BMT-nin baş katibi Xəzərin hüquqi statusu barəsində Konvensiyanın imzalanmasını alqışlayır

Bu tarixi sənəd beynəlxalq sülhün və təhlükəsizliyin qorunması üçün vacib olan regional əməkdaşlığın əhəmiyyətini göstərir.

Baş Katib, Konvensiyanın Xəzər dənizi sahilyanı dövlətlər arasında uzunmüddət mövcud olan bir sıra məsələlərin tənzimlənməsində əvəzsiz rolu olacağına inanır və bu əməkdaşlığı regional gərginliklərin həlli yolunda əhəmiyyətli addım hesab edir.

BMT-nin Baş Katibi fürsətdən istifadə edərək sənədi imzalayan beş ölkəni regional əməkdaşlığın və çoxtərəfli münasibətlərin yaradılması ilə bağlı bu müstəsna nailiyyət münasibətilə təbrik edir.