Vladanka Andreevanın “Baku Decides” Gənclərin I İqlim Danışıqları”nın açılış mərasimində açılış nitqi

Hörmətli qonaqlar:

“Baku Decides” Gənclərin I İqlim Danışıqları”nın açılış mərasimində iştirak etməkdən məmnunam.

Azərbaycanın bu ilin noyabrında COP29 tədbirinə ev sahibliyi etməyə hazırlaşdığı bir dönəmdə regiondan və digər ölkələrdən olan gənc iqlim çempionlarının Bakıda bir araya gəlməsi və sərhədsiz iqlim tədbirləri üzrə konkret təşəbbüslər və tərəfdaşlıqları müzakirə etmək çox xoşdur.

İcazənizlə, bu önəmli tədbirin təşkil olunmasına görə ilk növbədə təşkilatçıları təbrik edim.

Hörmətli nümayəndələr:

İqlim böhranı dövrümüzün ən mühüm nəsillərarası ədalətsizliyidir.

Bu, qeyri-mütənasib şəkildə gənclərə -  uşaqlarımıza, nəvələrimizə təsir etməyə davam edəcək. Araşdırmalar göstərir ki, uşaqlar, yeniyetmələr və gənclər iqlim dəyişikliyindən daha çox əziyyət çəkəcəklər.

2020-ci ildə doğulan uşaqlar 1960-cı ildə doğulan böyüklərimiz ilə müqayisədə meşə yanğınları riskinə iki dəfə, quraqlıq riskinə 2,6 dəfə, çay daşqınları riskinə 2,8 dəfə və isti dalğası riskinə 6,8 dəfə çox məruz qalacaqlar.

Müxtəlif qlobal gənclik hərəkatları vasitəsilə gənclər qərar qəbul etmə imkanlarına çıxışı təmin etmək üçün hüquqlarını qoruyub bütün səviyyələrdə iqlim siyasətləri və proqramlarının hazırlanması, həyata keçirilməsi və nəzərdən keçirilməsinə töhfə vermək məqsədilə öz fikirlərinini səsləndirirlər.

Bu səylərə baxmayaraq, dövlətlərdə hələ də gəncləri iqlimlə bağlı fəaliyyətlərin hazırlanması, həyata keçirilməsi və hesabatların verilməsinə necə mənalı şəkildə cəlb etmək barədə siyasi iradə və anlayış çatışmazlığı qalmaqdadır.

Gənclərin iqlim fəaliyyətinə daha düzgün formada cəlb edilməsi bütün yaşlar üçün ədalətli siyasət və sosial xidmətlərlə zəngin inklüziv cəmiyyətin bir hissəsidir.

Üç şeyə diqqət yetirməliyik:

Birincisi, iştirakçı yanaşmaların təşviqi. İqlim tədqiqatı, siyasət, maliyyələşdirmə, proqramlaşdırma və gənclərin ehtiyac və prioritetlərinin mərkəzləşdirilməsi yolu kimi monitorinq və qiymətləndirmədə gənclərin rəhbərlik etdiyi iştirakçı yanaşmalara ehtiyac var.

"COP 28"in prezidentliyi yeni qlobal təşəbbüsə, “Beynəlxalq Gənc İqlim Nümayəndələri Proqramına” start verdi və gənclərin tələblərini müəyyən etmək üçün COP-dan öncə gənc iqlim çempionlarını bu prosesə cəlb etdi.

İnkişaf etməkdə olan ölkələrin 100 gənc iqlim çempionuna COP 28 görüş və müzakirələrində iştirak etmək imkanı verildi. Ümid edirəm ki, "COP 29"da biz gənclərin cəlb edilməsində bir addım da irəli gedə biləcəyik.

İkincisi, yaşıl təhsil və gənclərin sahibkarlıq, rəqəmsallaşma və innovasiya sahəsində bacarıqlarından istifadə etmək.

Bütün nəsillər – təkcə gənclər deyil – iqlim dəyişikliyinin nə olduğu və onun təsirlərini, daha vacibi isə qorunma və təsirlərin azaldılması tədbirləri haqqında maarifləndirilməlidir.

Yaşıl təhsil mövzusunun təhsilin bütün səviyyələrinə daxil edilməsi cəmiyyətin bütün sferalarında məlumatlılığın yaradılmasında və iqlim həllərinin inteqrasiyasında əsas rol oynayacaq.

Bundan əlavə, internetə çıxışı olan ən böyük qrup 15-24 yaşlı insanlardır, belə ki gənclər rolu ən çox olan qrupdur, bu göstərici ümumi əhali arasında cəmi 48 faizdir.

Üçüncüsü, dayanıqlı gənclər institutlarının və güclü gənclərin liderlik bacarıqlarının yaradılması. Gənclərin qlobal miqyasda liderlik nümayiş etdirməsi və iqlim böhranına diqqəti cəlb etməsi ilə iqlim dəyişikliyi mövzusunda gənclərin roluna diqqət artır.

Hörmətli iştirakçılar!

BMT-də, Gənclik 2030 Strategiyasında təsbit edilmiş vizyona uyğun olaraq, Baş Katib gənclərin iqlim hərəkatlarını və təkliflərini BMT rəhbərliyinə əlçatan etmək və bu sahədə məsləhətlər və töhfələr vermək üçün İqlim Strategiyasının həyata keçirilməsi məqsədilə İqlim Dəyişikliyi üzrə Gənclərin Məşvərət Qrupunu yaradıb.

BMT-nin Azərbaycandakı nümayəndəliyi olaraq iqlimlə bağlı fəaliyyətin sürətləndirilməsi üçün gənclərlə işi davam etdirməyə sadiqik.

BMT-nin Azərbaycan üzrə Dayanıqlı İnkişaf üzrə Əməkdaşlıq Çərçivəsi (2021-2025) sənədində əməkdaşlığın prioritet istiqamətlərindən biri “Ətraf mühitin qorunması və iqlim dəyişikliyinin aradan qaldırılması”dır.

Yaşıl keçid üçün ölkənin iddialı prioritetlərini dəstəkləyərək, biz eyni zamanda bərabərsizliklərin azaldılması və gənclərin mənalı cəlb edilməsi üçün struktur maneələrin aradan qaldırılması istiqamətində səyləri dəstəkləməyə davam edəcəyik. Təşəkkür edirəm.