Ailə, Qadın və Uşaq Problemləri üzrə Dövlət Komitəsi, Britaniya Səfirliyi və BMTİP Azərbaycanda qadınların səlahiyyətləndirilməsi istiqamətində gələcək əməkdaşlıq imkanlarını müzakirə ediblər

Hazırda Azərbaycanda faəliyyət göstərən doqquz Qadın Resurs Mərkəzi gender bərabərliyinin təmin edilməsi və qadınların sahibkarlıq bacarıqlarının inkişafına xidmət edir, onlara sosial-iqtisadi çətinliklərin öhdəsindən gəlməkdə dəstək olur. 

2011-ci ildə Dövlət Komitəsi və BMTİP əməkdaşlığı, ABŞ Beynəlxalq İnkişaf Agentliyi, İsveçrə İnkişaf və Əməkdaşlıq Agentliyi, BMT-nin Gender Bərabərliyi və Qadınların Səlahiyyətlərinin Artırılması Qurumunun Gürcüstan nümayəndəliyi, Avropa İttifaqı və “Coca-Cola” Fondunun maliyyə dəstəyi ilə yaradılan Mərkəzlər qadınların iqtisadi cəhətdən inkişafı üçün perspektivlər yaradan məkan rolunu oynayır. Bu Mərkəzlərdə qadınlar iqtisadi səlahiyyətləndirmə vasitəsilə dolanışıqlarını necə yaxşılaşdıra biləcəkləri barədə fikir mübadiləsi aparırlar. 

Qeyd edək ki, Mərkəzlərdə bugünədək 6200-dən çox qadına insan hüquqları və iqtisadi hüquqlar, həmçinin biznesin inkişafı, mühasibat uçotu, maliyyə savadlılığı və kompüter elmləri üzrə ödənişsiz təlimlər keçilib.