Press reliz

Beynəlxalq Miqrasiya təşkilatının Azərbaycan nümayəndəliyi Gəncə şəhərində həssas qruplardan olan qadınlar üçün kiçik biznes təlimini uğurla başa vurdu

22 iyun 2022

  • Beynəlxalq Miqrasiya Təşkilatının (BMqT) Azərbaycan nümayəndəliyi ABŞ Beynəlxalq İnkişaf Agentliyinin (USAID) maliyyə dəstəyi ilə həyata keçirdiyi “Insan Alverinə Qarşı Mübarizə üzrə Fəaliyyət” layihəsi çərçivəsində 21-22 iyun tarixlərində Gəncə şəhərində həssas qruplardan olan qadınlar üçün kiçik biznes təlimi təşkil edib.

Təlimdə ilkin seçim mərhələsini keçmiş 10 yerli qadın iştirak edir. Təlim zamanı iştirakçılar kiçik biznes fəaliyyəti və biznesin idarə olunması haqda bilik və bacarıqlar əldə ediblər. Onlar, həmçinin biznes planların hazırlanması ilə tanış olub və biznes ideyalarının reallaşdırılmasına əlavə dəstək üçün biznes plan təqdim etmək hüququ əldə ediblər. Təlimi uğurla başa vuracaq və biznes planı qiymətləndirmə komissiyası tərəfindən məqbul qiymətləndiriləcək iştirakçılara kiçik sahibkarlıq fəaliyyətlərini həyata keçirmək üçün dəstək göstəriləcək.

Təlimin sonunda iştirakçılara sertifikatlar təqdim olundu.

BMqT tərəfindən həyata keçirilən USAID-inin maliyyələşdirdiyi İnsan Alverinə Qarşı Mübarizə layihəsi Azərbaycan hökumətinə və QHT-lərə insan alverinin və məcburi əməyin qarşısının alınması və onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmaqda kömək edir. Buraya insan alveri və məcburi əməyin potensial və faktiki qurbanlarına kömək edən sığınacaqlari idarə edən vətəndaş cəmiyyəti təşkilatlarına texniki və maliyyə dəstəyi daxildir.

Beynəlxalq Miqrasiya təşkilatının Azərbaycan nümayəndəliyi Gəncə şəhərində həssas qruplardan olan qadınlar üçün kiçik biznes təlimini uğurla başa vurdu

Ilgar Xudiyev

İlqar Xudiyev

BMqT
Kommunikasiyalar üzrə konsultant

Bu təşəbbüsdə iştirak edən BMT qurumları

BMqT
Beynəlxalq Miqrasiya Təşkilatı

Bu təşəbbüs vasitəsilə dəstəklədiyimiz məqsədlər