Beynəlxalq Miqrasiya Təşkilatı hakim və hüquqşünaslar üçün təlimlər keçirir
02 sentyabr 2019
- BMqT-nin Azərbaycan nümayəndəliyi hakim və hüquqşünasların daha geniş auditoriyasını əhatə edərək onların Beynəlxalq Miqrasiya Hüququ ilə tanış olması üçün hər biri iki gün olmaqla 2-3 sentyabr və 5-6 sentyabr tarixlərində iki kaskad təlimi keçirir.
Daha çox hakim və hüquqşünasların biliklərinin artırılmasına şərait yaradacaq təlimlər miqrasiya və insan alverinə qarşı mübarizə sahələrində qərar qəbulunda və işlərin aparılmasında beynəlxalq və Avropa standartlarının daha səmərəli tətbiq olunmasına kömək edəcək.
Bu kaskad təlimləri Azərbaycan Ədliyyə Nazirliyinin Ədliyyə Akademiyası ilə müştərək əməkdaşlığın nəticəsidir və təlim proqramı, kurikulumların hazırlanması, təlim materiallarının təkmilləşdirilməsi, təlimçilərin və kaskad təlimləri vasitəsilə ədliyyə işçilərinin ixtisaslaşmasına töhfə verən daha iri bir layihənin tərkib hissəsidir.
Bu təlimlər Azərbaycan hökuməti ilə əməkdaşlıqda ABŞ Dövlət Departamentinin Narkotiklər və Hüquq Mühafizəyə dair Beynəlxalq Məsələlər üzrə Bürosunun maliyyələşdirildiyi “Azərbaycanda potensialların artırılması və texniki dəstək vasitəsilə insan alverinə qarşı mübarizənin səmərəliliyi üçün əməkdaşlığın gücləndirilməsi – VI Faza” layihəsi çərçivəsində həyata keçirilir. BMqT insan alverinə, həmçinin transmilli mütəşəkkil cinayətkarlığa qarşı mübarizədə Azərbaycan hökümətinə yardım və dəstək verməkdə, eləcə də həssas miqrantları, habelə insan alveri qurbanları və potensial qurbanlarına müvafiq yardım xidmətləri ilə təmin etməklə onların müdafiəsini gücləndirməkdə davam edir.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
