BMT-nin Uşaq hüquqları üzrə Komitəsinin Uşağın üstün mənafeyinin əsas amil kimi nəzərə alınması hüququna dair 14 saylı Ümumi Şərhi

Hazırkı Ümumi Şərhdə BMT-nin Uşaq hüquqları üzrə Komitəsi BMT-nin “Uşaq hüquqları  haqqında” Konvensiyasının uşağın üstün mənafeyinin əsas amil kimi nəzərə alınması hüququnun müxtəlif akspektlərini və bu hüququn məzmununu izah edir. Sözügedən hüquq Konvensiyanın  3-cü Maddəsini (paraqraf 1) təşkil edir. Ümumi Şərh həmçinin sözügedən hüququn yerinə yetirilməsində dövlətlərin öhdəlikləri və atılmalı olan addımlara dair ətraflı məlumat verir. 

Ümumi Şərhlər nədir? BMT-nın insan hüquqlarına dair Müqavilə Qurumları beynəlxalq insan hüquqları müqavilələri və konvensiyaların müxtəlif müddəalarının məzmununu “ümumi şərhlər” vasitəsilə izah edirlər. 

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunub.