ÜST hepatit viruslarına qarşı mübarizədə tərəfdaşlığın möhkəmləndirilməsinə çağırır

Hepatit B və C uzun müddət ərzində, bəzən illərlə və hətta onillərlə öz əlamətlərini göstərməyə bilər. Məhz bu səbəbdən qaraciyər xərçənginin baş verməsinin ən azı 60%-i gec müayinə və müalicəyə olduğuna görə yaranır. Erkən müayinə və müalicə Dayanıqlı İnkişaf Məqsədlərinin 2030-cu ilə qədər icrası üçün bu sahədə həllini gözləyən əsas məsələlərdən biridir.

Ümumdünya Səhiyyə Təşkilatı (ÜST) 2018-ci il Ümumdünya Hepatit Günündə “Hepatit - Müayinə olun və Müalicə alın” şüarı ilə çıxış edir. ÜST öz tədbir və fəaliyyətləri ilə dünyada, regionlarda və ölkələrdə aşağıdakı məqsədlərə nail olmağa çalışır:

• Təşkilatın müayinə və müalicə tövsiyələrinin təşviq edilməsi ilə hepatitin qarşısının alınması, eləcə də müayinə, müalicə və qayğı xidmətlərinin miqyasının artırılmasına dəstək verilməsi;
• Hepatitlə bağlı xidmətlərdə beynəlxalq tibbi sığortanın təşviq edilməsi və faydalı təcrübələrin paylaşılması;
• Hepatit viruslarına qarşı mübarizədə tərəfdaşlığın təkmilləşdirilməsi və maliyyənin artırılması.

ÜST və Monqolustan hökuməti paytaxt Ulan-batorda Dünya Hepatit Gününü qeyd etmək üçün bir sıra tədbirlər keçirəcək. Tədbirlərdə qlobal, regional və yerli təşkilatları təmsil edən yüksək səviyyəli rəsmilər, fəallar və pasiyentlərin iştirakı nəzərdə tutulur. Tədbirdə hepatitin müayinəsi və müalicəsi xidmətlərinin artırılması üçün ehtiyac duyulan innovativ həll yolları və tərəfdaşlıq imkanları müzakirə ediləcək, eləcə də Monqolustanın hepatitlə mübarizədəki öncül təcrübəsi qeyd ediləcək.

Hepatit B və hepatit C-nin vaxtında müayinə və müalicəsi həyatları xilas edə bilər.