BMqT-nin Azərbaycan nümayəndəliyi həssas və təcrid olunmuş icmalardan olan benefisiarların kiçik biznes fəaliyyətlərini dəstəkləyir

Onlar Gəncədə insan alveri və gender əsaslı zorakılığa məruz qalmış qurbanlara mühüm xidmətlər göstərən, onların təhlükəsizliyini və müdafiəsini təmin edən İctimai Birliyin direktorları Südabə Məmmədova və Kübra Ələkbərova ilə görüşüblər. Görüş zamanı qonaqlara ictimai birliyin bu cinayətlərə qarşı birgə mübarizədə gördüyü işlər, insan alveri və gender əsaslı cinayətlərin mövcud və potensial qurbanlarına göstərilən xidmətlər barədə məlumat verilib.

Sonra, BMqT-nin təmsilçiləri USAID-in maliyyələşdirdiyi “İnsan Alverinə Qarşı Mübarizə” layihəsi çərçivəsində yeni açılmış Pilates studiyası ilə tanış olublar. Pilates studiyasını açan benefisiarlar BMqT-nin Azərbaycan nümayəndəliyi tərəfindən təşkil edilən kiçik biznes təlimlərini başa vurublar və həmçinin, biznes fəaliyyətlərinə başlamaq üçün yardım alıblar.

Qeyd olunan layihənin məqsədlərindən biri həssas və təcrid olunmuş icmalardan olan benefisiarlara öz kiçik bizneslərini qurmağa, onlara dəstək vermək və davamlılığını artırmaq imkanı verən qeyri-nağd yardım ilə təmin etməkdir.

Ümumilikdə BMqT tərəfindən həyata keçirilən USAID-inin maliyyələşdirdiyi İnsan Alverinə Qarşı Mübarizə layihəsi Azərbaycan hökumətinə və QHT-lərə insan alverinin və məcburi əməyin qarşısının alınması və onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmaqda kömək edir. Buraya insan alveri və məcburi əməyin potensial və faktiki qurbanlarına kömək edən sığınacaqlari idarə edən vətəndaş cəmiyyəti təşkilatlarına texniki və maliyyə dəstəyi daxildir.