Qadınlara qarşı Zorakılıqla Beynəlxalq Mübarizə Günü münasibətilə BMT Baş Katibi Antonio Quterresin mesajı 25 noyabr 2022
Gəlin qəti mövqe tutaq və qadınların hüquqlarını müdafiə etmək səsimizi ucaldaq.
Qadın və qızlara qarşı zorakılıq dünyada ən geniş yayılmış insan hüquqları pozuntusudur.
Hər 11 dəqiqədə 1 qadın və ya qız birlikdə olduğu şəxs və ya ailə üzvü tərəfindən öldürülür. Bilirik ki, COVID-19 pandemiyasından tutmuş iqtisadi böhrana kimi digər stresslər də fiziki və sözlü şiddətin artmasına gətirib çıxarıb.
Qadın və qızlar həmçinin nifrət nitqi, seksual təqib, görüntülərdən sui-istifadə və seksual əlaqə məqsədilə azyaşlıların yoldan çıxarılması kimi geniş yayılmış onlayn şiddətlə də üzləşirlər.
Bəşəriyyətin yarısını hədəf alan bu ayrı-seçkilik, zorakılıq və şiddət bizə çox baha başa gəlir. Bu, qadın və qızların bütün sahələrdə iştirakını məhdudlaşdırır, onların fundamental hüquq və azadlıqlarını inkar edir, eləcə də dünyanın ehtiyacı olanbərabər iqtisadi bərpa və dayanıqlı inkişafın qarşısını alır.
İndi qadın və qızlara qarşı zorakılığı aradan qaldırmaq üçündəyişikliyə aparan işləri görmək vaxtıdır.
Bu o deməkdir ki, bu bəla ilə mübarizə aparmaq üçün hökumətlər milli fəaliyyət planlarını hazırlamalı, maliyyələşdirməli və həyata keçirməlidir.
Bu, qərarların qəbulu prosesinin hər mərhələsinə əhali və vətəndaş cəmiyyəti qruplarının cəlb olunması deməkdir.
Bu, zərər çəkənlərin ədalət və dəstək hüququna malik olduğunu görməsi üçün qanunların icrası və onlara riayət olunmasını təmin etmək deməkdir.
Bu, patriarxal normalara meydan oxuyan, qadınlara qarşı nifrəti və zorakılığı rədd edən ictimai kampaniyalara dəstək olmaq deməkdir.
Builki mövzu – “BİRLƏŞİN: Qadın və Qızlara Qarşı Zorakılığa Son Qoymaq üçün Fəallıq” bizə xatırladır ki, bu, dünyanın hər yerində dəyişikliyə çağıran və zorakılıqdan əziyyət çəkənləri dəstəkləyən fəalların yanında olmağı xatırladır. Mən,hökumətləri 2026-cı ilə qədər qadın hüquqları ilə məşğul olan təşkilat və hərəkatlar üçün nəzərdə tutulan vəsaiti 50 faiz artırmağa çağırıram.
Gəlin qəti mövqe tutaq və qadınların hüquqlarını müdafiə etmək səsimizi ucaldaq.
Gəlin fəxrlə elan edək ki, hamımız feministik.
Gəlin qadın və qızlara qarşı zorakılığı tarixin səhifələrinə göndərək.
Bu təşəbbüs vasitəsilə dəstəklədiyimiz məqsədlər
