Qubada innovasiya sərgisi keçirilib

Sərgidə Quba-Xaçmaz regionu üzrə fəaliyyət göstərən 18  qurumun nümayəndələri, Quba rayon İcra Hakimiyyətinin başçısı Ziyəddin Əliyev, Kənd Təsərrüfatı Nazirliyi yanında Aqrar Xidmətlər Agentliyi sədrinin birinci müavini Anar Əzimov, FAO-nun  həyata keçirdiyi “Aqrar Məsləhət Xidmətlərinin Gücləndirilməsi “ layihəsinin milli koordinatoru Seymur Yusifli, FAO-nun Quba-Xaçmaz regionu üzrə ofisinin rəhbəri Anar İlyasov, layihənin yerli tərəfdaşı Quba Regional QHT-lərin Resurs və Təlim Mərkəzinin direktoru, layihənin koordinatoru Eynulla Xeyrullayev, həmin təşkilatın əməkdaşları, Meyvəlçilik və Çayçılıq Elmi-Tədqiqat İnstitutunun əməkdaşları, Quba Regional Təlim Mərkəzinin əməkdaşları iştirak ediblər. Sərgiyə, həmçinin Quba rayonu Zərdabi qəsəbəsi  “Gavalı”  platforması və Quba rayonu Alekseyevka icması “Alma” platformasından 54 nəfər fermer, tədbirə dəvət olunmuş 18 qurumdan olan iştirakçılar və qonaqlar daxil olmaqla 201 nəfər qatılıb.   

İnnovasiya Sərgisində Quba-Xaçmaz regionunda fəaliyyət göstərən MMC-lər təqdim etdikləri kənd təsərrüfatı texnikasını, suvarma sistemlərini, gübrələri, dezinfeksiya məhlullarını, dərman çiləyən aparatları, su çiləmə sistemlərini, Suvarmaya nəzarət sensorunu, iqlim stansiyasını nümayiş etdirərək, iştirakçıları məlumatlandırıblar.

Meyvəçilik və Çayçılıq Elmi-Tədqiqat İnstitutunun əməkdaşları yeni tinglər, calaqaltıları iştirakçıların diqqətinə çatdırıblar.