Dövri İcmal (Vətəndaş Cəmiyyəti üçün Praktik Bələdçi)

İnsan Hüquqları Şurası Universal Dövri İcmal adlandırılan mexanizm vasitəsilə dövri olmaqla Birləşmiş Millətlər Təşkilatına üzv 193 dövlətin hər birinin insan hüquqları sahəsində vəzifə və öhdəliklərinin yerinə yetirilməsini nəzərdən keçirir.

Dövlətə dair icmal üç sənədə əsaslanır: nəzərdən keçirilən dövlət tərəfindən hazırlanmış milli hesabat; baxışdan keçirilən iştirakçı dövlətə dair Birləşmiş Millətlər Təşkilatının İnsan Hüquqları üzrə Ali Komissarlığı (BMT İHAK) tərəfindən hazırlanmış Birləşmiş Millətlər Təşkilatının məlumat toplusu; BMT İHAK tərəfindən hazırlanmış, vətəndaş cəmiyyəti də daxil olmaqla, digər maraqlı tərəflərin təqdim etdiyi məlumatların icmalı.

Vətəndaş cəmiyyəti üçün nəzərdə tutulan bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən həyata keçirilən və Avropa İttifaqı tərəfindən maliyyələşdirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc edilib.