Hekayə

ÜST-nin bayrağı Heydər Əliyev Mərkəzinin üzərində əks olundu – həmrəylik və dəstək rəmzi kimi

17 aprel 2020
Şəkilaltı imza: The Heydar Aliyev Centre projected the flag of the World Health Organization (WHO) as sign of the country’s support to the work of the organization in fighting the COVID-19 pandemic all over the world.
Foto: © Heydar Aliyev Centre

BMT bu həmrəyliyi və dəstəyi yüksək qiymətləndirir.

BMT-nin Azərbaycandakı nümayəndəliyi Heydər Əliyev Mərkəzinə Azərbaycanın əsas memarlıq simvollarından birinin üzərində Ümumdünya Səhiyyə Təşkilatının (ÜST) bayrağının təsvir olunmasına görə dərin minnətdarlığını bildirir. Bu həmrəyliyi və dəstəyi yüksək qiymətləndiririk.

Mübarizənin ön cəbhəsində olan Ümumdünya Səhiyyə Təşkilatı (ÜST) minlərlə əməkdaşı ilə birgə virusla mübarizə aparan üzv dövlətləri və onların cəmiyyətlərini, xüsusilə də bu pandemiyadan daha çox əziyyət çəkənləri, məsləhət, təlim, avadanlıq və həyati əhəmiyyət daşıyan xidmətlərlə dəstəkləyir.

ÜST və BMT-nin digər agentlikləri ölkədə COVID-19 pandemiyasının səbəb olduğu təcili problemləri həll etmək üçün Azərbaycan hökuməti və digər tərəfdaşlarla sıx əməkdaşlıq edir.

Azərbaycanın bu çətin sınaqdan alnıaçıq çıxmasına dəstək olmaq üçün əlimizdən gələni edəcəyik. Biz birlikdə daha güclüyük və birlikdə bu böhrana qalib gələcəyik.

Bu təşəbbüsdə iştirak edən BMT qurumları

BMT
Birləşmiş Millətlər Təşkilatı
ÜST
Ümumdünya Səhiyyə Təşkilatı

Bu təşəbbüs vasitəsilə dəstəklədiyimiz məqsədlər