Özbəkistan nümayəndə heyəti ÜST-nin Bakıdakı Əməkdaşlıq Mərkəzinə tanışlıq səfəri edir

Penitensiar sistem, vətəndaş cəmiyyəti təmsilçilərinin və ÜST-nin ofis nümayəndələrinin daxil olduğu 13 nəfərdən ibarət heyət həbsxanalarda vərəmin qarşısının alınması və müalicəsi barədə təlimdə iştirak edəcəklər.

“Ədliyyə Nazirliyinin Tibb idarəsi beynəlxalq təşkilatlarla əməkdaşlıq edərək, vərəm və çoxsaylı dərmanlara davamlı (ÇDD) vərəmlə mübarizədə əhəmiyyətli irəliləyişlər əldə edib. İcra edilən ‘Stop Vərəm‘ Strategiyası ÜST/Avropa tərəfindən penitensiar xidmət sahəsində ən uğurlu təcrübə nümunəsi kimi tanınıb”, ÜST Azərbaycan Ofisinin rəhbəri Dr. Hande Harmancı bildirib.

Müsbət təcrübələri nəzərə alaraq ÜST 2014-cü ildə özünün bu tərzdə dünyada yeganə mərkəzi olan, həbsxanalarda vərəmlə mübarizə üzrə Əməkdaşlıq Mərkəzinin qurulmasını dəstəkləyib. Mərkəz, həbsxanalarda vərəm sahəsində yüksək keyfiyyətli, sübutlara əsaslanan tədris yolu ilə ÜST strategiyaları və təlimatlarını təbliğ edir, eləcə də dünyanın müxtəlif yerlərində həbsxanalarda icra edilən vərəm proqramı da daxil olmaqla, Milli Vərəm Proqramlarına texniki yardım göstərir.

Vərəm hava yolu ilə ötürülən, infeksiyalı şəxsin nəfəs verdiyi bakteriyalı hava ilə nəfəs almaqla yoluxan xəstəlikdir.  Vərəmin əsas səbəbi vərəm mikobakteriyasıdır. Dünya əhalisinin təxminən üçdə biri xəstəliyin latent formasına yoluxub və yoluxmuş insanların onda birində isə bu aktiv vərəmlə nəticələnir. Avropada vərəmin yayılması göstəriciləri dünya üzrə ən aşağı səviyyədə olmasına baxmayaraq, ÇDD vərəm halları da ən geniş məhz burada yayılıb.

ÜST Avropa Regional Bürosu və ÜST-ün ölkəmizdəki nümayəndəliyi, Əməkdaşlıq Mərkəzinə dünyanın müxtəlif ölkələrindən potensial iştirakçıları və beynəlxalq ekspertləri cəlb edib, müasir materialları təmin etməklə yanaşı təlim kursları və tanışlıq səfərləri təşkil edir.

Məsul şəxslər:

ƏN TBİ – Natəvan Əlixanova, natavan_x@yahoo.com

ÜST/ÖO – Cəvahir Süleymanova, suleymanovaj@whio.int

Ətraflı məlumat üçün:

Əməkdaşlıq Mərkəzi (http://www.prisonhealth.az/index.php?lang=3&ind=main&id=106)  

ÜST/Avropa:(http://www.euro.who.int/en/health-topics/communicable-diseases/tuberculosis/partners-and-networks/who-collaborating-centre-in-azerbaijan-on-tuberculosis-in-prisons)