Aİ və ÜST “Səhiyyədə fövqəladə hallarda icmalarla iş: öyrənilmiş dərslər və gələcəyə baxış” mövzusunda təlim keçirib
02 dekabr 2022
-
Avropa İttifaqının maliyyə dəstəyilə həyata keçirilən COVID-19 əleyhinə Vaksinasiyaya Dəstək layihəsi və ÜST-nin Səhiyyədə Fövqəladə Hallar Proqramı çərçivəsində “Azərbaycanda Səhiyyədə fövqəladə hallarda icmalarla iş: öyrənilmiş dərslər və gələcəyə baxış” mövzusunda təlim keçirilib.
![](/sites/default/files/styles/large/public/2022-12/Community%20Engagement.jpg?h=2992ba0a&itok=GsdaSCDE)
Təlim pandemiyadan öyrənilmiş dərsləri müəyyən etmək və onlardan risk kommunikasiyası və icmalarla işlə bağlı gələcək fəaliyyətlərdə istifadə üçün bilikləri və bacarıqları artırmaq məqsədi daşıyıb.
Sözügedən təlim iştirakçılara COVID-19 peyvəndinin tətbiqini icmalarda artırmaq və həssas icmalarla əlaqə qurmaq üçün prioritet tədbirləri müəyyənləşdirmək, o cümlədən pandemiya zamanı əldə edilmiş təcrübəni digər fövqəladə hallar üçün sistemləşdirmək imkanı verib. ÜST-nin ekspertləri tərəfindən icmaların cəlb edilməsinə ÜST-nin yanaşması, icmanın cəlb edilməsinin əsas prinsipləri və icmalarla effektiv əlaqə qurma üsulları haqqında təqdimatlar edilib və qrup işi təşkil olunub.
Təlimin ilk günündə ÜST-nin ekspertlərinin təqdimatları ilə yanaşı, UNICEF və Azərbaycan Qızıl Aypara Cəmiyyətinin nümayəndələri icmalarla işlə bağlı öz təcrübələrini bölüşüblər.
Təlimin ikinci günündə Tibbi Ərazi Bölmələrini İdarəetmə Birliyi (TƏBİB), ÜST-nin Gürcüstan Ölkə Ofisi və Azərbaycan Könüllü Təşkilatları İttifaqının nümayəndələri icmalarla işlə bağlı ən yaxşı təcrübələri əhatə edən təqdimatlarla çıxış ediblər.
2 gün davam edən təlimdə yerli səhiyyə qurumları, qeyri-hökumət təşkilatları və BMT agentlikləri daxil olmaqla 20-dən çox qurum təmsil olunub. Təlimin sonunda iştirakçılar sertifikatla təltif edilib.
![Fanara Bunyadzada](/sites/default/files/styles/thumbnail/public/2020-06/Fanara%20Bunyatzade.png?h=8ab9bc93&itok=dEccuFxa)