ÜST milli tərəfdaşları ilə Azərbaycanın səhiyyə sahəsində ehtiyaclarını və onların həlli yollarını müzakirə etmək üçün seminar təşkil edib
24 sentyabr 2022
-
ÜST-nin 5 günlük ekspert missiyası (19-23 sentyabr) Azərbaycandakı işini 57 səhiyyə işçisinin qatıldığı müzakirə ilə tamamlayıb. Səhiyyə Nazirliyi, TƏBİB, Tibb Universiteti, Dövlət Həkimlərin Təkmilləşdirilməsi İnstitutu, Bakıda və bölgələrdə yerləşən tibb kollecləri və müəssisələrinin təmsilçilərinin, eləcə də ÜST və UNICEF ekspertlərinin qatıldığı tədbirdə ölkənin səhiyyə ehtiyacları və onların həlli yolları müzakirə edilib.
Tədbirdəki əsas müzakirə istiqamətləri olaraq ilkin səhiyyə, xəstənalarda pasiyentlərə ximət göstəriləməsi, tibb bacısı və orta tibb işçiləri, tədris və təlim məsələləri olub. Bu istiqamətlərin hər birindəki çağırışlara cavablar təklif edilməsi üçün 4 ayrı qrup müzakirəsi aparılıb.
Missiyanın ölkədəki görüşləri və səhiyyə müəssisələrindəki qiymətləndirmələri ilə yanaşı, qeyd edilən müzakirənin nəticələri ÜST-nin Azərbaycanın səhiyyə sisteminin transformasiyası və gücləndirilməsi səylərini ən effektiv şəkildə necə dəstəkləməyə dair planlamasında əsas məlumat mənbəyi rolunu oynayacaq.
ÜST yerli tərəfdaşlarla sıx əməkdaşlıqda səhiyyə xidmətlərinin keyfiyyətinin yüksəldilməsi və əhatə dairəsinin genişləndirilməsi, həmçinin ictimai səhiyyədə fövqəladə halların qarşısının alınması sahələrində Azərbaycana dəstək verən bir sıra layihələr həyata keçirməkdədir. Missiya və onun tərkib hissəsi kimi baş tutan müzakirə Azərbaycana qeyd edilən davamlı dəstəyin tərkib hissəsidir.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
