Azərbaycanda doğulan uşaqların cins nisbətinin pozulmasına zəmin yaradan mexanizmlər

Bu hesabatda Azərbaycanda doğulan uşaqların cins nisbətinin pozulmasına zəmin yaradan mexanizmlərin keyfiyyət və kəmiyyət əsaslı tədqiqinin nəticələri təqdim olunur. Tədqiqat 2012-ci ildə aparılaraq BMT-nin Əhali Fondunun Azərbaycan Nümayəndəliyi və Ailə Qadın və Uşaq Problemləri üzrə Dövlət Komitəsi tərəfindən təşkil olunub. Hesabatda dölün cinsi əsasında edilən selektiv abortlar fenomeninin yayılma səviyyəsi və əsas səbəblərinin araşdırılması üzrə ilk təşəbbüsün nəticələri əks olunmaqla yanaşı, məsələyə dair müvafiq dövlət müdaxiləsinin edilməsi üçün bir sıra tövsiyələr də təqdim edilir. Hesabatda əks olunan fikir və mülahizələr müəlliflərə aiddir və BMT-nin Əhali Fondunun Azərbaycan Nümayəndəliyinin və Azərbaycan Respublikasının Ailə, Qadın və Uşaq Problemləri üzrə Dövlət Komitəsinin rəsmi mövqeyini əks etdirməyə bilər.