Dayanıqlı İnkişaf Məqsədlərinin Göstəriciləri əsasında Yenilənmiş İnsan Hüquqlarına dair Göstəricilərin Cədvəli

Birləşmiş Millətlər Təşkilatının İnsan Hüquqları üzrə Ali Komissarlığı (BMT İHAK) beynəlxalq ekspertlər və tərəfdaş təşkilatlarla əməkdaşlıq çərçivəsində insan hüquqlarına dair göstəricilərin izahedici cədvəllərinin ilkin versiyasını işləyib hazırlamışdır. BMT İHAK bu cədvəlləri Birləşmiş Millətlər Təşkilatının Baş Məclisinin 2030-cu il üzrə Dayanıqlı İnkişaf Gündəliyinin (A/RES/71/313) icrasının ölçülməsi məqsədilə qəbul etdiyi qlobal göstəricilər çərçivəsini nəzərə almaqla yeniləmişdir. BMT İHAK, Dayanıqlı İnkişaf Məqsədlərinin göstəricilərinin əksəriyyətinin inkişaf hüququ da daxil olmaqla insan hüquqlarının həyata keçirilməsi və ölçülməsi ilə birbaşa əlaqəli olduğunu hesab edir.

Bu vəsait (Dayanıqlı İnkişaf Məqsədlərinin (DİM) Göstəriciləri əsasında Yenilənmiş İnsan Hüquqlarına dair Göstəricilərin Cədvəli) BMT İHAK tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilib.