BMT-nin İrqi ayrı-seçkiliyin ləğv edilməsi üzrə Komitəsinin Hüquq-mühafizə orqanları əməkdaşları tərəfindən irqi profilləşmənin qarşısının alınması və onunla mübarizə üzrə 36 saylı (2020) Ümumi Tövsiyəsi

Hazırkı Ümumi Şərh “İrqi ayrı-seçkiliyin bütün formalarının ləğv edilməsi haqqında” Konvensiyanın İştirakçı Dövlətlər tərəfindən icrasına nəzarət edən BMT-nin İrqi ayrı-seçkiliyin ləğv edilməsi üzrə Komitəsi tərəfindən hazırlanıb. BMT-nin İrqi ayrı-seçkiliyin ləğv edilməsi üzrə Komitəsi daxil olmaqla bir sıra digər beynəlxalq insan hüquqları mexanizmləri irqi profilləşmənin beynəlxalq insan hüquqları hüququnun pozuntusu olduğunu vurğulayıblar. Ümumi Şərhin məqsədi İştirakçı Dövlətləri irqi profilləşmənin qarşısının alınması və onunla mübarizə sahəsində öhdəliklərinə dair təlimatla təmin etməkdir.

Ümumi Tövsiyə və Ümumi Şərh nədir? BMT-nın insan hüquqlarına dair Müqavilə Qurumları beynəlxalq insan hüquqları müqavilələri və konvensiyaların müxtəlif müddəalarının məzmununu və onların yaratdığı öhdəlikləri “ümumi tövsiyə” və yaxud “ümumi şərh” vasitəsilə izah edirlər.  

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunmuşdur.