Beynəlxalq Miqrasiya Təşkilatının Azərbaycan nümayəndəliyi Azərbaycanda Kəhrizlər üzrə Milli Baş Planın təqdimatına dair sayca ikinci onlayn seminar keçirtdi
07 sentyabr 2021
Sentyabr ayının 7-də BMqT-nin Azərbaycan nümayəndəliyi layihə tərəfdaşları, mütəxəssislər, müxtəlif nazirlik, dövlət təşkilatları (Prezident Administrasiyası, Nazirlər Kabineti, İqtisadiyyat Nazirliyi, Kənd Təsərrüfatı Nazirliyi, Ekologiya Nazirliyi, Qaçqınların və Məcburi Köçkünlərin İşləri üzrə Dövlət Komitəsi, Meliorasiya və Su Təsərrüfatı ASC, AZƏRSU ASC) və təhsil qurumlarını təmsil edən nümayəndələrin iştirakı ilə kəhriz konsepsiyasını, onun sosial-iqtisadi və hüquqi aspektini, kəhriz konsepsiyasını milli su idarəetmə siyasətinə daxil edilməsinin zəruriliyini ölkədəki su ehtiyatlarından səmərəli istifadəyə dair ümumi müzakirələr çərçivəsində daha ətraflı nəzərdən keçirtmək üçün Azərbaycanda Kəhrizlər üzrə Milli Baş Planı mövzusunda sayca ikinci onlayn seminar keçirdi.
Seminar zamanı iştirakçılara kəhrizlərin bərpası, Kəhriz Araşdırma və Məlumat Mərkəzinin fəaliyyəti və ADAU-da Kəhriz mühəndislik kursunn tədrisi haqqında iştirakçılara məlumat verildi. Daha sonra layihə qrupu ilə sıx əməkdaşlıq şəraitində müstəqil ekspertlər tərəfindən hazırlanmış Azərbaycandakı kahrizlər haqqında iki dildə hazırlanmış Milli Atlasın və Kəhrizlər üzrə Milli Baş Planın (yeni iştirakçılar üçün) təqdimatı keçirildi.
Təqdimatlardan sonra iştirakçılar layihə, Atlas və Milli Baş Plan haqqında onları maraqlandıran sualları vermək, həmçinin müzakirələr aparmaq imkanı qazandılar.
Seminarın işini yekunlaşdıran BMqT-nin Azərbaycan nümayəndəliyinin rəhbəri Vladimir Qyorqiyev nümayəndəliyin Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsinin ölkə üçün əhəmiyyətini bird aha vurğuladı: "Biz ümid edirik ki, yaxın gələcəkdə kəhriz su sistemlərinin (ənənəvi, bərpa edilmiş kəhrizlər) Azərbaycan xalqının gələcək rifahına xidmət edən Milli Su İdarəetmə Siyasətinin bir hissəsi olduğunu görəcəyik. KOICA-nın dəstəklədiyi hazırkı layihə çərçivəsində açılmış Kəhriz Tədqiqat Mərkəzi, müvafiq internet saytı, kəhrizlər haqqında çap edilmiş təhsil kitabı, kəhrizlərlərin Milli Atlası və Milli Baş Planı kəhrizləri dövlət siyasəti və gələcək milli su idarəetmə strategiyasının tərkib hissəsi olmasına şərait yaradacaq”.
Qeyd edək ki, adı çəkilən layihədə Kəhrizlər üzrə Milli Baş Planın hazırlanması, kəhrizlərin bərpası, kəhriz mühəndisliyi və kankanların bacarıqlarının inkişafı, hədəf bölgələrdəki məcburi köçkünlər arasında kiçik sahibkarlığın dəstəklənməsi, kəhrizdən istifadə və sudan səmərəli istifadə barədə ictimaiyyətin məlumatlandırılmasını nəzərdə tutan 6 əsas komponent nəzərdə tutulur.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
