BMT-nin Rezident Əlaqələndiricisi Vladanka Andreevanın Nifrət nitqinə qarşı beynəlxalq mübarizə günü ilə əlaqədar videomüraciəti

Bu gün Nifrət nitqinə qarşı beynəlxalq mübarizə günüdür.

Nifrət nitqi qlobal səviyyədə ciddi narahatlıq doğuran məsələdir.

O, cəmiyyətlərimizi ağuşuna alan qara bulud kimi parçalanmalara və dağıntılara səbəb olur.

Nifrət nitqi ayrı-seçkiliyə və marginallaşmaya yol açır, nail olmaq istədiyimiz sülh və harmoniyaya birbaşa təhdid yaradır.

Sözün böyük təsir gücünü dərk edərək, nifrət dolu ritorikaya qarşı səsimizi ucaltmaq bizim borcumuzdur.

Məhz buna görə bu il, BMT-nin ölkə üzrə İdarə Heyəti nifrət nitqinə qarşı mübarizəyə dair Fəaliyyət Planı qəbul edib.

Biz bu işi təkbaşına görmürük.

Bu problemə qarşı təsirli fəaliyyət üçün hökumət, elmi dairələr, vətəndaş cəmiyyəti və media ilə sıx əməkdaşlıq edirik.

Bizim yanaşmamız hərtərəflidir. Maarifləndirmə və təbliğat yolu ilə nifrət nitqinin aradan qaldırılması istiqamətində çalışırıq.

Biz bu mövzuda təlimatlar hazırlayır, bilik və bacarıqları inkişaf etdirir, və yeni texnologiyaları tətbiq edirik.

Biz zərərli sosial normalara meydan oxumağa, gender stereotiplərini qırmağa və insan hüquqlarının təhsil proqramlarına inteqrasiyası istiqamətində səy göstərməyə davam edəcəyik.

Biz həmçinin transsərhəd mədəniyyətlərarası dialoqu təşviq etmək istəyirik, çünki anlaşma və empatiyanın sərhədləri yoxdur.

Gəlin birlikdə sərhədləri aşan və bizi qlobal icma olaraq birləşdirən anlaşma, şəfqət və empatiya körpülərini quraq.

Bununla biz nifrət nitqinə qarşı mübarizə aparmaq, habelə tolerantlıq və hörmətin hökm sürdüyü dünyanı formalaşdırmaq öhdəliyimizi bir daha təsdiq etmiş oluruq.