BMTİP Azərbaycan COP28 çərçivəsində iqlim fəaliyyəti istiqamətində addımlar atıb

BMTİP Azərbaycan ilk dəfə olaraq “Tərəflərin konfransı” və ya COP kimi tanınan BMT-nin iqlim dəyişikliyi üzrə illik konfransında iştirak edib. Bu il “EU4Climate” və Yaşıl İqlim Fondu tərəfindən maliyyələşdirilən “Milli uyğunlaşma planı (NAP) layihələri COP28 Azərbaycan ölkə pavilyonunda BMTİP Azərbaycanı təmsil edib.

“EU4Climate” təşəbbüsü və NAP layihələri Azərbaycanın Paris Sazişi çərçivəsində iqlimlə bağlı götürdüyü öhdəliklərin həyata keçirilməsində mühüm rol oynayır.

Tədbirdə “EU4Climate” layihəsinin milli koordinatoru Nazim Məmmədov və “Milli uyğunlaşma planı” layihəsinin rəhbəri Zaur Əliyev “Azərbaycanın dayanıqlı gələcək üçün iqlim dəyişmələrinə qarşı mübarizə fəaliyyəti” adlı təqdimatla çıxış edib.

“Buradakı iştirak bizə Azərbaycanın iqlim dəyişikliyinə uyğunlaşma və onun təsirlərinin azaldılması üzrə səylərini qlobal miqyasda nümayiş etdirmək, eləcə də digər ölkələrlə təcrübə mübadiləsi aparmaq imkanı verir”, - deyə Zaur Əliyev vurğulayıb.

Öz çıxışında Nazim Məmmədov prioritet sektorlar üçün modelləşdirmə və müxtəlif inkişaf ssenarilərinin tədqiqi ilə məşğul olan “EU4Climate” layihəsinin rolunu qeyd edib.

“EU4Climate” layihəsi çərçivəsində nail olunan bu önəmli hadisə həssas-gender yanaşmasının yer aldığı Uzunmüddətli Aşağı Emissiyalı İnkişaf Strategiyasının (LT-LEDS) inkişafının təzahürüdür. Qeyd olunmalıdır ki, bu strategiya Milli Səviyyədə Müəyyən Edilmiş Töhfələrdə (NDC) göstərilən hədəflərlə uyğundur”, - “EU4Climate” layihəsinin rəhbəri Nazim Məmmədov əlavə edib.

Təqdimat BMT İnkişaf Proqramının Azərbaycan Nümayəndəliyi və Ekologiya və Təbii Sərvətlər Nazirliyi-nin birgə təşkil etdiyi COP28 görüşləri çərçivəsində baş tutub. Nazir Muxtar Babayev və BMTİP-nin təbiət, iqlim və enerji üzrə icraçı koordinatoru və ətraf mühit maliyyəsi üzrə direktoru Pradeep Kurukulasuriya Azərbaycan pavilyonundakı görüşdə açılış nitqi ilə çıxış edib. BMTİP-nin Avropa və Mərkəzi Asiya Regionu iqlim dəyişiklikləri üzrə mütəxəssisi Nuri Özbağdatli isə əsas məruzəçi kimi tədbirə qatılıb.

“BMTIP və Azərbaycan arasında tərəfdaşlıq iqlim fəaliyyəti ilə bağlı müxtəlif sahələrdə innovasiyaların, bilik mübadiləsinin və potensialın artırılmasının təşviqində mühüm rol oynayıb”, - deyə cənab Kurukulasuriya çıxışında deyibI “Birlikdə, son 30 il ərzində dayanıqlı inkişafı təşviq edən, biomüxtəlifliyi qoruyan və icmalara dəyişən iqlimə uyğunlaşma üçün səlahiyyətlər verən layihələri həyata keçirmək üçün çoxsaylı donorların, xüsusilə də Qlobal Ekoloji Fond (GEF) və Yaşıl İqlim Fondunun (GCF) dəstəyi sayəsində BMTİP Azərbaycan ilə tərəfdaşlıq edir”.

“EU4Climate” və NAP layihələri Azərbaycanın hərtərəfli, aşağı emissiyalı və iqlimə dayanıqlı inkişafına dəstək olur.

Ölkədə iqlim dəyişmələrinə qarşı dayanıqlılığı artırmaq üçün “Milli uyğunlaşma planı” layıhəsi Azərbaycan hökumətinə üç prioritet sektor – su, kənd təsərrüfatı və sahilyanı ərazilərin iqlim dəyişmələrinə uyğunlaşması istiqamətində dəstək olur. Eyni zamanda, “EU4Climate” layihəsi bu sektorların problemlərinin dinlənilməsini təmin etmək üçün müvafiq siyasətin işlənib-hazırlanmasına və həyata keçirilməsinə yönəlib.

Bu iştirak Azərbaycanın Paris Sazişinə və BMT-nin Dayanıqlı İnkişaf üzrə 2030 Gündəliyinə sadiqliyinin tərkib hissəsidir.

Azərbaycan iqlim dəyişikliyinə dair Paris Sazişini imzalayaraq atmosferə buraxılan istixana qazlarının 2030-cu ilədək 35% azaldılması barədə öhdəlik götürüb. 2050-ci ilədək Azərbaycan 1990-cı il səviyyəsi ilə müqayisədə istixana qazlarının emissiyalarını 40% azaltmağı öz  üzərinə götürür. Paris Sazişi ilə götürülmüş öhdəlikləri qorumaq və fəal şəkildə həyata keçirmək hazırda Azərbaycan hökuməti üçün əsas prioritetdir.