Azərbaycan, BMTİP və Aİ iqlim dəyişikliyinin yaratdığı problemlərin həlli üçün səylərini birləşdirir

Birləşmiş Millətlər Təşkilatının İnkişaf Proqramı Xırdalan şəhərinin hakimiyyət nümayəndələri və Avropa İttifaqı ilə birgə Sıfır Emissiya Gününə həsr olunmuş tədbir təşkil etdi. BMTİP bu tədbir çərçivəsində Xırdalan şəhərinin orta məktəb şagirdləri üçün kamera obyektivləri prizmasından iqlim dəyişikliyi problemlərinə baxışları nümayiş etdirmək üçün platforma yaratdı.

Tədbir orta məktəb şagirdlərini iqlimlə mübarizə istiqamətində fəal addımlar atmağa çağırır, Davamlı İnkişaf Məqsədləri çərçivəsində İqlim Dəyişikliyi təsirinin azaldılması tədbirlərini təşviq etmək məqsədi daşıyirdı.

Tədbir çərçivəsində BMTİP tərəfindən həyata keçirilən “EU4Climate” layihəsində velosiped yarışı, ağacəkmə, #KarbonsuzGələcək Müsabiqəsi iştirakçılarının videoçarxlarının nümayişi və İqlim Dəyişikliyinin Azaldılması tədbirləri üzrə viktorina kimi bir sıra cəlbedici ekoloji fəaliyyətlər baş tutdu.

Tədbirdə BMTİP, hökümət və Avropa Birliyi nümayəndələri “#KarbonsuzGələcək” mövzusunda təşkil edilmiş müsabiqənin iştirakçılarının hazırladığı videolar ilə ətraflı tanış oldu.

Müsabiqədə ümumilikdə on məktəbdə təhsil alan əlli məktəbli iştirak etdi. Yuxarı sinif şagirdləri iqlim dəyişikliyi ilə əlaqəli problemləri aradan qaldırmaq üçün yeni həll yolları tapmaqda maraqlı olduqlarını bildirdi.

Tədbirdə ətraf mühitlə bağlı sualları özündə cəmləşdirən və tədbirə xüsusi maraq qatan intellektual oyun da keçirildi.

BMTİP-nin Azərbaycandakı Rezident Nümayəndəsinin səlahiyyətlərini icra edən xanım Alessandra Rokkasalvo öz çıxışında deyib: “BMTİP 2050-ci ilə qədər istixana qazlarının emissiyalarının 40% azaldılması üzrə Paris Sazişinin öhdəliklərini yerinə yetirməkdə Azərbaycan hökumətinə dəstəyi davam etdirmək əzmindədir. Ancaq bu, təkcə hökuməti, biznesləri, investorları və vətəndaş cəmiyyətini əhatə etmir. Paris razılaşmasının məqsədlərinə çatmaq üçün hər bir insanın atdığı addım önəmlidir”.