Beynəlxalq Miqrasiya Təşkilatının Azərbaycan nümayəndəliyi təmsilçiləri regionlara monitorinq səfəri ediblər

İyunun 20-21-i tarixlərində BMqT-nin Azərbaycan nümayəndəliyinin təmsilçiləri ABŞ İnkişaf Agentliyi tərəfindən maliyyələşdirilən BMqT-nin İnsan Alverinə Qarşı Mübarizə üzrə Fəaliyyət layihəsi çərçivəsində Gəncə-Göygöl bölgələrinə monitorinq səfəri ediblər. Səfər zamanı dəstəklənən mikro sahibkarlıq fəaliyyətləri monitorinq edilmiş, benefisiarlara ilkin təhlükəsizlik ləvazimatları verilmiş, eyni zamanda onlara əməyin mühafizəsi ilə bağlı ilkin təlimatlar verilmişdir. Bütün benefisiarlar USAID-in tələblərinə uyğun olaraq ətraf mühitə təsirin qiymətləndirilməsindən keçib və onların biznes təşəbbüslərinin davamlı təcrübələrə uyğun olması təmin edilib.

Öz bizneslərini uğurla quran layihə benefisiarları çətinliklər qarşısında müstəsna dözümlülük və sahibkarlıq ruhu nümayiş etdirmişlər. Onların açdıqları müəssisələr müxtəlif sektorları, o cümlədən bərbərxanalar, gözəllik salonları, şirniyyat evləri və hətta pilates studiyasını əhatə edir. Bu müəssisələrin uğuru layihənin həssas şəxslərə dəstəyin verilməsinin effektivliyinə sübutdur.

Monitorinq səfəri zamanı doqquz benefisiarın müəsisələrinə baş çəkildi. Onların uğur hekayələri ünvanlı yardım və dəstəyin gücünü bir daha əks etdirir.

Ümumilikdə, layihə çərçivəsində 21 həssas benefisiar davamlı dolanışıq vasitələrini əldə etməyə və həyatlarını yenidən qurmağa imkan verən dəstək ilə təmin edilmişdir. Bu nailiyyətlər insan alveri və məcburi əmək kimi mürəkkəb problemlərin həllində birgə səylərin göstərə biləcəyi müsbət təsiri əks etdirir. Bu uğur hekayələri kollektiv səylərin insan alveri və məcburi əməyə məruz qalanların həyatına göstərə biləcəyi müsbət təsirləri əks etdirir.

USAID-in dəstəyi ilə BMqT tərəfindən 2015-ci ildən həyata keçirilən İnsan Alverinə Qarşı Mübarizə üzrə Fəaliyyət layihəsi Azərbaycan Hökumətinə və QHT-lərə insan alverinin və məcburi əməyin qarşısının alınması və onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmağa kömək edir. Layihənin məqsədi sığınacaqlar, fəaliyyət göstərən vətəndaş cəmiyyəti təşkilatlarına texniki və maliyyə dəstəyi göstərmək, insan alveri və məcburi əməyin potensial və faktiki qurbanlarına yardım göstərməklə yanaşı, insan alveri ilə bağlı ictimaiyyəti məlumatlandırmaqdır.