Mülki və Siyasi Hüquqlar haqqında Beynəlxalq Pakt 9-cu maddə: azadlıq və şəxsi toxunulmazlıq İnsan Hüquqları üzrə Komitənin 35 saylı ümumi şərhi

Hazırkı Ümumi Şərhdə BMT-nin İnsan Hüquqları Komitəsi “Mülki və siyasi hüquqlar haqqında” Beynəlxalq Paktın azadlıq və şəxsi toxunumazlıq hüququnun müxtəlif aspektlərini və bu hüququn məzmununu izah edir. Sözügedən hüquq Beyəlxalq Paktın 9-cu Maddəsini təşkil edir.

Ümumi Şərh həmçinin sözügedən hüququn yerinə yetirilməsində dövlətlərin öhdəlikləri və atılmalı olan addımlara dair ətraflı məlumat verir.

Ümumi Şərhlər nədir? BMT-nın insan hüquqlarına dair Müqavilə Qurumları beynəlxalq insan hüquqları müqavilələri və konvensiyaların müddəalarının məzmunu “ümumi şərhlər” vasitəsilə izah edirlər.

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunmuşdur.