ÜST Azərbaycanda reabilitasiya və köməkçi texnologiya xidmətlərinin dəstəklənməsi üzrə işlərini davam etdirir

Missiyanın məqsədi Səhiyyə Nazirliyi, Əmək və Əhalinin Sosial Müdafiəsi Nazirliyi və İcbari Tibbi Sığorta üzrə Dövlət Agentliyi tərəfindən izhar edilən reabilitasiya və KT xidmətlərinə əlçatanlığın genişləndirilməsi üzrə Azərbaycan hökumətinin sorğusuna cavab vermək olub.

Missiya ÜST-nin Standartlaşdırılmış Reabilitasiya Vəziyyətinin Sistematik Qiymətləndirilməsi (STARS) və Köməkçi Texnologiya Bacarıqlarının Qiymətləndirilməsi (ATA-C) alətlərindən istifadə etməklə Azərbaycanda mövcud reabilitasiya və KT-yə dair vəziyyəti qiymətləndirib, çoxsahəli əməkdaşlıq və Azərbaycan höküməti daxilində Departamentlərin Fəaliyyət Planının inkişafına reabilitasiya və KT-nin inteqrasiyası üzrə texniki yardım göstərib.

Səfər çərçivəsində ekspertlər müxtəlif dövlət qurumları ilə görüşlər keçirib, Bakı, Gəncə, Naftalan, Şəki, Qəbələ, Naxçıvan və digər regionlarda reabilitasiya müəssisələrinə baş çəkiblər. Müvafiq nazirliklərin və dövlət qurumlarının nümayəndələrinin iştirakı ilə rəhbərlik, idarəetmə, təcili tibbi yardım, səhiyyə, maliyyə, informasiya sistemləri və xidmətlərin göstərilməsi üzrə insan resursları üzrə fokus qrup müzakirələri keçirilib. Həyati reabilitasiya və KT xidmətlərinə ehtiyacı olan insanlarla, eləcə də xidmət təminatçıları ilə əlavə görüşlər keçirilib. Bu fəaliyyətlər zamanı qiymətləndirmələrin ilkin nəticələri təqdim olunub və rəylər toplanıb. Missiyanın sonunda ekspertlər qiymətləndirmələr nəticəsində Azərbaycan üçün Milli Yol Xəritəsi üzrə Fəaliyyət Planının hazırlanmasına dair KT və reabilitasiya strategiyasının gələcək inkişafının planlaşdırılmasına kömək edəcək tövsiyələr hazırlayıb.

Reabilitasiya uşaqlara və böyüklərə gündəlik fəaliyyətlərdə mümkün qədər müstəqil olmağa kömək edir və təhsil, iş, istirahət və ailənin qayğısına qalmaq kimi həyati funksiyalarını yerinə yetirməyə imkan verir. Eyni şəkildə zəruri KT məhsullarına əlçatanlıq insanlara daha yaxşı görməyə və eşitməyə kömək edə bilər; o, əqli və idrak əlilliyi olan şəxslərə başqaları ilə daha effektiv qarşılıqlı əlaqə qurmağa yardım edə və psixo-sosial əlilliyi olan insanlara çətin anları idarə etmək və işləmək üçün dəstək ola bilər. Köməkçi texnologiyalar insanlara gündəlik vasitələrlə öz funksiyalarını həyata keçirməyə kömək edir.

Azərbaycan özünün reabilitasiya və KT sektorunu gücləndirməyə davam edir, həmçinin Səhiyyə Nazirliyi və Əmək və Əhalinin Sosial Müdafiəsi Nazirliyinin rəhbərliyi ilə səhiyyənin yol xəritəsini hazırlamağı planlaşdırır. ÜST-nin Azərbaycandakı nümayəndəliyi bu işdə sözügedən nazirliklərə texniki dəstək göstərməyə davam etdirir.

Son iki ildə ÜST Azərbaycan Respublikasının səkkiz iqtisadi zonasında 1156 ev təsərrüfatı üzrə 5597 respondentdən məlumatın toplandığı sürətli KT Qiymətləndirməsi (r-ATA) sorğusu kimi çoxsaylı reabilitasiya və KT fəaliyyətləri həyata keçirmişdir. r-ATA sorğusunun nəticələri ölkədə KT-yə olan tələbat haqqında əsas məlumatların toplanmasında son dərəcə faydalı olmuşdur.

Qlobal miqyasda ÜST səhiyyə sistemlərində reabilitasiyanı gücləndirmək və KT məhsul və xidmətlərinə əlçatanlığı genişləndirmək üçün böyük layihələr həyata keçirir. Bu layihələr insanların həyati funksiyalarını təkmilləşdirmək məqsədi daşıyır ki, bu da son nəticədə xüsusilə əlillər və ya qeyri-infeksion xəstəlikləri olan insanları sağlam qocalma üçün daha aktiv iştiraka çağırır və həyat keyfiyyətinin yüksəlməsinə səbəb olur.