana səfər edib

Mayın 1-dən mayın 3-dək BMT-nin Ərzaq və Kənd Təsərrüfatı Təşkilatının (FAO) Avropa və Mərkəzi Asiya üzrə Regional Nümayəndəsi cənab Viorel Qutu və İqlim Dəyişikliyi, Biomüxtəliflik və Ətraf Mühit Ofisinin direktoru cənab Kaveh Zahedi Azərbaycana rəsmi səfər edib. Onların səfərinin məqsədi qarşıdan gələn BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) hazırlıqları ilə bağlı mühüm müzakirələr aparmaq idi.

Cənab Qutu və cənab Zahedi səfərləri zamanı COP29-un hər üç əsas istiqamətini əhatə edən: rəsmi danışıqlar, Prezidentliyin fəaliyyət gündəliyi və əlavə tədbirləri əsaslı şəkildə müzakirə edib. Rəsmilər FAO-nun  bu mühüm sahələr üzrə əsas rolunu vurğulayaraq, FAO-nun dəstəyi genişləndirə biləcəyi yolları araşdırıb.

Səfər çərçivəsində Azərbaycan hökumətinin əsas maraqlı qurumları ilə bir sıra məhsuldar görüşlər keçirilib. Onların arasında danışıqların baş iştirakçısı, Azərbaycanın xarici işlər nazirinin müavinləri, eləcə də kənd təsərrüfatı, ekologiya və təbii sərvətlər nazirləri olub. Müzakirə olunan mövzular arasında 2016-cı ildə başlanmış uğurlu əməkdaşlığa əsaslanan FAO-Azərbaycan Tərəfdaşlıq Proqramının ikinci mərhələsinin potensial təşəbbüsü olub.

Fəaliyyətləri uyğunlaşdırmaq və BMT-nin fəaliyyət istiqamətləri ilə uyğunluğu təmin etmək üçün FAO rəsmiləri Birləşmiş Millətlər Təşkilatının Azərbaycandakı Rezident Əlaqələndiricisi xanım Vladanka Andreeva ilə görüşüb.

Son gün cənab Zahedi professor-müəllim heyəti ilə yanaşı, ADA Universitetinin tədris işləri üzrə prorektoru cənab Elkin Nurməmmədov və Kənd Təsərrüfatı və Qida Elmləri Məktəbinin dekanı cənab Matteo Vittuari ilə də görüşüb. Görüş əsnasında kənd təsərrüfatı sektorunun irəliləyən ehtiyaclarının qarşılanmasında, COP29 hazırlıqları çərçivəsində potensial tərəfdaşlıq yollarının araşdırımasında və iqlim problemlərinin həllində akademik iştirakın vacibliyi xüsusilə vurğulanıb.

Missiya zamanı cənab Qutu və cənab Zahedi FAO-nun qlobal miqyasda dayanıqlı kənd təsərrüfatı təcrübələrinin inkişaf etdirilməsi və iqlim dəyişikliyi ilə mübarizədə Azərbaycanla əməkdaşlığa hazır olduqlarını təsdiq ediblər.