Baş katibin müraciəti - Ümumdünya Qaçqınlar Günü

BMT-nin Qaçqınlar üzrə Ali Komissarı vəzifəsində işlədiyim on il ərzində mən həyatın bütün mərhələlərində qaçqınların dözümlülüyü və verdiyi töhfələrin şahidi olmuşam.

Onların çətinliklər qarşısında nümayiş etdirdiyi əzmkarlıq məni hər gün ruhlandırır.

Qaçqınlar insan ruhunun ən yaxşı tərəfini təmsil edir.

Onların bağlı sərhədlərə və qovulmaya deyil, dəstəyə və həmrəyliyə ehtiyacı var və buna layiqdirlər.

Ümumdünya Qaçqınlar Gününü qeyd edərkən, biz məyusedici statistika ilə qarşılaşırıq.

Münaqişə, təqib, aclıq və iqlim xaosu ilə sarsılan ölkələrdə yaşayan 100 milyondan çox insan evlərini tərk etmək məcburiyyətində qalıb.

Bunlar yalnız rəqəmlər deyil.

Bunlar zorakılıq, istismar, ayrı-seçkilik və sui-istifadə halları ilə dolu çətin yollardan keçən qadınlar, uşaqlar və kişilərdir.

Bu gün bizə qaçqınları qorumalı və dəstəkləməli olduğumuzu, habelə bu dəstəyi genişləndirmək öhdəliyimizi xatırladır.

Buraya qaçqınların məskunlaşdırılması və ləyaqətli şəkildə həyatlarını yenidən qurmalarına kömək etmək üçün həll yollarının tapılması daxildir.

Qaçqınlar üzrə Qlobal Sazişin tələb etdiyi kimi, keyfiyyətli təhsil, layiqli iş, səhiyyə, yaşayış yeri və sosial müdafiəyə çıxışı genişləndirmək üçün qaçqınları qəbul edən ölkələrə daha çox beynəlxalq dəstək göstərilməlidir.

Həmçinin qaçqınların təhlükəsiz şəkildə öz evlərinə qayıda bilməsi üçün

sülhə nail olmaq istiqamətində daha güclü siyasi iradəyə ehtiyacımız var.

Builki Ümumdünya Qaçqınlar Gününün mövzusu "Evdən uzaqda ümid"-dir.

Mən dünyanı qaçqınların ürəklərində daşıdığı ümiddən bəhrələnməyə çağırıram.

Gəlin onların cəsarətini hər addımda duyduqları ehtiyacları qarşılamaqla mükafatlandıraq.