USAID və ÜST-nin ortaq layihəsi ürək masajı öyrənməyin təbliği üçün maarifləndirici tədbir keçirib

Ürək masajı edilmədən keçən hər dəqiqə sağ qalma ehtimalı 10-15% azalır. Dərhal edilən ürək masajı isə sağ qalma ehtimalını 2 və ya 3 dəfə artıra bilir.

Ürək masajı etməkçün tibb işçisi olmaq vacib deyil və hər kəs bu bacarıqlara yiyələnə bilər. Ürək masajı edə bilməyin əhəmiyyəti haqda ictimaiyyəti məlumatlandırmaq, eləcə də iştirakçılara ürək masajı öyrətmək üçün bu gün “Dəniz Mall”da maarifləndirici tədbir və təlim keçirilib. Təlim ABŞ-ın Beynəlxalq İşkişaf Agentiliyinin (USAID) dəstəklədiyi və Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB-lə əməkdaşlıqda həyata keçirilən “Təcili yardım sisteminin təkmilləşdirilməsi həftəsi tədbirləri”nin (12-18 dekabr) bir hissəsidir.

Tədbir  “Ürək masajı öyrən, həyat ver!” şüarı ilə keçirilib və 12 yaşdan yuxarı uşaqlar daxil “Dəniz Mall”un  ziyarətçiləri üçün açıq olub. Qeyd edək ki, təlim bir gün öncə ÜST-nin Səhiyyə Nazirliyi və 1 Nömrəli Bakı Tibb Kolleci ilə birgə keçirdiyi ilkin tibbi yardım mövzusunda maarifləndirici tədbirin davamıdır.