BMqT-nin Azərbaycan nümayəndəliyi COVID-19 səbəbiylə ölkədə çətin vəziyyətə düşmüş 339 həssas miqranta zəruri yardım və dəstək göstərilib

 

Ötən il ərzində BMqT-nin Azərbaycan Nümayəndəliyinə müraciət etmiş 208 miqranta birbaşa humanitar yardım (qida / gigiyena vasitələri), 194 miqranta müvəqqəti mənzil təminatı, 68 miqranta ölkəni tərk etmək üçün tələb olunan PCR testi və 8 miqranta sənədləşmə ilə bağlı köməklik göstərilib.

Şri-Lankadan olan miqrantlardan biri Nirmala Priyadarşini, COVID-19 testlərini keçmələrinə və sənədləşmə məsələlərini həll etməyə kömək edən BMqT-nin Azərbaycan nümayəndəliyinin işçilərinin yaxşı koordinasiyalı işi sayəsində ölkə ərazsində qalmaq məcburiyyətində olan miqrantların təhlükəsiz şəkildə evlərinə döndüklərini söylədi.

Təcili yardıma ehtiyacı olan Nigeriyalı Anthony Okwuoma da BMqT-nin Azərbaycan nümayəndəliyinin əməkdaşlarına ürəkdən təşəkkür edir: "Dəyərli və böyük köməyiniz üçün çox sağ olun".

Nümayəndəlik, həmçinin 400 həsas xarici miqranta COVID-19 ilə əlaqəli fərdi qoruyucu vasitələrin daxil olduğu dəstlərin və pandemiya ilə bağlı məlumat çatdırılıb. COVID-19 haqqında məlumat vərəqələri, əl dezinfeksiyaedici məhlulu, termometrlər, əlcəklər, maskalar və antibakterial salfetlər olan dəstlər Dövlət Miqrasiya Xidmətinin “Miqrasiya Könüllüləri” İctimai Birliyinin üzvləri tərəfindən Bakıda müvəqqəti məskunlaşan çətin vəziyyətə düşmüş miqrantlara (əcnəbi vətəndaşlara) çatdırılıb.