BMT-nin Rezident Əlaqələndiricisi Qulam İshaqzainin Beynəlxalq Novruz günü tədbirində çıxışı

Hörmətli səfir Erkan Özoral,

Hörmətli mədəniyyət naziri Əbülfəs Qarayev,

Zati-aliləri, xanımlar və cənablar,

Beynəlxalq Novruz günü Birləşmiş Millətlər Təşkilatının Baş Assambleyasının bu bayramı qeyd edən Azərbaycan, Əfqanıstan, Albaniya, Şimali Makedoniya, Hindistan, İran, Qazaxıstan, Qırğızıstan, Tacikistan, Türkiyə və Türkmənistan kimi bir sıra ölkələrin təşəbbüsü nəticəsində 23 fevral 2010-cu il tarixdə qəbul edilmiş qərarına əsasən elan edilib.

Əsrlər boyu Novruz ailələri, qonşuları və icmaları sülh, dostluq və yaxşı qonşuluq münasibətlərini təşviq edən səbəb olaraq bir araya gətirir.

Düşünürəm ki, hamımız qəbul edərik ki, dünyamızın Novruz ruhuna ehtiyacı var, hər şeydən daha çox:

Dünyadakı bütün bu münaqişələri görəndə.

Miqrantların və qaçqınların vəziyyətinə şahid olanda.

Dünyanın çox hissəsində ksenofobiya və irqçiliyin artdığını görürük.

Hamımızın, sülh və ədalət toxumlarını yetişdirmək; insan ləyaqətinə hörməti təmin etmək; evimizi, cəmiyyətimizi və planetimizi rifah gülləri ilə doldurmaq üçün Novruz ruhuna ehtiyacımız var.

Türkiyənin səfiri, Zati-aliləri Erkan Özorala Novruzu qeyd etmək üçün bizi bir araya gətirdiyinə görə təşəkkür edirəm. Hər birinizin Novruz bayramını təbrik edirəm!

300 milyondan çox insan üçün Novruz yeni başlanğıcdır.

Yeni ilin başlanğıcı. Baharın gəlməsi. Təbiətin canlanması.

Novruz sərhədlərdən ötə cəmiyyətləri birləşdirir. Novruz bayramı, ailələr və nəsillər arasında sülh və həmrəyliyi təşviq edir.

Bu bayram, insanları barışıq və dostluq münasibətlərinə həvəsləndirir.

Onun dəyərləri Birləşmiş Millətlər Təşkilatında bizim hər gün və hər yerdə birgə təşviq etdiyimiz dəyərlərlə səsləşir.

Yeni bir ilin başlanğıcı özü ilə yeni imkanlar hissini gətirir.

Bu, sülhə, dayanıqlı inkişafa və insan hüquqlarına olan öhdəliklərimizi yeniləmək şansı verir.

Bu, insan ləyaqətinə və heç kəsi kənarda qoymayacağımıza dair olan vədimizi xatırlamağımız üçün bir fürsətdir.

Bu bayram, sülh dolu, ədalətli və inklüziv cəmiyyətlər qurmaq; insan hüquqlarını qorumaq, gender bərabərliyini, qadınların və qızların səlahiyyətləndirilməsini təşviq etmək; eləcə də planetin və təbii sərvətlərin dayanıqlı qorunmasını təmin etmək naminə qərarımızı möhkəmlətmək üçün bir imkandır.

Novruz bizə ortaq dəyərlərimizi və müxtəlifliyimizin zənginliyini xatırladır.

Hamınıza xoşbəxt, sağlam, rifah və sülh dolu Novruz arzulayıram.

Qoy bu bayramın dostluq, harmoniya və təbiətə hörmət ruhu hər birimizi ilhamlandırsın.

Təşəkkürlər.