Beynəlxalq Miqrasiya təşkilatının Azərbaycan nümayəndəliyi insan alveri və məcburi əməyin qurbanlarına daha yaxşı dəstək göstərmək üçün yerli hüquqşünasların potensialını artırır

Birləşmiş Ştatların Beynəlxalq İnkişaf Agentliyi (USAID) tərəfindən maliyyələşdirilən “İnsan Alverinə qarşı Mübarizə üzrə Fəaliyyət” Layihəsi çərçivəsində təşkil olunan 4 günlük təlim insan alveri, məcburi əməyin qurbanları, həmçinin insan alveri və istismar riski altında olan insanlara və insan alverinin potensial qurbanlarına hüquqi yardım mövzularını əhatə edir.

Təlimin açılış sessiyasında çıxış edən BMqT-nin Azərbaycandakı nümayəndəliyinin rəhbəri cənab cənab Vladimir Qyorqiyev insan alveri cinayətlərinə qarşı mübarizə aparmaq və qurbanların hüquqlarını qorumaq məqsədilə hüquqşünasların insan alverinin hüquqları aspekti ilə tanış edilməsi və onların potensialının artırılmasına yönəlmiş bu qəbildən olan təşəbbüslərin həyata keçirilməsində Azərbaycan Vəkillər Kollegiyası ilə əməkdaşlığın əhəmiyyətini vurğuladı: "Ümid edirik ki, bu təlim iştirakçıların potensialı artıracaq, ölkədə insan alverinin yaratdığı ciddi problemlərin həlli üçün burada tədris olunan ən yaxşı təcrübə və metodologiyaya bu işə töhfə verəcək".

Azərbaycan Vəkillər Kollegiyasının sədri cənab Anar Bağırov BMqT ilə əməkdaşlığa böyük önəm verdiklərini və indiyədək bir neçə layihəni uğurla icra etdiklərni vurğuladı. Hüquqşünaslar üçün keçirilən təlimlərin insan alverinin qurbanlarının qorunması baxımından mühüm əhəmiyyət kəsb etdiyini qeyd edən Bağırov bununla yanaşı qanunvericilikdə də dəyişikliklərə ehtiyac olduğunu bildirdi: “Bizi narahat edən məsələ insan avlveri qurbanlara dövlət hesabına hüquqi yardımın göstərilməsinin qanunda nəzərdə tutulmamasıdır. Qurbanların əksəriyyətinin pulsuz hüquqi yardıma ehtiyacı olan şəxslər olmasını nəzərə alaraq bu məsələni müsbət həll olunması istiqamətində çalışmalıq”.

Təlim zamanı iştirakçılar hüquq sahəsində geniş biliyə və müvafiq mövzuda vəkillərin təlimi üzrə çoxillik təcrübəyə malik olan beynəlxalq hüquqşünas Silviya Hartmann tərəfindən təlim alacaq və insan alveri, insan alveri və məcburi əməyin qurbanlarının müdafiəsi ilə bağlı təcrübələrini, naliyyətlərini bölüşmək və bu sahədə biliklərini genişləndirmək, daha sıx tərəfdaşlıq qurmaq, cinayət təqibini yaxşılaşdırmaq, insan alveri və məcburi əmək sahəsində profilaktik tədbirlər haqqında daha ətraflı məlumat əldə etmək imkanı qazanacaqlar.

BMqT-nin Azərbaycandakı Nümayəndəliyi tərəfindən icra olunan və USAID tərəfindən maliyyələşdirilən “İnsan Alverinə qarşı mübarizə üzrə Fəaliyyət” adlı layihənin əsas məqsədi insan alveri haqqında ictimaiyyətin məlumatlandırılması və insan alveri və məcburi əməyin potensial və faktiki qurbanlarına yardım edən sığınacaqları idarə edən vətəndaş cəmiyyəti təşkilatlarına texniki və maliyyə dəstəyi göstərmək vasitəsilə insan alveri və  məcburi əməyin qarşısının alınması və onlarla mübarizədə Azərbaycanın fəaliyyətininin effektivliyinin daha da artırılmasında ölkə Hökumətinə və vətəndaş cəmiyyəti təşkilatlarına dəstək göstərməkdən ibarətdir.