Ölkə səhiyyəsi azyaşlılarda əlilliyin erkən aşkarlanması və profilaktikası sistemini gücləndirir

Təlimlər beynəlxalq məsləhətçilərin iştirakı ilə Bakı şəhərində baş tutacaq.

Ankara Universitetinin professoru İlgi Ertem və onun rəhbərlik etdiyi qrup 20-21 fevral tarixlərində Bakıdakı 13 saylı poliklinikada 6 yerli peşəkar təlimçi tərəfindən keçiriləcək: “Uşaqlarda inkişafın monitorinqi”nə dair təlimlərə nəzarət edəcək.

Təlimdə Bakı Psixi Sağlamlıq Mərkəzi, Azərbaycan Tibb Universiteti, Elmi-Tədqiqat Pediatriya İnstitutu,  Bakı,  Lənkəran, Şəmkir, Şəki, Zaqatala və Kürdəmir poliklinikaları və uşaq psixi sağlamlıq mərkəzləri kimi müxtəlif rayon və institutlardan olan 60-dan çox səhiyyə işçisi, psixoloq, elmi işçi və psixoloq-pedaqoq iştirak edəcək.  Milli təlimçilər Ankara Universiteti tərəfindən veriləcək beynəlxalq təlimçi şəhadətnaməsini almaq üçün Bakıda keçiriləcək təlim ərzində beynəlxalq ekspertlər tərəfindən qiymətləndiriləcəklər.

Ankara Universitetini təmsil edən qrupla tərəfdaşlıq həmçinin Azərbaycan Dövlət Həkimləri Təkmilləşdirmə İnstitutu (ADHTİ) üçün Uşaqlarda inkişafın monitorinqi üzrə təlim paketinin hazırlanmasını, yerli təlimçilərin hazırlığını ehtiva edir.

UNICEF-in uşaqların inkişafının monitorinqi, uşaqlarda əlilliyin erkən profilaktikası və inkişaf ləngimələrinin erkən aşkarlanması istiqamətində milli pediatr və digər müvafiq mütəxəssislərin bilik və bacarıqlarının təkmilləşdirilməsi üzrə Səhiyyə Nazirliyi ilə birgə tədbirlərinin tərkib hissəsidir. 2016-cı ildən etibarən, Bakıda və rayonlarda 300 –dən artıq həkim (əsasən pediatr və uşaq nevroloqu) üçün təlim keçilmişdir. Sertifikatlaşdırmadan sonra yerli peşəkar təlimçilər artıq Azərbaycan Dövlət Həkimləri Təkmilləşdirmə İnstitutunun tədris planına daxil edilmiş bu təlimləri özləri müntəzəm şəkildə keçə biləcəklər. Hər bir tədris ili ərzində təxminən 200-300 səhiyyə işçisi üçün hazırkı təlim proqramının keçilməsi nəzərdə tutulur.

Qeyd edək ki, UNICEF həyata keçirdiyi bütün fəaliyyətlərdə hər bir uşağın hüquqlarını və rifahını dəstəkləyir. Biz bu öhdəliyi reallaşdırmaq üçün tərəfdaşlarımızla birlikdə 190 ölkədə və ərazidə fəaliyyət göstəririk. Fəaliyyətimizin diqqət mərkəzində dünyanın istənilən yerindəki bütün uşaqların maraqları naminə, ən həssas və təcrid olunmuş vəziyyətdə olan uşaqlarla əlaqə yarada bilmək üçün xüsusi səylərin göstərilməsi dayanır. UNICEF və onun Azərbaycandakı fəaliyyəti haqqında ətraflı məlumat üçün aşağıdakı səhifəyə daxil ola bilərsiniz: www.unicef.org/Azerbaijan